XXII ANNEXES

vray que ie vous pourroye contraindre à me servir : mais ie veux avoir de vous une franche volonté, et que vous soyez comme un enfant qui prendra plaisir d’obeir à son pere, et de luy complaire : ie ne vous veux point tenir comme esclaves ou forsaires, mais que vous veniez vous offrir à moy comme en sacrifice. Or nous savons que les sacrifices devoyent estre offerts à Dieu d’une franche volonté, et tout . ce qu'il demande de nous, il l’appelle sacrifice. Et ainsi notons, qu’en nous recevant à soy quand il nous a rachetez, il nous declare qu’il ne nous veut point trainer par force, qu'il ne nous meine point avec cordes ou avec chaines, pour arracher ie ne say quoy de nous, qu’il ne vient point comme un sergent pour lever gages de nous : mais qu'il nous exhorte par douceur, et nous monstre, que puis qu’if nous a rachetez, c’est bien raison que nous soyons siens : et ce qu'il nous a mis aussi entre les mains, veu que nous tenons tout de luy, veu que par cela il nous rend tesmoignage de sa bonté paternelle, que nous soyons tant plus esmeus et enclins à faire ce qui luy plaist nous commander. Et voila pourquoy aussi l’Escriture saincte use de ces mots amiables : Te vous exhorte : Ie vous prie. Quand sainct Paul a parlé, il pouvoit user de l’authorité de Dieu. Car quand nous apportons la Loy, et que nous remonstrons les vices, que nous exhortons à ce qui nous est commandé : et bien, voila Dieu qui parle, nous prenons de luy ce qui est proposé de nostre bouche. Mais encores Dieu en la personne de S. Paul nous prie : qui nous doit faire grand’ honte si nous ne plions là dessous, et que nous ne soyons amolis, quelque durté qu'il y ait en nous. Et ainsi done qu’un chacun apprenne de se soliciter, quand nous voyons qu'il y a des laschetez en nous, et que nous sommes {ant lardifs au bien, et que mesmes nous reculons plustost que d'avancer : Et miserable créature, regarde en quelle qualité ton Dieu s'adresse à toy. Il approche si privement : il ne dit pas : Voici, ie suis vostre Roy, ie domine en toute superiorité sur vous : et