TRAICTÉ

EN FORME d'exhortation, CONTENANT LES MERVEILLES DE DIEU ET LA DIGNITÉ DE l'hOMME

En traversant la grand mer d'Occident Pleine d'esprit ou gist maint accident Par ventz soufflantz sans mesure er repos, Délibère pénétrer l'Orient, Passer mydi : mais que inconvénient Ne peust troubler mon désireux propos : Le cueur bien sain en ma nef bien dispos, L'esprit ouvert sur si pesant affaire, Vins à penser quel œuvre vouloys faire.

Je suis pensant pour quelque fantasie, Je quicte Europe et tant je fantasie, Que veulx lustrer toute Affrique la nove, Encores plus je ne me rassasie, Si je ne passe oultre les fins de Asie, A celle fin que quelque ouvre je innove Mon cervault boult, mon esprit se rénove Car pour repos il prend solicitude ; Mais dont me vient telle eftrenée estude ?

ii8 LES MERVEILLES DE DIEU

Diray je avec Horace ou Juvenal, En concluant soubs un propos final, Que aux Indes vays pour fiiyr poureté ? Cest argument est faulx et anormal ; Faulte d'argent ne me peult faire mal ; Point ne la crains, car j'ay plus poure esté. Sur quel propos suis je donc arresté.

Quand j'ay conceu voyage si pesant ?

Alors raison contenta mon esprit, Disant ainsi : Quand ce vouloir te esprit De te donner tant curieuse peine, Cela tu feis afin que l'honneur te prit, Comme Françoys qui premier entreprit De parvenir à terre si loingtaine.

Et pour donner conclusion certaine.

Tu l'entrepris à la gloire du roy.

Pour faire honneur au pays et à toy.

Sur ce pensif et tout melancholique, Entray en chambre ou ma bibHotheque, Vins revolver pour trouver passetemps, Et me adressay à l'Ecclésiastique Sur ung beau mot de sentence autentique, Pour tous haultz cueurs rendre pleïs et contentz Dont le vray sens feut tel comme j'entendz : Qui veult avoir grande gloire et honneur, Doibt su5rvir Dieu son souverain seigneur.

En suyvant Dieu sur ce bas territoire On trouvera le royaume de gloire.

Par suyvir Dieu on prendra avec luy Bruit immortel; on obtiendra encore Longueur de jours éternels par mémoire.

Sans fascherie ou soit mortel ennuy.

Que me vault donc avoir tant circuy

En terre et mer, puis qu'en plus prochain lieu

On trouvera honneur en suyvant Dieu ?

En suyvant Dieu et ses commandementz, Ses doulces loix et ses enseignementz, On a honneur quiveult se humilier.

Que me vault donc de veoir tant d'elementz, Souffrir en mer tempestes et tourments, Ayant tousjours des soucys ung milier!

Mieux m'eust valu me rendre Cordelier Avec François et sainct Bonaventure :

Je y eusse acquis honneur à l'adventure.

C'est ung estât comme l'ordre l'afferme Pour suyvir Dieu ; et si c'est à pied ferme Sur le plancher aux vaches bel et bien. Ou bien souvent d'ung beau bissac on s'arme Plein de lopins de quoy le traict on charme Qui n'auroit plus ou moins c'est mieulx que rien Hz vont prescher, pour acquérir du bien Et de l'honneur, parmy dames dévotes.

Qu'il y a souvent de bonnes sottes.

Et si j'estoys Cordelier d'adventure, Auroys je honneur pour porter sur la dure Le beau bissac comme un poure beUstre ? Tout bien pensé, de tel estât n'ay cure Mieulx me vauldroit la bonne grosse cure. Ou quelque abbaye afin de porter mitre, J'auroys honneur, car j'auroys un beau titre. Mais je ne sçay si c'est le droit du jeu Et l'honneur vray qu'on a pour suyvir Dieu.

