LA MORT

Je suis fille

De ton péché, ord et immunde :

C'est moy qu'on dict la mort seconde, La mort d'enfer, la mort dernière, Trop pire que n'est la première :

Car la première à tous commune, Toutes douleurs finit par une, Et n'a que son premier effort :

Mais moy, je suis l'horrible mort, Mort exécrable, mort cruelle, Mort qui mille morts renouvelle, Qui ne donne fin ne repos, A ceux qui d'asseuré propos Engendrent péché qui m'a faicte.

GAIN

O mort trop hideuse et deffaicte !

Je te pry, sans plus long séjour, Advance moy mon dernier jour.