PLAINCTE

sur le trespas de deffunctz

Capitaines de la Pensée et du Sacre

En la navigation des Indes : faicte par eulx l'an Mil. D. XXIX, COMPOSÉE PAR Pierre Crignon, bourgeois de Dieppe, compaignon

DESDITZ PaRMENTIER EN LEUR DICTE NAVIGATION.

Seul à parmoy faisant regretz et plainctes

Contre Atropos qui, par mortelles poinctes

Des dartz agus ou son venin a mis ,

A succumbé deux de mes bons amis,

Considérant de leur entreprise

Là ou vertu et force estoit comprise

Ne sortiroit un si louable eftaict

Comme au vivant des deux frères eust faict,

Voyant aussi noz gens soudain mourir

Sans qu'on les sceust ayder ou secourir;

Et le patron qui du tout se dispose

De retourner sans plus faire aultre chose,

Mettant desia en despris et en hayne

Tout ce que aymoit le deffunct capitame,

Son poure chien il ne povait plus veoir

Ne moy aussi, quoy que feisse debvoir

D'exécuter ses bons commandemens,

L'esprit vacquant en divers pensemens.

Il me souvient comme à la départie Chascun prenoit congé de sa partie, Et que je vey la nymphe Parmentier Qui son espoux aymoit de cueur entier, Faire un adieu si meslé de regrez Que ce voyant un cueur plus dur que grez Se feust fendu ou fondu comme cire.

Jamais ne vey adieu plus fort à dire : Sa face blanche et de couleur rosée Estoit de pleurs et larmes arousée, Helas ! disoit la nymphe gracieuse, Perdray je ainsi la perle précieuse Que tant j'aymoys : mon espoux et amy ; Je n'ay esté fors que un an et demy Avecques luy qui me semble trop briet.

O dur départ, tant tu me feras grief ! Tous les plaisirs que j'ay prins jours et nuictz Sont convertis en douleurs et ennuictz.

He mon amy, je n'ay plaisir qu'en toy, Tu as dur cueur qu'il ne te chault de moy ; Tout en un coup, je pers joye et doulceur. C'est mon mari et ma bénigne seur Qui de nouveau est par mort succumbée.

O fiere mort, que ne m'as tu tombée ? En son sercueil j'eusse esté bien heureuze Et mise hors de peine douloureuze ; Comment veulx tu tes deux enfans laisser, Pour en pays si loingtain converser Dont Ton n'a veu aucun faire retour?

Désir d'honneur te faict faire ce tour Que plust à Dieu que ton cueur si haultain Feist à mon gré : tu prendroys le certain. N'avons nous pas des biens à suffisance Pour vivre ensemble en joye et en plaisance Sans te donner tant de peine et soussy? ,

Car bien souvent te voy presque transsy

Fantasie et tout melencolique

Du grant travail et soing ou tu aplique

Ton appétit par telle œuvre entreprandre.

S'il te plaisoit avec moy en gré prendre

Les petis biens que avons peu acquérir,

Tu n'yrois point aux Lides en quérir,

Ne te exposer en un si grand danger ;

Mais ton esprit est si prompt et léger

Qu'il n'a regard aux effectz de fortune ;

Ne pense pas qu'el te soit opportune

A ton plaisir : elle est trop variable

Si autresfoys t'a esté amiable.

Au temps présent te pourra estre adverse.

Et se ainsi est que ton œuvre el renverse

Pour augmenter ton travail et ta paine,

Tu seras mis en despit et en hayne

De tous ceulx là qui te flatent et dorent;

Et d'autant plus que haultement te honorent

Ils seront lors plus promptz à te blasmer ;

Apres le doulx, tu gousteras le amer

Qui te sera un trop estrange metz.

Si tout ne advient ainsi que le prometz,

Helas ! helas ! encore n'est ce rien

D'y perdre temps ou son temporel bien ;

Mais qu'en ce lieu te veisse revenir

Pour à mon gré te acoUer et tenir !

Car je crains trop que mort ne nous sépare.

Il m'est advis que desia el prépare

Les dardz agus pour contre toy gecter

Et qu'el te va en quelque lieu guetter

Là ou courir pour te ayder ne scauray

Et que jamais je ne te reverray.

Lors en plorant el l'acoUe et embrasse

En luy disant : me feras tu point grâce ?

