XVIII ANNEXES

Car ils ne coignoissent point quels ils ont esté, ils ne magnifient point la grace de Dieu, pour dire : Et si Dieu ne nous eust tendu la main, qu’estoit-ce? Nous fussions demeurez en nostre perdition, en laquelle nous estions comme abysmez. Que donc nous pensions à cela, quand nous voyons ceux qui sont encores comme reiettez de Dieu, et delaissez, que nous sachions qu'il en à esté autant de nous : et que cela nous humilie, que tout orgueil soit abaïssé, et que nous apprenions d'attirer entant qu’en nous sera ceux qui sont encores eslongnez du chemin de salut, cognoissons que nous avons eu faute de tels secours, et que Dieu ne nous la point espargné, afin que nous ne soyons point lasches de nous employer aussi envers nos prochains : et que nous declairions par ce moyen-la que nous sommes ses enfans, puis qu’il luy a pleu se declairer pere envers nous. Or il est vray que beaucoup de gens seront faschez quand on leur parlera de leur condition du temps passé : que si un homme devient riche, s’il est eslevé en honneur, il ne voudra point qu'on luy ramentoive quel il a esté : mais il est tellement transporté en outrecuidance, qu’il luy semble estre tombé des nuees, et voudroit que tout le monde fust esblouy, et qu'on ne cogneust rien sinon ceste grandeur presente. Or tant y a que nostre Seigneur non sans cause nous ramene là. Et pourquoy ? Car comme nous avons dit, les hommes sont suiets à se mescognoistre quand Dieu les a eslevez, et là dessus ils desdaignent leurs prochains, et l’orgueil engendre cruauté, comme il en est parlé au 16. chap. d’Ezechiel : et mesme Sodome nous est proposé pour exemple de cela : que Dieu dit, que Ç’a esté la cause qu’on a provoqué sa vengeance en ceste ville de Sodome, que cest orgueil qui a esté là trouvé. Car quand il y a eu fertilité de tous biens, et qu'ils ont esté là engraissez, qu’ils ont eu à boire et à manger à sullisance : là dessus (dit-il) ils se sont enorgueillis, et puis apres il n’ont point estendu leurs mains vers les povres, et leur a semblé que c’estoit assez, moyennant qu’ils