I. Voir plus loin une note dans la description de l’Asie

LA COSMOGRAPHIE

me j’ay peu apercepvoir. Et quant à moy, il m’est advis que de Jocquatte est escript que c’est celle isle nommée Orfye ' en la sainte escripture, de laquelle Salomon envoya à quérir l’or pour faire le temple de Jherusalem. Laquelle isle est à quatre cens lieues de la Jave enOriant. i5v. La terre de Tercye et Cyampaugue est devers la terre d’Avakt et au suz de la ligne esquynocialle, et d’icy fist apporter Salomon l’argent selon la prophétie de Jhéremye. La terre de Tercye est terre ferme. Orsye est une isle, et d’icelle vint for, duquel fust édifîié ledict temple. Et prétend, le roy d’Espaigne, lesdictes isles estre à sa particion, et aussi les isles de Muluque, et les iles du Cloux de Girouffle, et l’isle de Célang (pu Célum) de la Muscade. Et ceulx icy sont à deux cens lieux de la rivière de Gange en Oriant, et sont droict dessoubz la ligne esquynocialle. Et Celan (ou Célum) de la Muscade est quarente lieues au suz de la ligne devers le polie antarticque. Et la rivière du Gange est au nord de la ligne, deux cens lieues. Et me semble que à vous en appartient portion, aussi bien comme k eulx, parce que avez des gens en vostre royaulme qui congnoissent que sont les plus riches isles du monde.

Ainsi debvez sçavoir que quant le soleil tourne sur l’esquynocial, ceulx qui habitent dessoubz elle, le soleil se couche à leur midy, dessus le zéne de leur teste, et faict l’umbre particulliére à tous. Et cecy est au long l’esquynocial. Et quant il se liéve à l’orison, l’umbre va en Occident. Et quant il se couche, son umbre va en Oriant. Et quant il est sur le zéne, à l’heure il est midy, et n’a nulle umbre. Et pour ce, je dietz qu’il se va cou-