I. Cap Ras-el-Had

LA COSMOGRAPHIE

et dix de latitude. Toutesfoys, à son commencement, elle n’en a que quatre ou cinq lieues de largeur, et au meilleu d’elle y a deux isles, et en l’une d’elles y a une manière d’arbres, que, si vous en couppez, il sent fort bon et est de bonne odeur et confortable. Et du cousté devers Arabye Félix sont les gens appeliez Corones et Macides. Et de l’entrée, la coste tourne l’est et ouest, et prent ung quart de nordest et surouest. Et davant ceste coste y a quatre bonnes isles. En ceste terre sont les provinces de Massenne et Régane et des Egées, et est terre bien peuplée, là où il (y a) forces marchans, lesquelz traictent avec les auromates d’Arabye Félix.

Et au bout est la ville de Gora ‘, et d’icy tourne la coste au nord au dedans de la mer de Perse. Et au dedans de l’entrée de la mer de Perse, y a une isle qui est toute de sel, là où il y a une bonne ville qui s’appelle Eléré- ' moux ^ et icy a, le roy de Portugal, un chasteau qui tient la ville en subgection, et en ladicte isle n’y a poinct f- i33 v^ d’eaue, et la vont quérir à la grand terre. Et le Roy de Portugal a icy ce chasteau à cause de la trafficque de la piarreye, comme rubiz, dyamanz et aultres piarreryes qui sont en icelle terre. Ladicte isle est fort chaude, la plus chaulde de toutes les Indes. Toutesfoys elle est terre saine. Et de la ville de Gora la coste de la mer Perse gist nord et su jusques à la rivière Eufrates qui est en Arabye déserte, et jusques à la montaigne Babilon. Et a, ceste coste, cent dix lieues de latitude, qui est la latitude de la mer Persique. Et a de longitude, ladicte mer Persique, cent quatre vingtz lieues. Et entre la montaigne Babilon et la rivière Eufrates est la terre de Caldée qui