Kerman
LA COSMOGRAPHIE
plaine de maulvaises gens. Et en la terre plate de Perse, là où est la grand ville de Perse, la terre est fort bonne et fertille et abundante de toutes choses. Et en ceste terre là où est Perse, et en toute la Perse, y a de beaulx chevaulx, et y a des asnes si grandz et si légiers qu’ilz vallent bien chevaulx. Car ce sont les meilleurs de tout le monde. Et d’icy les mènent les marchans, les chevaulx et asnes, à la Judée (oz^Indie), parceque là n’y en a guéres, ou s’il y en a, ilz ne sont pas si bons. Les gens de la Perse sont fort luxurieux et ont fort belles femmes. Et ung chacun en prent tant qu’il veult et nourrissent leurs enffans en ceste manière. Après que sont de quatre ans, les tiennent aux escolles à apprandre les livres des histoires. Et quant ilz ont dix ou douze ans, les baillent à chevaliers à leur montrer la chevallerye et faict de guerre. Et après qui sont dextres, les baillent au service du roy, et celluy qui en a la charge, ne les laisse jamais estre ocyeux, mays f» iSy r». continuellement les font vacquer et exercer au faict de la guerre et de la chasse, les ungs avec les aultres, et. joiier d’armes, comme à courir la lance, tirer d’arcs et flèches, et les font souvent aller à la chasse ; et s’ilz prenent quelque chasse, ne la mangent pas, ains la portent à la maison pour des aultres. Et après qu’ilz viennent de la chasse, ne leur baillent que du pain dur et ne leur laissent jamais boire du vin, que de l’eaue, et ainsi les nourrissent jusques à l’aage de vingt ans. Et après suyvent la guerre jusques à l’aage de cinquante ans. Et par ce moyen, sont vaillans gens. Les roys de ceste terre de Perse ne tiennent pas leur trésor en monnoye, mais le tiennent en lingotz, et ne les mectent point en monnoye, sinon ainsi qu’ilz en ont affaire. Ceste pro-
LA COSMOGRAPHIE
vince de Perse est grande et riche, et y a force or qu’il provient de la mesme terre. Et, en la mer, y a ung bon port où viennent les marchandises de l’Indye. Et en toute la province de Perse se font forces draps d’or et de soye. Les gens sont bien dispotz et ont belles femmes et sont gens de guerre. Leur langaige est fort beau et est entendu en beaucoup de lieux. Et de Perse, en oriant, est la Carménye qui est une grand terre et est toute la langue de Perse. En oriant de Carméne est la rivière Idus ', et Carmène a, du cousté d’occident, la Perse. Carmène tient à l’austre midy, la mer Occèane, et une partie d’elle, la mer Persique, et du septentrion, la province des Ariens. Et du coustè de Perse entre Carménye et Perse, y a de grandz désertz, là où sont les gens Yppafogues (ou Yppofogues) et les gens Susées et les Sabèes et les gens Patrates et les Cites, lesquelz sont gens terribles et maulvais, lesquelz usent de larcins, et sont tous en la subgection du Souldan de Perse. Et passé ceulx icy la terre est fort belle et bonne. Et icy est une ville qui s’appelle Baldac là où Alexandre se maria avec la fille du roy Dare. Et en ceste belle terre est la ville appellée Sabba, de là où sortirent les trois roys F» i37 V». magiciens lesquelz furent adorer Jèsuchrist en Bèthelléan. Et en icy est leur sépulture. Du cousté devers la mer de ladicte ville où sont sépultez les troys roys, sont tous palmiers de palmes qui sont arbres de grand prouffit. Du cousté du septentrion, auprès de la terre des Arrianes, est la province des gens appeliez Arriens, lesquelz sont maulvaises gens et vivent de latronye et d’aultres meschantes manières, en manière qu’ilz ne lais-
