HABITÉES ET DESHABITÉES ET DESCRIPTION D'ICELLES

(L'isle de Haity ou Espaignole, l'isle Beata et les isles du Chef de la Captive.)

ISLE DE HAITY OU ESPAIGNOLE

La diversité des noms qu'on a baillé à ceste isle, a mis plusieurs en peine, qui, s'amusans à l'escorce (comme l'on dit) ont laissé ce qui estoit de rare, exquis et recommandable en Haity espaignolisée. Cela a fait qu'encores que je n'eusse trop grande envie m'amuser à telles scrupulosités, neansmoins, pour lever le lecteur hors d'œuvre, j'ay bien voulu icy luy proposer la pluralité des noms qui ont accompaigné l'isle de laquelle je pretens présentement discourir. Les premiers donc qui vindrent habiter ceste isle, sortirent de l'isle Matitinà, non gueres esloignée de Haity, vaincus par les partisans de la lignée qui estant victorieuse, demoura aussy dame et maistresse de Matitinà (régie par la quenouille, d'autant plus que là non plus qu'à Stalimene on veut que les masles n'y hantent point) et les autres

furent forcés se retirer en nostre isle qui auprès de Matitinà sembloit estre un monde entier, à cause de sa grandeur, et pour ce l'appeloient-ils Qisqueia qui signifie le tout, estimans par ce qu'ils ne pouvoient si tost voir son bord, fin et limites, que ce fut tout le continent du monde et que Matitinà ne fut qu'une parcelle et eschantillon du fotage de Qisqueia. Puis passans plus oultre, et voyans quelques montaignes gravissantes avec des rochers aspres et pleins de précipices appelèrent ceste contrée Haity, qui est autant dire qu'aspre et raboteux. Puis enfonçans davantaige, et voyans des montaignes ressemblans à une autre qui estoit en leur isle originele d'où ils estoient sortis, nommée Cipangi à cause des pierres, d'autant que Cipan signifie pierre, donnèrent aussy à ceste isle ce nom de Cipanga pour ce qu'elle estoit pierreuse. Finablement, Christophle Colomb genevoys l'ayant descouverte en l'an de Nostre Seigneur mil quatre cens quatre vingts douze luy changea de nom comme estant à demy espaignolisée et voulant favoriser son maistre, l'appela Espaignole. De manière que vous voyés qu'il y a trois raisons sur lesquelles est appuyée la multiplicité des noms de ceste isle. La première sur l'estrange grandeur qu'avoient remarqué en icelle ses nouveaux habitans. La seconde sur le respect que portoient ces Barbares à celle qui les avoit esclos et nourris, la mémoire de laquelle ils cherissoient de toute façon qu'encores que la fertilité d'Haity surpassa de beaucoup celle de Matitinà pour illustrer et priser davantaige leur pays originaire, le renouvellerent et le replaconnerent dans les vergiers de ce pays quisqueien. La troisiesme doit estre fondée sur ce que Colomb ne se contenta d'assujetir souz l'empire espaignol ceste isle et la repeupla d'Espaignols, sçavoir de plusieurs bandoliers des monts Pyrénées, de meurtriers, de bannys, maranes, mores de Barbarie et d'autres lieux d'Afrique. Depuis, estant la guerre ouverte entre les princes Chrestiens, ayant pris sur mer ou sur terre, François, Italiens, Anglois ou Alemans, les faisoient conduire liés et enfermés plus inhumainement que les Arabes, Turcs et Tartares, à leurs isles nouvellement conquestées. Les Portugais

ISLE DE HAITY 157

n'en ont moins faict le temps qu'ils avoient vent en poupe. Depuis lequel desastre l'isle fut nommée Sainct Dominique pour ce que la ville principale d'icelle fut ainsi nommée.