Ce m'est tout ung ; de tels gentz ne veulx estre ; Car aussi bien je n'ay argent à mettre Sur le bureau pour avoir bénéfices : Et sans argent on n'a bulle ne lettre, Si on n'est subtil pour s'entremettre D'en crocheter par dol ou par blandices. Mais j'eusse eu aultres moyens propices D'avoir honneur comme les aultres ont En acquérant le grave bonnet rond.

Or pour certain on tient qu'ung bon pillote, Ung marinier qui tout son cas bien note, Bien entendu et bien exercité, Est plus longtemps pour entendre sa note, Parfaictement qu'il ne s'en faille iote, Qu'ung docteur n'est en l'université.

Suys je pas donc bien plein de cécité D'avoir esleu le maritime estude, Laissant le doulxpour emporter le rude.

Considérés quel docteur j'eusse esté,

En quel honneur ma grave majesté,

Pesantement on eust veu apparoistre,

Et en lieu suis un poure dejeté,

Ung mathelot qui n'a auctorité.

Fors qu'en la mer quand au dangier fault estre ;

Mais en la terre on m'eust dict : nostre maistre

Bona dies ! vos beaulx motz par sainct Cille

Sont aussi vrays que la belle évangile.

Raison oyant mon trop maigre propos Mal mis en ordre et assez mal dispos, Pour y asseoir bonne conclusion, Me dist aussi : Comme ung de mes suppostz Te veulx donner spirituel repos,

Pour te garder d'avoir confusion. Poursuy ton œuvre ou nait abusion.

Se ainsi le fais, tu ensuy viras Dieu, Dont tu auras vray honneur en tout lieu.

Et les moyens entendz que je te dys : Ensuyvir Dieu, c'est ensuyvir sesdictz, Ses mandementz, et sa bénigne loy Pour estre mis au reng des benedictz Pour avoir lieu d'honneur en paradis Et parvenir en glorieux arroy.

Or est ainsi qu'en ce mondain terroy, Qiù veult servir son seigneur ou son roy, On prend plaisir à cognoistre ses faictz.

Plus il est grand, plus il est crainct en soy ; Plus il est bon, plus luy tient on sa foy ; On l'aime autant qu'on voit ses faictz parfaictz. Et tu as Dieu pour souverain seigneur, Tu es soubs luy, il est ton enseigneur. C'est ton vray roy, seul plain d'omnipotence, Qu'on doibt tenir pour obtenir son heur, Qu'on doibt quérir pour acquérir honneur. Qu'on doibt servir premier sans négligence.

Expose donc plaisir et diligence,

Cueur, corps et ame et toute intelligence.

De recognoistre à qui tu as affaire

Quel seigneur c'est, et sa puissance immense,

Sa grand prudence et parfaicte clémence.

Sur tout tes faictz tu as tel œuvre à faire.

Mais veulx tu mieulx cognoistre sa puissance

Que pour suyvir soubs son obéissance

Ton bon voyage et navigation ?

Tu y pourras contempler à plaisance

Son hault pouvoir par grande esbaissance,

Voyant la mer en son inflation,

Sa merveilleuse et grosse elation,

Ondes mouvantz par fluctuation,

Sa profondeur, son creux et son abisme.

Lors tu diras par admiration :

Seigneur! qui fais telle opération,

Tant ta vertu est grande et altissime !

Qui cognoistra les merveilles de mer, L'horrible son plein de péril amer Des flotz esmeus et troublés sans mesure ? Qui la verra par gros ventz escumer, Pousser, fumer, sublimer, se abysmer Et puis, soubdain tranquille, sans fracture ? Qui cognoistra son ordre et sa nature ? Mais qui dira : j'ay veu telle adventure, Sinon celluy qui navigue dessus.

Cestuy là peult bien dire par droicture : O merveilleuse et terrible facture Du merveilleux qui habite là sus !

O navigantz, o poures mathelotz.

Qui cognoissez la nature et les flotz De la grand mer ou prétendez profits, Levez les yeulx (ayant les cueurs devotz)

Devers le ciel, et je feray des vos A donner gloire a celluy qui la feit.

