Caen

LA COSMOGRAPHIE

Cans à quarente neuf degrez et demy. De la rivière de Cans, tourne la coste au nord est jusques à la rivière de Senne, et y a en la traverse dix lieues. Geste rivière de Senne ’ descend des montaignes appelées Bogoses ^ qui sont és Allemaignes et passe par la Campanye ^ et par la Haulte Bourgoigne et par la Belle France qui est la meilleure terre de France. Geste France est la plus noble région du monde et est de royaulme le plus envié que soit au monde, et le plus souvent assailly d’ennemys. A raison de quoy est besoing qu’il y ayt en luy de bons gouverneurs et de bons chevaliers, comme toujours il y a eu. Dieu remercie et monseigneur sainct Denys, son patron. Ladicte rivière de Senne passe par la très noble ville et cité de Paris qu’est la maistresse et capitalle ville de France, comme faict auprès la ville de Rouen et plusieurs aultres villes, et vient descendre en la mer auprès de la ville Françoyse de Grâce, laquelle a esté fondée par le très crestien roy Françoys de ce nom, cinquente et huyctiesme roy de France. Ladicte ville Françoyse de Grâce 4 est par les cinquante degrez de la haulteur du polie articque, et Rouen par les quarente neuf degrez et demy. La noble cité de Paris par les quarente huyt degrez et demy de la haulteur du polie articque. La mer où descend ladicte rivière s’appelle la Manche qui vient de la mer Occéane. Ladicte rivière de Senne, à son entrée, est fort dangereuse de bans et baptures et de grandz courantz d’eaue, et y a