IOANNIS CALVINI OPERA — SERMON CXLI XXII

pourtant 1l faut que ie vous rudoye. Il ne parle point ainsi : mais il dit : Ie me suis approché de vous. Et à quelle condition, sinon afin que ie soye vostre sauveur? Et il fait cela, non point pour son prolict, mais c’est pour nostre salut. Quand doncnous voyonsque nostre Seigneur use d’une telle humanité et douceur, il faut bien qu’un chacun face son profit, et qu'il se solicite là dessus. Et notons aussi ce que Dieu dit : Ze {e commande d'ainsi faire. Et pourquoy ? Afin que nous regardions à sa bouche, et que nous en dependions du tout, qu’un chacun ne se gouverne point à sa phantasie, pour dire : O ïe fay cela pour l’honneur de Dieu : et n'est-ce point assez? Il ne faut point (di-ie) qu’un chacun apporte son opinion à Dieu, pour dire, il faut faire ceci ou cela puis que nous le trouvons bon : mais Dieu veut que les hommes escoutent simplement, et que sans exception ils suyvent par tout où il les appelle : et quand il nous ramene ainsi à sa volonté, c'est autant comme si on couppoit la broche à toutes ces excuses, pour dire : Et quand ie feray ainsi cela, ne sera-il pas bon quand ruseray d’un tel moyen? Dieu (di-ie) ne veut point que nous ayons cest avantage-la, que chacun se gouverne à sa poste : mais que sa parolle soit ouye, et qu'on y obeisse sans contredict. Ainsi donc voulons-nous avoir une reigle certaine, ne voulons-nous point estre esgarez en nostre vie comme des bestes sauvages? escoutons Dieu parler : Payant ouy, tenons-nous à ce qu'il nous dira : et n’entreprenons point d'amener nos repliques : Et voire, ceci et cela. Mais cognoissons : Dieu nous commande-il de faire ainsi? c’est pour imposer silence à tout le monde : et non seulement à nos langues, mais que nos cœurs soyent là tenus en bride, et que nous n'’attentions point d'aller à l'encontre : mais que nous luy facions Phommage qu'il demande, en disant, Seigneur, nous voici. EL puis si nous voulons parler, que ce soit pour dire : Amen, Seigneur. Que quand il nous commandera une chose, que nous sachions qu’il faut passer par là : et non point par