Sans lascheté dont maint est desconfît, Soit à tousiours vostre parler confit En sa louenge et en son seul honneur : Et vous aurez non obstant tout conflict De ses biens tant, que vous direz il suffit : Car c'est luy seul vray libéral donneur.

Considérez la grandeur et l'estente De cette mer tant large et tant patente Dont la moitié pourroit noyer la terre Et non obstant sa force violente, La main de Dieu forte et omnipotente La tient ensemble en arrest et en serre. Par sa puissance en lieu borné la serre, Par sa puissance il luy donne son erre, Son mouvement et son cours ordinaire.

Et quand el bruit comme horrible tonnerre. Dont pourement maint esquippage en erre. Par sa clémence il l'appaise et faict taire.

Considérez les merveilleux tropeaux Qu'on voit cingler au travers de ces eaux, De gros poissons et d'horribles velus Diversement et à si grandz monceaux, Que engin humain jugeroit cela faulx Si de premier telz bestes n'estoient veues. Hz sont sans nombre et toutes sont repeues ; Le seul parfaict qui surmonte les nues Sustente tout et leur donne pasture, Qu'ilz vont chercher parmi vagues esmues En sortissant de leurs profundes nues Jouxte l'instinct de leur propre nature.

Et voyez donc quelle puissance assouvie

Ha celluy seul qui seul donne à vous vie

Qui tout nourrit en vertu de sa grâce-

A qui mieulx mieulx chascun par bonne envie .

Considérez en pensée ravie,

Le hault pouvoir plain de saincte efficace,

Et vous aurez cause bien efficace

De luy donner louenge en toute place,

Et d'exalter son sainct nom et sa gloire.

Se humilier devant sa saincte face,

Garder sa loy, quelque chose qu'on fasse,

Et le servir par effect peremptoire.

Mais oultreplus considérez comment

L'homme mortel a eu l'entendement,

L'esprit, lecueur et la grande hardiesse

De naviguer pendant un gros tourment

Durant un temps par vent trop véhément.

En soubstenantsur mer mainte rudesse.

O Dieu vivant, qu'est-ce de l'homme, qu'est-ce,

Qu'est-ce de luy, qui l'as en ta pensée ?

Tant que bien près d'angeHque haultesse

Il a attainct en son esprit noblesse

Par la vertu que luy as dispensée.

Pour demonstrer ta puissance et grandeur, Tu as faict l'homme en charitable ardeur, Et chascun jour tu le viens visiter :

Tant que tu veulx pour luy donner bon heur Le couronner de grand gloire et honneur,

Se en ton service il veuille persister . Car je ose bien de l'homme reciter Qu'il n'est vivant qui saiche résister Contre son sens, quand son esprit s'esforce. Tu l'as vouleu si haultement monter, Que soubs ses pieds, il peult tout surmonter Moyennant toy qui lui donne tel force.

Tu l'as esleu souverain admirai,

Grand capitaine et grand chef gênerai,

En mer, en terre, et mesme en my l'air ;

Tu l'as faict roy, tu l'as faict capital

Entre tes faicts, comme le principal

De tous vivants dont on sauroit parler.

Bestes brutaulx ne sçauroient ou aller,

Poissons cingler, ne les oiseaux voler,

Que tous ne soient sous le pouvoir de l'homme ;

C'est ta vertu qu'en luy fais rutiler ;

Tout vient de toy, nul ne le peult celer,

Car rien sans toy ne s'achève et consomme.

Se ainsi est donc que le hault Dieu parfait

Par la vertu ait pour l'homme tout faict,

Luy donnant tout en généralité,

Qui détiendra que par voye de faict,

L'homme de cueur ne se mette en effect,

De aller chercher en speciaUté

Ce qui est faict pour son utilité,

Et soubs vertu pleine d'humiHté,

En rendre à Dieu les grâces et louenges

Magnifiant sa libéralité.

Qui plus a faict à la realité

Pour rhomme seul que pour tous les saincts anges?

