I. V. Harrisse, Cabot, p. 247, et Terre-Neuve

LA COSMOGRAPHIE

en font escolles. Et puys quant elles viennent à soy marier, sont chastes, qui est qu’elles n’ont point de cougnoissance d’aultres que de leurs maritz, et sont bonnes gens bien doulx, de manière qu’ilz ne font mal cà personne, si on ne leur en faict. Et, dudict fort à Ochélaga, y a quatre vingtz lieues. Ledict fort de Canada est par les quarente sept degrez et ung sixain de la haulteur du polie artique. Et Ochélaga est à quarente six degrez et demy de ladicte haulteur. Ochélaga est terre beaucoup meilleure que celle de Canada et sont les habitans d’icelle qdus raisonnables. Toutesfoys on ne sçait que c’est qu’ilz croyent ny quel Dieu ilz adorent, tant les ung que les aultres. En icelle terre se cueulle force milg duquelz ilz se nourrissent avec le poisson qu’ilz prenent en la rivière et en la mer. Car ce sont grandz pescheurs de toutes sortes de poisson, comme anguilles, loups marins, saulmons, alouses, marsoins, grandz quasy comme ballaines, et d’aultres plus petitz. Et y a, au sable au long la rivière, des coquilles faittes comme perles et comme pallordes qui se manjent à La Rochelle, qui sont bonnes et sont fort grandes. Et en ces terres n’y a aultre chose quecristal et setrin, comme i’ay veu. Et quant vous serez au bout de l’isle, vous verrez une grosse rivière qui tumbe d’une roche en bas quinze ou vingt brasses, et faict ung grand bruict L

Et est Canada et le cap de Ratz, de la Jart qui est en Poictou, l’est et ouest, et sont en une mesme haulteur. Et toutes ces terres de Canada, par raison, cioibvent estre appellées La Nouvelle Erance, parce quelles sont en une mesme haulteur. Et si elle estoit aussi bien peu-