V LA MARQUISE DE MONTFERRAT IO

blement receu de la Dame : laquelle luy sembla en la regardant (outre ce qu'il avoit sceu comprendre par les paroUes du Chevalier), belle, honneste, et vertueuse : dont grandement s'esmerveilla, et la loua beaucoup; s'allumant de tant plus en son désir, comme plus il trouvoit qu'elle passoit Testime qu'on luy avoit faict. Et après que le Roy se fut retiré aux chambres qui estoient préparées, et en ordre, comme il appartient à un tel Prince, et que l'heure du disner fut venue, le Roy et ma Dame la Marquise s'assirent à une table ; et les autres selon leurs qualitez furent traitez en autres tables. Le Roy estant servy successivement de plusieurs metz, et de vins excellentz, et regardant quelquesfois ma Dame la Marquise, recevoit grand plaisir; toutesfois, voyant l'un service après l'autre, et que toutes les viandes (combien qu'elles fussent apprestées en diverses sortes) n'estoient que gelines, il commença à s'esmerveiller : mesmes qu'il congnoissoit que le lieu où ilz estoient, estoit tel qu'on eust bien peu recouvrer en abondance de toutes autres volailles et venaison ; et qu'elle avoit e\i loysir de faire chasser depuis qu'il luy

avoit faict entendre sa venue. Ce néantmoins, encor' qu'il s'esmerveillast beaucoup de cecy, il ne voulut prendre autre occasion de la devoir mettre en propos, sinon de ses gelines, et s'adressant avec un visage joyeux à elle, luy dit : « Ma » Dame, les gelines naissent-elles toutes » seules en ce païs sans aucun coq ? » La Marquise, qui très-bien entendit sa demande, luy estant adviz que nostre Seigneur luy eust envoyé (comme elle désiroit) l'heure opportune pour pouvoir monstrer son intention, respondit hardiment au Roy : — « Monsieur, nenny :

» mais les femmes (combien qu'en habil- » lemens et en honneurs elles soient » aucunement différentes les unes des » autres) toutes pourtant sont faites icy » comme ailleurs. »

Le roy, oyant sa response, congneut très-bien l'occasion du banquet des gelines, et la vertu cachée souz ses parolles, et s'aperceut que les parolles seroient respandues en vain avec une telle Dame, et que force n'y auroit point de lieu : parquoy, comme inconsidérément il s'estoit embrasé d'elle, il convenoit de nécessité estaindre sagement ce feu pour son honneur; et sans plus la