Pren donqs cueur, toy avecques tes gens,

De passer oultre et estre diligentz.

Ainsi que gens et non pas comme bestes;

Et si n'avez parfois entre les dents

Le gros plaisir du ventre là dedans,

N'en faictes cas et vous montrez honnestes ;

En tel voyage auquel maintenant estes,

Sobriété rend les pensées nettes,

L^'esprit gaillard, subtil, plain de vertu :

Mais ces pourceaux, ces soullards deshonnestes

Qui aiment tant morceaux et grasses festes

Ont leur esprit tout mort et abattu.

Puis contemplez en cinglant par long cours

Qui faict les jours, qu'on voit puis longs puis courts.

Qui faict mouvoir le haultain firmament

Qui faict la lune en croissant^ en decours,

Ayant tous] ours vers le soleil recours

Pour soy montrer clere à tout élément,

Qui faict mouvoir le soleil tellement

Que ciel et terre en un jour seulement

Il circuit plain de ardente splendeur;

Qui faict tourner le ciel asprement

Qu'en la vertu de son fort mouvement

Le tout est meu sous sa forme et grandeur.

Cestuy là seul qui toujours se repose Faict au hault ciel toujours avoir sans pose Les corps luisants qu^on voit tant radieux; Cestuy là seul (duquel bien dire je ose) Qu'il ne se meult jamais pour nulle chose Faict seul mouvoir les grandz roes des cieulx ; C'est le seul roy et le seul Dieu des dieux, Qui a puissance et vertu en tous lieux; Et tous les cielz ne le sauroient comprendre :

Il est si grand, il est si merveilleux,

Ses faictz si haults et si miraculeux, '

Que, tout conclud, on n'y sçait rien entendre.

Mais il suffit que tu entendes bien Qu'il a tant faict et tout pour ton grand bien, Dont tu luy doibs honneur en toute affaire Il a tout faict. Voire de quoy ? De rien. Il a tout faict afin que tout soit tien. Non pas à luy, car il n'en a que faire. Il a tout faict, mais il peult tout deffaire. Car s'il te voit par vice contrefaire Et te obstiner sans reprendre vertu.

Et sans à luy humblement satisfaire, De tous les biens qu'il a vouleu parfaire Enfin n'auras la valeur d'un festu.

Or reduys donc au creux de ta pensée Quelle grand grâce est à toy dispensée (Si tu la veulx) par cet ouvrier parfaict. Et si raison est en toy compassée.

Tu ne feras une seule passée Sans louer Dieu qui tel bien te parfaict. Se ainsi le fais, tu veorras que par faict Dieu éternel aura tant pour toy faict Que tu feras bon voyage en bon heur.

Qu'en ton pays ton cueur tout satisfaict Tu reviendras de joye tout refect,, Plain de plaisir, de profit et d'honneur.

Se à Dieu aymer avez vostre cueur mis, Ne craignez point vos mortels ennemys.

Dieu destruira leurs opérations.

Tout leur pouvoir sera par luy submis Tout leur conseil aboli et remis,

En reprouvant leurs cogitations.

Dieu voit du ciel sur toutes nations

Il voit les cueurs et les intentions

De tous humains en l'universel monde.

L'homme propose en ses affections,

Et Dieu dispose en ses perfections

Et faict à l'homme ainsi comme il si fonde.

Or fondez vous à vertu ensuyvir, A louer Dieu, l'aymer et le servir Et vous ferez parfaict et bon voyage.

Ne pensez point les biens d'aultrui ravir, Ne pensez point les hommes poursuyvir D'aultre raison pour leur faire dommage ; Mais si ennemys s'offrent vous faire oultrage, Monstrez en vous un vertueux courage, Défendez vous, car Dieu fera pour vous ; S'ils ont en nombre un plus grand advantage, Ne craignez point leur furieuse rage :

Dieu est pour vous, qui les confondra tous.

