DEMANDE D ARRERAGES

Je suis en saisine tant par moy comme par ceulx de qui j'ay cause, de prendre et avoir en et sur la maison de ma partie adverse cent sols de rente à paier aux quatre termes en l'an, à Paris acoiistumés, de si longtemps qu'il doibt souffire à bonne saisine avoir acquise, et qui n'est mémoire du contraire ; néantmoins tant d'arrérages me sont deubs. Se ma partie confesse que ainsi soit, je requiers qu'elle soit condempnée à moy paier iceulx arrérages, et si elle nye, etc., et à condemnation de despens.