LECTEUR

Quand je eus ouy et entendu raison

Ainsi parler par prudente oraison,

Je fus si plain de joye et de plaisir

Que oncques n'en eus autant en ma maison ;

Parquoy conclus qu'il estoit bien saison

Pour éviter ennuy et desplaisir

De escrire tout à mon petit loisir

Comme raison me avoit bien faict entendre

Et à mes gens le donner à entendre :

Ce que j'ay faict dont à Dieu soit la gloire

Qui nous conduict et conduira encore

Comme j'espère en faisant bon voyage.

Et pour avoir tousjours de luy mémoire

A vous maistre d'un fraternel courage

J'en fais présent et à tout Tesquippage.

En vous priant, mes frères et amys,

Que ayons tousjours à Dieu nostre cueur mis.