Considérez ce qu'en dit le Psalmiste :

Ne pensez pas que victoire consiste En la vertu d'un roy ou de ses gentz; Vertu divine est seule qui résiste Encontre tous, et se en vous elle assiste, Vous ne pouvez jamais estre indigentz Se avecques Dieu vous estes diligentz, Vous obtiendrez sur peuples et regentz Suyvant bon droict l'honneur de la victoire. Car qui craint Dieu et s'y fie en tout temps A son besoin en guerres est contendz; Dieu le regarde et luy est adjutoire.

Ainsi pensant aux merveilles divines

Qui sont au ciel et aux ondes marines

Vous parviendrez à honneur glorieux ;

Mais passons oultre et voyons les haultz signes

Qui sont en l'air selon les divers lieux.

L'un air est fin, l'aultre esttousjours pluyeux,

Caligineux, obscur et ennuyeux :

L'un est joyeulx, l'aultre est plain de tourment,

L'un est fort chaud, l'aultre est froid rigoureux,

L'un est fort doux, l'aultre est mal amoureux,

Et si tout sert, considère comment.

Dieu n'a rien faict qui ne serve à nature,

Dieu n'a rien faict en vain contre droicture,

Tout feit si bien que tout est bon de soy.

Le philosophe et la saincte escripture

En sont tesmoings : par quoy la créature

Qui sent raison peult bien dire : O hault roy !

O créateur qui tout as faict pour moy !

Si maintenant je tombes en esmoy,

En voyant l'air trop austère en maintien

Par chault, par froid, par tourment que je y voy,

Ce non obstant pardonne moy. Je croy

Qjae ainsi le f^iis et le veulx, tout pour bien.

Si tu voys l'air plein d'une beauté nette, Pur, cler, fin, beau, en douceur tant honneste Qu'il semble à veoir qu'onques ny eust laidure Je te supplye fais comme l'alouette

Qui vole en l'air chantant la chansonnette

Pour donner gloire au hault Dieu de nature,

Geste petite et belle créature

Oublie tout et manger et pasture

Pour gringoter ses chants et ses fleurtis

En louant Dieu. O humaine facture!

Si tu fais moins, c'est bien contre droicture :

Rends gloire à Dieu dont tous biens sont sortis.

Vole en ton cueur par contemplation,

Pénètre l'air par spéculation,

Va jusques à Dieu de plain vol de pensée,

Plus, fays sortir de méditation

Un doulx motet à l'exaltation

Du seul qui fit tel beauté compassée;

Et se en ce poinct est sa grandeur pensée

Dedans ton cueur bien pesée et passée

Parmi louenge à sa gloire mystique

Ta voix seroit bien rude et bien cassée

Se el n'est de Dieu beaucoup plus exaulcée

Que tous leschantz qu'onques pensa musique.

Et si tu vois par façon opposite L'air obscurcy, que le gros vent excite Par grand tempeste et tourmente soubdaine, Ce non obstant sanspafolle mal dicte, Sans murmurer soit ta pensée induicte A louer Dieu en sa vertu haultaine, Considérant que la grosse balaine Y prend plaisir, et à force d'alaine Voyant tel temps faict l'eau bondir en l'air, Elle s'esmeut, elle sault, el se pourmaine, Se jecte en l'air, et tel plaisir elle maine Qu'il semble à veoir qu'elle doive voler.

Je te supply, fais en bien ton profit ;

Mais qui la meult ? c'est celuy qui la feit. Et semble à veoir qu'el luy veult rendre gloire. Auras tu donc ton cueur tant desconfit De te aller rendre en desespoir confict Moins qu'un poisson pour un vent transitoire? Recognois Dieu pour ton vray adjutoire, L'air a troublé, mais il le peut encore Faire plus beau que ne le veis jamais. Prend donc espoir avec luy, et l'adore, Requiers son aide en ta simple mémoire, Et tu n'auras quelque périlleux mais.

