CHAPITRE LXIX

iNTENDlt SUR kEPLICATIONS.

Au confort et aide des escriptures baillées en vostrc Court, sire juge, etc., de la partie de D. contre J., et pour respondre et répliquer de par ledict J. aux escriptures baillées contre luy de par ledict D., dict et propose icelluy J. ce qui s'ensuyt, sans soy départir de ses premières fins et conclusions, mais pour obtenir à icelles, et à toutes aultres contraires des conclusions dudict D., demande (1) sur une action ypothèque. Tel pour certaine cause se obligea pieçà envers moy en la somme de cinquante livres, lesquelles il me promist paier, etc. Et pour ce faire obligea tous ses biens meubles et immeubles, présens et advenir, si comme il appert par lettres séelées du Cliastellet de Paris, et en icelluy temps ou depuis, il estoit et a esté détenteur et possesseur de certains héritaiges séans, etc., lesquels me furent ou ont esté généralement ou par espécial obligés et engaigés pour ladicte somme devant dicte, et la partie adverse tient à présent et possède iceulx héritaiges, si comme il est venu en ma congnoissance. Si requiers que se il congnoist que ainsi soit, que par vous soit dict et déclairé moy avoir droict de gaige et de obligation ypothèque, en et sur iceulx héritaiges, et qu'il soit condempné à délaisser et dégarnir iceulx à moy adjugés, pour et affin qu'ils soient criés, subhastés et vendus, et les deniers qui d*iceulx istront convertis et employés en l'aquict de ma debte, etc.

(t) B. 1598; demandeur.