Helas ! nenny : bien voy qu'il est trop tard,

Les nefz sont hors, tu veulx faire départ,

Tes mathelotz te demandent et crient

Pour t'embarquer ; et puis les ventz te prient

Et leur desplaist que avec moi faictz séjour.

O pleust à Dieu, mon amy, que ce jour

Eolus feist, pour mon cueur contenter,

Le vent de ouest si rudement venter

due les deux nefz vinsent frapper en coste,

(Pour ceste nuict seroys encor mon hoste)

Et de ce coup feussent toutes brisées !

Les corps saulvez, maintes nymphes prisées

Beniroient Dieu avec moy de courage

D'avoir rompu un si pesant voyage

Ou leurs amis se vont habandonner.

Il ne sçavoit quel confort luy donner

En luy voyant démener si grant deul ;

Le cueur navré ayant la larme à l'œil,

Se repentant d'avoir faict l'entreprinse

N'eust sceu parler : car sa voys estoit prinse

Entre souspirs sortissantz de son cueur

Qui faisoient perdre alaine et vigueur.

Puis un baiser en fin luy a donné

Et un adieu aussi bas entonné,

Comme le son de dolente ténèbre

Qui me donnoit un prezage funèbre,

Ainsi qu'il est du depuis advenu.

De s'embarquer le temps estoit venu

Et nous fallut tout à l'heure partir ;

Mais comme aucuns m'ont bien sceu advertir,

La doulce nymphe à l'aultre capitaine

Ne souifroit pas moindre douleur ou paine

Mais encore plus : et luy semblablement

Au départir plora moult tendrement,

Et fauldroit bien un Virgille ou Homère

Pour déclarer la grant douleur amere,

Les durs regretz, les plainctes, les tourmentz,

Les doulx baisers et les embrassementz

Que feirent lors ces deux loyaulx amantz ;

On en ferait volumes et romantz.

Par quoy je dy que si au départir

On avait veu tant de larmes partir

De leurs beaulx yeuk que, à nostre revenue

Lors que seroit la mort d'iceulxcongnue,

Qu'on leur verroit mener grant desconfort

Dont à parmoy je les regretoys fort.

Ainsi pensif et melencolieux,

Pesant sommeil me feist clore les yeulx

Et Morpheus en forme de poésie

Se présenta devant ma fantasie,

Ainsi disant : ne te course ou indigne

De ce qui plaist à la bonté divine ;

Pense tousiours d'acomplir son vouloir

Et metz regretz et deul à nonchaloir ;

Le dieu Phebus par devers toy m'envoye

Pour te remettre un peu le cueur en joye.

Escoute moy : as tu point souvenance

Que quelque foys, par la mienne ordonnance,

Te feis songer que estoys sur le perroy

Plain de soussy et en terrible effroy,

En regardant ces navires bruller

Tous deux en rade et n'y sçavoys aller,

Ne trouver nul qui leur donnast secours ;

Et du depuis, après singler long cours,

Tu as songé à Dieppe estre arrivé.

Ou tu contoys à quelque un ton privé

Que retournez estiez sans rien faire.

Pour te advertir de ce doulent affaire

Je te faisois telles choses songer;

Car ce grant feu : actif, aspre et léger,

C'est la chaleur de fièvre continue

Qui comme un feu est aux deux nefz venue

Prendre et brusler tes deux bons capitaines

Pour mettre fin à leurs œuvres haultaines.

Mais le bon Dieu ou estoit leur fiance

Ne permettra que au fleuve d'oubliance

Leur nom périsse ou meurt avec le corps ;

Son plaisir est que l'on face recordz

De leurs vertus de honnorable mérite

Et pour loyer leurs deux âmes hérite

Lassus au ciel transformées en estoilles,

Là ou ilz sont de magnitude telles

Et de beaulté que Castor et Polus.

Ce nonobstant aucuns brouillars polutz

S'esleveront oultre ordre coustumiere,

Pour offusquer leur splendente lumière-

Mais quoy : Phebus qui le ciel illumine

Fera tomber ceste obscure bruine,

Si qu'on verra ces deux astres célèbres

Reluyre au ciel par nocturnes ténèbres,

Car tout ainsi que un grand paintre parfaict

Un boys pourry très salle et infaict

Faict sembler beau par un peu de paincture

Dont il y met bien tenue couverture,

Ou là dessus pourtraira un ymage

Si vivement qu'on luy fera hommage

Et qu'on dira : c'est une chose vive .

