I. de Ouro (Mercator et Hondius

LA COSMOGRAPHIE 385

à Bengalie sinon par chenaulx. Les bans boutent bien vingt ou trente lieues en la mer. Bengalie est une terre basse en la mer. Et icy descend une grand rivière, et en ladicte terre y a forces arbres de couton et amoriers de soye. Et se font, en ladicte terre, forces thoiles de couton et de soye, en si grand quantité, que l’on y charge forces navires desdictes thoilles, et sont appellées thoilles de Bengalie et y en a de grosses et de menues, et aultres qui sont tessues avec de la soye. Et de Bengalie tourne la coste jusques à Modobar et jusques à Mallaque. Et la coste gist norouest et suest et prent ung quart de nord et su, et est coste dangereuse de rochiers et isles qui vont au long la coste, et aultres qui sont bien avant en la mer. Modabar est par les quatre degrez de la haulteur du polie artique, et Mallaque par les deux degrez. Mallaque ' et Modobar tiennent en occident les isles de Samastres ^ et La Trappobainne ^ qui est une grand isle. Entre Mallaque et la Troppebonne est toute la mer basse de bans et baptures qui commencent de l’isle de Salmastre jusques au delà de Mallaque. Lesdictz bans ont trois chenaulx par lesquelz peult passer navires. Et chacun chenal a trois et quatre brasses et quatre brasses et demye de proffund. Et durent lesdictz chenaulx vingt et cinq lieues, et sont lesdictz chenaulx nord et su, et prenent ung quart de nordest et surouest. Et quant vous serez le travers de Mallaque, regardez contre Mallaque, et verrez un mont rond, et quant il