S'en cesi estât avec Dieu te conformes, Et qu'en voyant impressions et formes Qui sont en l'air, ton Dieu tu magnifies Il n'est gros air ne brouillars si difformes, Gros coups de ventz si pesantz et énormes Qu'en la vertu de Dieu tu ne deffies.

Pays ton pouvoir, et du reste te fies En cestuy là lequel tu glorifies.

Et tu n'auras aulcun mal et nuisance : Car ce qu'il faict, c'est affin que n'oublies Son sacré nom et que tu te humilies En cognoissant sa terrible puissance.

Après avoir bien contemplé les faictz Qu'il a au ciel, en mer et en l'air faictz. Venons à terre à ses vertus entendre.

Entendez-moy, bons mathelotz parfaictz,

Estes vous pas de joye tous refectz, Lorsque voyez la terre où voulez tendre Quand par longtemps faictes voilles estendre, Cinglant sur mer, et que par long attendre La faim vous prend, L-^ soif vous prend en serre, Le pain vous fault, on ne sait plus ou prendre, Quand un tel cas vous vient de près surprendre ; Par votre foy ! desyrez vous point terre ?

N'en jurez ja, ce seroit chose folle ; On vous croit bien à la simple parolle. Que l'opposite en tel cas seroit faulx, Car j'en congnois déjà en vostre escole, Quelqu'un ou deux, si bien je m'en recole. Assez tannés par ce qu'ilz ne sont saoulz. Ils ont assez, mais non pas les morceaux Si très frians n'y à si grands monceaux Ne si bon vin qu'ils auroient à pied ferme. Hé! Dieu du ciel ! (ce disent ces pourceaulx) Demourrons nous tousjours dessus ces eaux ? Ne bevrons nous jamais jusque à la lerme ?

En telz regretz pleins de mémoire grasse, Non obstant vice, ils congnoissent la grâce Que Dieu a faict sur terre universelle Pour nourrir l'homme, et disent à voix casse : Dieu fait bien tout, car la terre humble et basse Donna à l'homme affin qu'il vive en elle ; Hz pensent bien que puissance éternelle Met bled en grange et le vin en tonnelle, Mais leur penser est tout ainsi que vent : Car s'ilz ont terre et sont près la vaisselle Dieu est leur ventre, et sa louenge belle : C'est le poirier qui charge si souvent.

Mais vous enfans d'honneur et de raison, Qui desirez en temps et en saison A veoir la terre après vos longs séjours, De vous à eux n'y a comparaison ; Car vous fondez louenges et oraison En protestant y persister tous] ours ; En ce moyen vous avez'lous les jours Quelque pensée et seul etseur recours Au seul qui taict les merveilles du monde. A Dieu pensez : Dieu pense à vostre cours A Dieu priez, et Dieu vous est secours, Se procédez d'un bon cueurpur et munde.

En désirant avoir la jouissance Des biens et fruictz croissantz par abundance Dessus la terre, et là n'y povez estre, Dens vostre cueur et en la circunstance De ce désir vous goustez la puissance De Dieu qui feit la machine terrestre ; En désirant, pour vostre corps repaistre, Quelque chapon, quelque ouaille champestre, Ou quelque bœuf pour mieulx faire gros rost, Bon pain, bon vin, pour sus la table mettre, Vous bénissez celluy qui en est maistre Et luy priez que cela vienne tost.

D'autant qu'on voit la chose difficile Tardive et rare, et qu'el n'est pas facile De ravoir tost, d'autant elle est plus chère. Et avec ce qu'elle est bonne et fertile. Commode à l'homme, excellente et utile, Plus on l'estime et plus on la préfère. Et oultre plus, celluy qui la confère Qui en est maistre, et s'il veult, qui diffère A la bailler, selon son bon plaisir,

C'est cestuy là qu'on honore et révère Qu'on vient prier et auquel on adhère, Affin qu'on ait ceste chose en désir.

Par ce moyen vous estans sur la mer,

Tant plus avez quelque péril amer.

