XIV ANNEXES

mais qu’ils pensent tousiours : Nous estions en servitude, voire tant cruelle que rien plus : nous estions là comme povres esclaves, et Dieu nous en a tirez. Geste seule memoire pouvoit abbattre tout orgueil aux luifs, et quant et quant les induire à pitié et compassion, pour subvenir aux diselteux : s’il y avoit des estrangers qui n’eussent ne vignes ne possessions, s’il y avoit des velves et des orphelins, ils devoyent penser, helas ! quand nos peres ont esté aflligez iusqu’au bout en la terre d'Egypte. ils eussent bien voulu estre soulagez aucunement : n’est-ce pas donc raison que maintenant nous façions le semblable? Voila (di-ie) lintention de Dieu, quand il parle de la servitude d'Egypte. Cependant il remonstre (comme aussi nous avons veu) que les Tuifs ne possedent point la terre de Canaan en autre tiltre, sinon en heritage, pource qu’elle leur estoit donnee de Dieu. C’est donc autant comme si un Seigneur foncier requeroit les censes, l'hommage et les droicts qui luy seroyent deus. Voici Dieu qui declare : Ie vous ay donné la terre de Canaan : voire, mais ie me suis reservé la glenure, et les choses semblables. Puis qu’ainsi est, que vous ne me fraudiez point de ce qui m'appartient : et ie constitue les povres mes procureurs pour l'aller recueillir. Or maintenant il est vray que nous ne serons point logez en la terre de Canaan comme les Tuifs, nous n’aurons pas une telle police comme eux, nous ne sommes point aussi la lignee d'Abraham, les partages ne nous ont pas esté faits selon qu'il est escrit en losué : mais tant y a que tousiours cela doit valloir entre nous, c’est assavoir, que celuy qui a dequoy, est tenu et obligé de secourir selon sa mesure et son abondance, à celuy qui est en disette. Sainct Paul ne parle point aux luifs. il ne parle point pour le temps des figures de la Loy, il adresse ceste doctrine et ceste reigle à tous lideles en general, el veut qu'on l’observe iusques en la En du monde. Et ainsi notons, quand nous serons retirez par chichelé que nous ne subviendrons point à nos pro-