Mais si aucun en dispute ou estrive

Il congnoistra en bien faisant l'espreuve

Que là dessoubz c'est boys pourry qu'il treuve,

Semblablement aucuns adulateurs

Amadoueurs, invectifz détracteurs,

Feront couleur pour paindre un grant mensonge

De vérité qui s'estend et alonge

Comme l'or fin qui est plaisant à veoir

Pour tous oyans tromper et decepvoir ;

Et semblera que leurs parolles painctes

Soient veritez de l'évangile attaintes

Faisant ce bruit fluer en tous cartiers

Pour offusquer l'honneur des Parmentiers,

Le tien aussi dont beaucoup souffriras;

Mais quant au vif picqué te sentiras

Il te fauldra alors la pique prendre,

Pour leur honneur avec le tien deffendre

Contre tous ceulx qui par excessifz blasmes

Veullent honnir des trespassez les âmes.

Ce sont ceulx là qui leur donnoient louenges

En leur vivant plus qu'on ne faict aux anges,

Ce sont ceulx là qui leur command fliisoient ;

Fust bien ou mal, point ne les desdisoient

Mais plus disoient : monsieur, c'est très bien faict,

Vous estes sage et homme tout parfaict

En ce faisant vous aquerrez grant gloire

Et si bon bruict qu'il en sera mémoire

A tout jamais : tant que ton capitaine

Estoit fâché de leur louenge vaine

Comme il t'a dit en privé plusieurs foys.

Et pour cela qu'ilz n'ont heu a leur choys

Ce qu'ilz pensoient avoir par leur blandisses.

Convertiront tous les biens faictz en vices

Et en diront du mal plus qu''on ne pense.

Mais tu seras leur escu et deffense

En soustenant tousiours la vérité

Avec l'honneur qu'ilz ont bien mérité .;

Pourtant prens cueur : après toute souffrance

Tu reviendras en la terre de France.

Puis s'en alla prenant de moy congé

Et n'estoit pas encor fort eslongé

Que advis me fut que j'estoye en une isle

Plaisante à veoir, verdoyante et fertille,

Là ou croissoient plusieurs haultz arbres vertz

Qui portoient fruictz estranges et divers.

En ce beau lieu se assemblèrent les dieux.

Les demys dieux venant de divers lieux,

Les heroes, les nymphes et driades,

Oreades et les amadriades,

Les hyamides et muses pegasides

Qui se assembloyent sur les ruisseaulz humides

D'une fontaine yssante d'un rocher.

Je n'osoys pas au près de eulx aprocher

Car ils faisoient devises et carolles,

Et ne sçavoys entendre leurs parolles,

Qui les menoit ne qu'ilz venoient là faire.

Comme j'estoys pensif sur cest affaire,

D'entre eulx sortit la muse Polymnie

De grant beaulté et faconde munie,

Qui me jecta un regard de ses yeulx

Avec un ris begnin et gracieux

En adressant vers moy son petit pas, .

Dont fuz honteux, car je ne sçavoye pas

Qu'elle eust de moy aucune congnoissance ;

La regardant par grant esbahissance

Me retiray et ne l'osoye attendre,

Mais doulcement me vint par la main prendre

Et tout soudain, je me jecte à genoulx :

Susbout! dist elle, susbout mon amy doulx,

Faictz au seul Dieu honneur et sacrifice,

Je te congnoys : j'ay esté ta nourice

Semblablement aux deux bons Parmentiers

Qui ne sont plus en corps et âmes entiers ;

Tous troys vous ay en jeunesse traictez

Aymez, nourris, doulcement alaictez

Du fluant laict de mes blanches mamelles

Et congnois bien que pour eulz tu te melles^,

Car ung amy doit pourl'aultre veiller.

Donc se tu veulx un petit resveiller

Le tien esprit pour escoutermon dire,

Tu y prendras matière pour descripre

L'honneste pris et loyer qu'ilz ont heu

Par ensuivir honorable vertu.

Tous les haultz dieux qui sont en ce pourpris

Ont décrété que pour gloire et pour pris,

Leurs corps mortels tendansà pouriiture

Transformeront en quelque aultre nature.

