ALITER, SUR NOUVEL TROUBLE DE SERVAGE

Je suis en saisine ajuste tiltrc, à déclairer se besoing est, de tailler et exploicter hault et bas, à voulunté de seigneur^ tel homme, mon homme de corps, de serve condition et de main morte, de faire à la personne de luy et de ses biens toutes manières d'exploicts de servage acoustumés à ceulx qui sont de la condition dont il est ; ceste saisine j'ay gardée et continuée^ etc. Et moy ainsi estant en ceste possession et saisine^ seul et pour le tout, j'ay aprouché ledict tel pour tailler et lever ma taille en continuant ma saisine ; il n'a voulu comparoir, ou a esté refusant et contredisant de me paier ma taille depuys ung an, etc., en me troublant sans cause indeuement et de nouvel ; si requiers qu'il soit contrainct et condampné à cesser du trouble, etc., et amender le contredict et la nouvelleté, et que je soye tenu et gardé, etc.