I. Angola

LA COSMOGRAPHIE

et d’eux ^ en avant, sont tous gens saulvaiges et pasteurs, f» 127 r Et au dedans de la terre, bien loing, y a gens qui n’ont point de testes et est la teste dedans la poictrine, et toute la reste forme d’homme. Et plus en oriant y en a d’aultres qui n’ont que ung oeul au front. Et au septentrion des montaignes de Lune, y en a d’aultres qui ont les piedz comme une chiévre et aultres qui ont visaige de chien et le reste forme d’homme. Et de la terre d’Angolle vers le cap de Bonne Espérance, vers l’austre midy, les gens, par la plus grand part, ne parlent point et ne font que sibler et ont forces beufz et vaiches. De la montaigne Nègre au cap de la Victoire y a deux cens trente lieues, et la route gist nord et su et prent ung quart de norouest et suest, et sont toutes terres haultes montaigneuses. La coste est saine, sans nul danger pour navires. Le cap de la Victoire est par les vingt et cinq degrez de la haulteur du polie antartique. Du cap de la Victoire au cap de Bonne Espérance y a cent cinquante lieues et la route est nord norouest et su suest.

Le cap de Bonne Espérance est par les trente quatre degrez et deux tiers de la haulteur du polie antartique.

Le cap de Bonne Espérance tient au su et au surouest, environ cinq ou six cens lieues, la terre Australie " qui tient à La Jave ^ aussi en oriant comme en occident.

Et entre la terre Australie et le cap de Bonne Espérance, quasi au meilleu de la mer, sont les isles de Frenantristan 4 . Et sont dix ou douze isles et sont isles dé-

1. En tête du folio 127 recto, une carte avec les légendes ; Couste d’Embon, rivière Réal, cap de Loppe Consalve, la rivière de Manicongres.