Du corps de Jean tiens toy tout informé

Qu'il est desia en palme transformé :

Hault exalte ses branches estendues,

Et en son tronc plusieurs cocques pendues

Orné, paré de mainte feuille verte

Dont est sa tombe ombragée et couverte;

Et tout ainsi que de sa fluant bouche

A distillé mainte paroUe douche,

Le vert palmier distillera vin doulx,

Plaisant à boyre et agréable à tous ;

En ce palmier sera prins sucre et laict

Pour demonstrer qu'il estoit tout complect

En la doulceur de ornée rethorique,

Et tout ainsi que la palme on aplique

En ce pays pour voilles et cordages

Il s'apliquoit à faire longs voyages

Là ou cordage et voilles sont utilles;

Parquoy sera sur tous arbres fertilles

Aymé, prisé ; des nymphes et des muses

Souvent viendront à tout leurs cornemuses

Horganes, haultz boys, harpes et espinettes,

Soubz ce palmier raisonner chansonnettes

Par bon accord et très amoureux bien.

Lors que Phebus sur ce méridien

Fera son cours par la zone torride,

Faisant lascher à ses chevaulx la bride

Pour tost courir es mettes d'occident, Ycy viendra maint heroe prudent Prendre et gouster de son fruict savoreux : Pans, egipans en seront amoureux Les reverans de lionorable sculpture En ceste isle ougist la sépulture.

Le corps de Raoul qui jecté fut en mer, Pour demonster qu'il est digne de aymer Et que à tousiours il en soit mention. Les dieux marins en grant convection L'ont recueilly ainsi que leuraffin Et transmué en un léger daulfin.

Pour tost nager par ceste mer sallée Et advertir mainte barque etgallée Du mauvais temps et tempeste advenir Pour à leur cas soigner et prévenir Et leur monstrer aussi en quel saison Les divers ventz sont en leurmueson; Et s'il y vient des navires de France En les gardant de péril et souffrance.

Les conduira hors de bancz et bastures Pour éviter toutes pertes futures ; Et pour enseigne aux navigans jolis Le beau daulphin porte la fleur de lis Dessus son chef, et au dos la croix blanche Monstrant qu'il est d'une contrée franche. Et ceste mer ou il faict demourée Du nom des deulx doibt estre décorée, Se plus Francoys vient en ceste frontière Il nommera ceste mer Parmentiere Et en fera mémoire atout jamais.

En ce disant, et voicy un grand metz Qui vient frapper en hanche du navire Si rudement que sur le costé vire Et fus jecté du coup hors de mon lict.

Se j'avoyeprins en songeant grant delict, Au reveiller je euz cent foys plus de peur : D'une heure après n'estoys pas bien asseur, Mais quant je fus un petit revenu Memore en feis comme il est contenu En cest escript, priant tous clers voyans Qui le liront ou le seront oyans.

Me pardonner se j'ay faulte commis En priant Dieu qu'il mette noz amis En paradis ou n'a faulte de rien Cy feray fin : à Dieu, tout vienne à bien!

Finis.

Tout vienne à bien !

Pierre Crignon.

EPITAPHIUM JOANNIS PARMENTEIRII

qui in S.imothracia periit

PER Gerardum Morrhium Campexsem

Heus! heus! siste gradum, rogo, Viator, Classi velivol^e, ac parumper audi.

Parmenteirius heic jacet sepultus Qua Samumicarium alluit fluento.

Gens inhospita, patria remota Multum, (sicplacuit nécessitât! Fatorum, rigidis sororibusque) Naturas undique dotibus begnignis, Exquisite adeo manuque plena Instructus, Geniofavente et aima Junone, ut merito omnibus stupendus.

nie, inquam, numéros sciens etastra Ad unguem usque adeo^ ut secundus illi Vix quisquam veterum repertus, ille Qui vastos toties maris profundi Fluctus, et Siculae vias Charybdis Sulcavit, fragili suam phaselo Committensanimam, tridentis ausus

152 EPITAPHIUM JOANNIS PARMENTEIRII

Neptunî imperium sestimare nauci, Hic summum patrias decus theatri Curis, tristitia(velutTrophom Egressos latebris modo retrusis) Confectos toties nitore l^to Vultus in teneros sibi cachinnos Pellexit : valuit lepore namque Tantum candidulo facetiisque Ut vel semianiniem excitare Crassum Ac tristes salibus suis Catones Ad risum facile potîsse credam* Hinc factum, ut toties sui nepotes Per thermas, fora, composita, et tabernas, • Extinctum columen suas requirant

Urbis, ac lachrymis fleant obortis.

H^c sciresvolui, Viator, acjam Recta quo properas abi, sed heus tu Fac Christum assiduo roges Jesum ^terna ut superum hic fruatur aura.