CHAPITRE LIX

RAPPORT d'une commission d'uN COMMISSAIRE QUI A FAICT FAIRE UNE OUVERTURE d'uNE MAISON, ET l'a TROUVÉE VUYDE ; ET POUR CE QUE LE PROPRIÉTAIRE OU CENSIER AVOIT ESTÉ CONDEMPNÉ A GARNIR , LEDICT COMMISSAIRE A RECEU LA GARNISON.

Noble homme et saige mon tres-chier seigneur monseigneur Jehan Bernier(l), conseiller du roy nostre sire, garde de la prévosté de Paris, tel, examinateur de par le roy nostredict seigneur oudict Chastellet, honneur, et révérence avec toute obéissance.

Chier seigneur, plaise vous sçavoir que par vertu du commandement à moy faict de bouche tel jour, pour (2) honorable homme et saige, monseigneur maistre Pierre de Gran, vostre lieutenant, et à la requeste de Gilles Dièmes, procureur de Bertrand Dupré, le xv' jour de ce présent moys de janvier, l'an mil ccc.xlv, je, commissaire dessus nommé, me transportay avec ledict Gilles en la rue de Quinquempoit, en une maison à deux pignons séans (3) sur ladicte rue , tenant d'une part à tel, et d'aultre part à tel, aboutissant par derrière à tel, laquelle maison estoit close et vuyde , et n'y demouroit aucune personne, et pour ce, je feis faire ouverture d'icelle maison, pour veoir en icelle faire la garnison dont cy-dessoubs sera faict mencion. Et ce faict, ledict procureur, ou nom que dessus, dict que ledict B.

(1) B. ; Jehan de Touteville, chevalier.

(2) B. : par.

(5) Séans manque dans B.

RAPPORT d'une commission d'uN COMMISSAIRE, ETC. 545

avoit esté coudempné par sentence dudict Cliastellet envers tel et tel à garnir ladicte maison souffisamment pour cent sols parisis de rente, et pour deux années d'arrérages eschcus avant le commencement du procès, et pour ceulx qui depuis sont escheus. Et pour ce, en obéissant à ladicte sentence comme censier, que(l) ledict B estoit de ladicte maison, si comme il disoit, et non pas en intencioii de soy faire ne porter pour propriétaire d'icelle maison, et sans préjudice garnissoit et garnit icelle maison ausdicts tel et tel, et en icelle mist telle chose. A laquelle garnison ainsi faicte et à tout ce que dessus est dict, fut présent Pierre AL'espée, procureur desdictstelettel, lequel ou nom que dict est, en continuant sa saisine, et usant de son droict, print en icelle maison ladicte garnison pour plusieurs arrérages qu'il disoit ausdicts tel et tel ses maistres estre deus pour et à cause de ladicte rente, laquelle garnison il emporta et feist protestation de non accepter icelle, et de l'impugner et réprouver se mestier estoit, en temps et en lieu. Et ledict Gilles, procureur dudict B., feist protestacions contraires, et à ce faire et dire furent présens tels et tels, en tesmoing desquelles choses, etc.

(1) B. : qui ledict B. estoit.