CLANDESTINEMENT

Affin que par vous, T. soit condempné à restituer, remettre et restablir les biens dont cy-après sera faicte mencion, lesquels il a prins, levés, et transportés clandestinement hors d'une maison ou louaige qui est à J. , séant, etc., en laquelle icelluy T. a demouré à tiltre de louaige par l'espace de trois ans, pour le pris de dix livres par an, et dont il est tenu de reste du pris en la somme de vingt sols parisis envers ledict Jehan. Et laquelle maison il a vuydée et desgarnie en l'absence et sans le sceu d'icelluy J., et sans luy faire satisfaction, tellement que à présent ledict J. n*y trouve que gaiger, jasoit ce que lesdicts biens f eussent affectés audict J. pour raison dudict louaige ; ou à tout le moins condempné de remettre, restituer et restablir d'iceulx biens jusques à la vallue de ladicte debte, avecques la restitucion d'un huis, devix gons, ung varroul et aultres dommaiges que iceluy T. ou ses gens ont faict audict hostel, et dont mencion sera faicte cy-dessoubs. Et avecques ce, que lesdicts biens ainsi restitués seront vendus et exploités pour ladicte somme. Et ledict T. soit aussi par vous condempné en telle somme et despens.