Or, afin que plus distinctement et mieux à propos je puisse discourir des singularités les plus recomniandables de ceste isle, je suis bien contant icy commancer par la description de son assiette. Aucuns luy baillent en longueur cent cinquante lieues depuis la pointe du Higney qui est à l'est jusques au cap de Tiburon qui est à l'ouest ; en largeur de la plage de la Nativité jusques au cap de Lobos ou des Loups, cinquante lieues du nord au sud, encores qu'à la vérité je sçache, l'ayant costoyée à mon retour, qu'elle n'a que cinquante trois lieues de longueur et quarante sept de largeur; estant posée au troisiosme climat et septiesme parallèle, gisant dès le dix septiesme jusques au vingt deuxiesme degré de latitude, dès le trois cens septiesme jusques au trois cens treiziesme degré de longitude. Et ainsi sa longueur est de l'est à l'ouest et sa largeur du nord au sud. Vers l'est, elle regarde l'isle nommée de Sainct Jean et plusieurs autres fort redoutées de ceux qui font voile en ceste contrée. A l'ouest, elle avise les isles de Cube et Jamayque et du costé du nord les isles des Canibales; vers le sud, elle regarde de droit au goulfe d'Urabe et cap de Vêles qui est en terme ferme du Peru en la province de Saincte Marthe. De feindre que sa figure soit semblable à une feuille de chastaignier, c'est se laisser trompera crédit et se tourmenter à des spéculations vaines. Ceux qui ont esté en Sicile demeureront (je m'asseure), d'accord avec moy, que pour mesme occasion, à l'une et à l'autre doit estre attribué le nom de Trinacrie, parce que tout ainsi qu'il y a en Sicile trois promontoires fort eminens et aisés à descouvrir par les navigeans, aussi Haity en a trois bien fort avançans en la mer; l'un se nomme Tiburon du nom d'un poisson fort dangereux duquel j'espère, si l'occasion s'y adresse, ailleurs vous discourir. Le deuxiesme est le cap d'Higney et le troisiesme Lobos comme s'il se nommait le promontoire des Loups lequel est du costé d'une isle que les Espaignols ont

appelée Heureuse, duant aux departemens qui ont esté faicts de cesteisle, je me déplais de telle variété, pour autant qu'aucuns l'ont escartelée en quatre parties par quatre grandes rivières qui ont leur source des monts Cipangi asçavoir Immà, Altibunico, Naptà et lacche, quoiqu'oultre ceux là il y ait Damayan et Ozamà. Les autres la divisent en cinq provinces principales, asçavoir celle de Caizimù qui, en la langue de la contrée^, signifie chef ou commencement et abboutit vers le midy avec le fleuve Ozamà qui est nommé par aucuns Maïbe et par les autres Ozane, lequel passe par la ville de Sainct Dominique qui est métropolitaine de tout le pays. Au nord, elle a les montaignes très hautes d'Haity. La seconde contrée est nommée Cubaho qui est entre les nions susdits et un fleuve appelé Jaciga. La troisiesme se nomme Cajabo, laquelle embrasse tout cest espace qui est entre Cubaho et le fleuve Licche et s'estend jusques aux mons de Cibani, où naist le fleuve Neiba lequel du costé du sud va se descharger en la mer. La quatriesme province est appelée Bainoa et commance aux limites de Cajabo, s'estendant vers le nord où est le fleuve dict Bagaboni et où les Espaignols firent leur première demeure. Le reste est vers ouest et s'appelle la province Guaccaiarimà, qui signifie comme autant que les fesses, comme si ce pays estoit le derrière de ceste isle. Quoy que soit, moiennant qu'on fust bien d'accord du compas et de l'estendûe de ceste isle, ce seroit bien beaucoup. De ma part, afin que je ne semble estre par trop adhérant âmes conceptions^ je ne feroie pas grande difficulté de donner de circuit à ceste isle quatorze cens mil ce qui reviendroit à trois cens cinquante lieues de quatre mil pour fieûe selon le récit que nous en firent quelques pilotes et Espaignols accompagnez de trois vieux esclaves qui se vantoient avoir demouré dans Tisleplus de vingt quatre ans et en donnoient très bonnes enseignes dont le capitaine Testu avec lequel j'estois, qui avoitpris leur navire ayant faict discourir ces pauvres prisonniers, ayant pitié d'eux leur donna congé sans autrement les offenser, ayant prins leur navire et eux de bonne guerre. Sur ce propos, un certain Anglois ceste