XVI ANNEXES

propre : c’est assavoir d'aider à vivre à leurs prochains. Quand donc Dieu nous fait cest honneur-la, ne faut-il pas qu’il y ait une malice trop vilaine en nous, et que nous soyons plus bestes que les bestes mesmes, si nous ne sommes esmeus à pitié? Ainsi donc retenons ce mot, quand il est dit, que Dieu avoit donné la terre de Canaan à son peuple, à telle condition que les riches eussent pitié des povres : et auiourd’huy appliquons ceste doctrine à nous, selon la remonstrance qui nous est faite par S. Paul, ainsi que desia ie l'ay allegué. Or en general nous sommes aussi admonnestez de recognoistre les miseres esquelles nous estions, quand Dieu nous a tendu la main, afin que nous soyons tant plus fervens à l’honorer. et à le servir, et nous adonner du tout à son obeissance. Et ceci s’estend bien loin. Car en general quand Dieu nous veuë presser à nous acquitter de nostre devoir envers luy, et que chacun se dedie pleinement à son service, il nous remonstre qu’il nous a tiré du profond de la mort, et que nous estions esclaves de Satan, que nous estions detenus en liens de damnation eternelle : bref que nous estions plongez comme aux enfers. Voila l’heritage que nous avons de naissance, lusqu’à ce que Dieu nous regarde, et que par sa misericorde 1l nous retire de la confusion si horrible en laquelle nous sommes, et laquelle nous apportons avecques nous. Or maintenant donc venons là : Nostre Seigneur nous à creez à son image el semblance. Il est vray; mais tout cela estoit effacé en nous par le peché d'Adam, nous sommes maudits, nous sommes de nature forclos de toute esperance de vie : or voici notre Dieu qui nous à rachelez par le sang de son Fils, et nous a ouvert la porte des cieux. Combien donc sommes-nous tenus à luy, si nous regardons quelle est nostre origine, et quelle estoit nostre condition devant qu'il nous eslevast en telle dignité ? Et ce n’est point encores le tout : mais nous avons eslé povres incredules : combien que Iesus Christ fust le Redempteur du monde, si est-ce que nous avons en tant qu’en nous