Tant plus pensez au hault Dieu admirable,

Et le penser, vous contrainct à l'aymer,

Et en l'aymant, vous voulez sublimer

Et hault louer sa gloire inénarrable.

Mais en la terre, à l'auge et àFestable.

Vous ne pensez ni à Dieu ni à diable.

Tout vous est un, mais que Margot soit plaine

C'est faict en brut et beste variable

En laissant l'ame en la voye incertaine.

Mais revenons au point de nostre entente Et contemplons que main omnipotente A bien montré sa merveille et grandeur Dessus la terre en sa terrible estente : En ses haultz montz, en mainte isle patente, En sa beauté, en sa torme et rondeur.

Plus contemplons que luy supresme autheur La colloqua ainsi que créateur Au centre vray du monde pour son lieu : L'air tout entour, le ciel et sa haulteur Et non obstant sa masse et pesanteur A rien ne tient fors qu'à la main de Dieu.

La main de Dieu en sa vertu discrète La tient en l'air par façon tant secrète, Que l'homme n'entend ceste vertu protunde La main de Dieu qui toutes choses traicte La tient, soubtient, entretient et arreste : Droictau milieu et vray centre du monde.

Et tout entour de cette terre ronde

On voit tourner maint corps lumineux munde

Le cler soleil, estoilles et planètes

Le firmament, les nues, l'air et l'unde,

Dont elle prend fertilité fecunde

Pour sustenter les hommes et les bestes.

Les faictz de Dieu evidentz et apertz Le monstrent bien sur la terre dispers, Quand tout autour, et dessoubs et dessus Il y a gens en maintz lieux et divers, Piedz contre piedz, de costé, de travers; Et toutefois chascun pense estre sus :

Aussi sont ilz dont plusieurs sont deceus, Disant : comment ne sont tumbez ou cheus La teste en bas ceulx là qui sont soubs nous Si telz secretz ne sont par l'homme sceus Se neantmoins le hault Dieu de là sus Entretient tout au dessus et dessoubz.

Par ce voyage et navigation Vous cognoissez en spéculation Ce que je dys par vraye certitude :

Les corps du ciel en sont probation Que vous voyez par élévation De jour en jour en vostre latitude Quand le froit nord ou gist vostre habitude Vous délaissez et mettez votre estude A naviguer vers la part de mydi La part du su vous monte en altitude, Et vostre nord descend en promptitude Tant qu'en la mer il est approfundy.

Quand vous cinglez au su d'un temps prospère Vous élevez dessus vostre hémisphère Les estoilles du bas pôle antartique :

Et si chascun de vous bien considère, Lors vous laissez toute estoile ou sydere Qui est auprès de vostre pôle artique.

Dont vient cela? Il faut bien qu'on pratique Que la rondeur de terre et mer applique Devant vostre oeul un obstacle au milieu Qui nuist à veoir aulcune part celique Et monstre l'aultre en droict ou en oblique Ainsi la terre a rondeur en tout lieu.

Se elle a rondeur comme il fault concéder Et que par long et bien loing procéder Trouver le quart du grand globe univers, On doibt conclure et à raison céder Sans soustenir, ou du contre se aider, Que estes adonc establis de travers Du lieu premier tant sont les lieux divers. Plus si voulez vous trouver à l'envers Comme antipode, ou bien pied contre pied, Oultre cinglez en vos vaisseaux appertz Lors ce verrez ainsi que gentz expertz Quand vous aurez du grand rond la moitié.

Ainsi voit on les merveilles insignes

Ainsi voit on les haultz faicts, les haults signes

Et les vertus du seul immortel roy,

Ton grand seigneur plain de bontez bénignes,

Vray enseigneur en sciences divines,

Et ton ducteur en ce mondain terroy.

En ce voyant, auras tu poinct effroy

De procéder contre sa saincte loy ?

Feras tu pas, au gré d'un tel seigneur

Qui est ton Dieu? je crois que ouy : par quoy

Se ainsi fais, et les tiens avec toy,

Tu obtiendras profit, joye et honneur.