I . Le Sind

LA COSMOGRAPHIE

sent passer personne par la terre qui ne destroussent et desrobent et tuent. Et, après ceulx icy, sont les Arrianes qui sont vaillans gens et ont une très bonne terre.

Et après ceulx icy, devers le septentrion, sont les gens Batrans ’ qui sont entre les Arrians et les montaignes Caspies ; par laquelle terre passa Alexandre le grand avec grand travail pour conquester les Batriens et Soudiens.

Et à ceste foys il subjuga lesdictz et encores les Gettes et Ates qui sont en les montaignes Ymèes, où est la grand montaigne Cascose et la montaigne Scitisse, lesquelles proccèddent des montaignes RufFèes et Perborèes, lesquelles sont en Europe, en Boesme et en Allemaigne. Et toutes se vont assembler avec les montaignes Thauro et aultres qui viennent de la terre de Pamphillie.

Et après s’assemblent avec les Cascoses et avec celles de Paroponyse, et s’en vont tout droict à la Judée (ou Indie) avec les montaignes Méron (ou Merry), et passent par la rivière Caspius. Ladicte rivière passe entre elles par une vallée là où est la piarre Dorain laquelle ne peut gaigner Hercules ny Persius. Et dient que ledict Persius fut vaincu en la montaigne Cascose par laquelle Alexandre passa. Tournant à Perse, la Carménye est à son commancement, et, auprès de Perse, est aspre et déserte, et à la fin de Perse, est bonne terre platte et bien fertille de toutes choses et principallement de bons vins.

Toute la terre de Carménye est semble à la terre de Perse, sauf quelle n’a point de chevaulx, et au lieu d’iceulx a de bons asnes qui sont aussy légiers que f« iSS r». chevaulx. Et en ceste Carménie y a une montaigne de sel, laquelle baille sel pour nourrir toute la terre.