CHAPITRE LV

LITISCONTESTATIO N.

Contre T. et la demande par luy faicte de la somme de dix livres parisis, qu'il dict luy estre deue par J. ])our certaine cause, en laquelle icelluy T. requiert ledict J. estre condempné, dict et propose, et autrefois a dict, proposé et maintenu en jugement par-devant tel juge ledict J., les causes, faicts et raisons que cy-après s'ensuivent.

Affin que par vous ou vostre sentence diflinitive, et par droict, il soit dict ledict T. non avoir droict, cause ne action de faire ladicte demande, mais que d'icelle ledict J. demoure quicte, délivre et absouls à pur et à plain, et ledict T. condempné es despens d'icelluy J., faicts et à faire en la poursuyte de ceste cause, la tauxation d'icculx par devers vous réservée.

Et primo dict ledict J., que la demande faicte et formée par ledict T. n'est pas vraye, ains le nye et met en ny ledict J., en tant et pourtant que de droict et de coustume elle seroit à recevoir (1).

Item dict ledict J., qu'il ne sera jà sceu ne trouvé qu'il fut oncques tenu envers ledict T.

Item dict oultre par supposition, et sans riens confesser, que s'il fust oncques en aucune manière tenu envers ledict T., si en auroit-il, et a faict paiement, tellement qu'il en est demouré quicte, délivre et absouls. Et l'en a ledict T. quicte et quicte, et ainsi l'a congneu et confessé ledict

(1) B. : elle feroil a recepvoir.

T., et par ainsi appert qu'il a tort d'avoir faict ladicte demande.

Item que les choses dessusdictes sont vraies, notoires et manifestes, et en est voix et commune renommée au pais et partout, et les a ledict T. congneues et confessées estre vraies, ou la plus grant partie d'icelles, de ce qui gist en faict et preuve d'estre, ofPre le dessusdict J. à prouver ce qui luy souffira à son intencion avoir, et mectre tous les faicts contraires préjudiciables aux siens en ny, et ausquels il n auroit souffisamment respondu, et tenu y seroit de respondre.