IOANNIS CALVINI OPERA — SERMON CXLI XIX

fussent bien garnis. Ainsi donc sachons que nostre Seigneur cognoissant le vice auquel nous sommes enclins, et par trop adonnez, y remedie comme il cognoist qu'il nous est propre et utile pour nostre salut. Et ainsi, quand nous penserons bien à nous, il y aura tousiours assez iuste raison pour nous solliciter à humanité envers nos prochains. EE il y a encores ce regard qui nous doit induire, quand nous regardons : Et pour le moins si suis-ie homme : et si ie suis d'autre qualité, cela vient de Dieu, ie le tien de luy, il n’a donné autant d'avantage. Mais quoy qu'il en soit, ie ne me puis point retrancher d'avec le genre humain : et puis ie suis descendu de ja race d'Adam, qui est toute maudite : apres, ce que l’ay de cognoissance de la verité de Dieu, cela m'est d'un don special, ie ne l’ay point de nature : et au reste, ie suis suiet à toutes miseres et povretez : si auiourd’huy ie suis en honneur, Dieu me peut mettre en ignominie : siie suis sain, ie puis tomber malade. Nous voyons comme les Rois et les princes mesmes ont esté quelque fois mangez de vermine, et de pourriture, qu’ils estoyent si puants, qu'ils ne se pouvoyent point porter eux-mesmes, qu'on à cogneu que la main de Dieu estoit visible sur eux. Quand donc nous voyons de tels exemples, c’est bien pour nous humilier. Et ceste humilité-là n’engendrera-elle point une humanité fraternelle, afin de secourir à nos prochains, ou pour le moins de gemir, et d’avoir pitié et compassion de la misere en la quelle il sont, taschans d'y subvenir entant qu’en nous sera ? Et ainsi, pensons tousiours à cela : Tu as esté serf en la terre d'Egypte, el ie Le commande de faire ainsi. Or quand nostre Seigneur dit : le te commande de faire ainsi, il presuppose ce que nous avons desia touché : c’est, puis qu'il est le Redempteur de ce peuple-la, qu'il estoit obligé à luy. Vous me devez tout : or puis qu’ainsi est, ie veux que vous me payez comme une cense en recognoissance du bien que vous avez receu de moy, et ie ne vous demande rien qui ne m'appartienne. Or quand

XX ANNEXES

nous mediterons bien cela, prenons l'exposition que sainct Paul en donne au 14. chap. des Rom. et nous verrons combien ceste doctrine nous est utile : car pour ceste cause (dit-il) lesus Christ est mort et ressuscité, alin que nous soyons à luy, voire en vivant et en mourant. Voila une obligation que nous ne pouvons pas eschapper, et malheur sur celuy qui taschera de s’en exempter : c'est de dedier et nostre vie et nostre mort au service de celuy qui nous à tant aimez, et nous a eu si chers, qu’il n’a point espargné sa propre vie, afin de nous acquerir à soy et à Dieu son Pere. Puis qu’ainsi est donc qu'il nous a ainsi rachetez, que nous sommes son heritage, et qu'il declare que nous sommes du tout siens, et que nous luy appartenons : c’est bien raison quand il nous commande ceci ou cela, que nous ayons la bouche close, que sans réplique nous recevions tout ce qu'il nous propose. Puis qu’il est nostre Redempteur, que nous tenons tout de luy : ne serons-nous point par trop stupides, si nous ne nous submettons à luy pour acquiescer du tout à sa volonté ? Et voila pourquoy aussi Dieu use de ceste preface en sa Loy : Ie suis l'Eternel ton Dieu, qui t'ay tiré hors de la terre d'Egypte. Devant que Dieu mette en avant quelque commandement pour reigler la vie de son peuple, il dit : Cognoissez que ie vous ay desia acquestez à mon service. Il est vray que nous n’aurons point esté retirez du pais d'Egypte : mais il y a une redemption qui est faite de nous plus precieuse, c’est assavoir que nous sommes delivrez du profond d'enfer. D'autant done que de nostre nature nous sommes lardifs d’obeir à Dieu, et mesmes revesches, que nous lirons tout au rebours de sa volonté : d'autant que nous ne recevons point facilement le ioug, mais que nous sommes comme des ieunes veaux qu'on ne peut dompter et tenir coys, ou bien que nous sommes comme des taureaux endurcis : Comme nous voyons les uns qui sont vollages et inconsiderez, qu'on ne les peut retenir en façon que ce soit : les autres sont malins el pervers, pleins de rebellion, et in-