BAILLÉ PAR MÉMOIRE

Réparations à fins contraires (1).

Affin que par vous, sire juge, tel, etc., et contre V., ledict Y. soit condempné et contrainct à rendre et paier à B., demandeur en ceste cause, telle somme, etc., et que sur ladicte demande, Y. est tenu de respondre, procéder et aller avant par-devant vous, et que à faire ladicte demande, ledict B. est et fust (2) bien à oiiyr et à recepvoir, et soit ouy et receu comme partie habile et légitime, nonobstans chose proposée au contraire, de par ledict Y., dont il soit débouté comme de propos non recevable, ou au moins non valable, et à toutes fins et conclusions contraires des fins et conclusions de Y., sa partie adverse, et que ledict Y. soit condempné es despens, dommages et intérests, etc., dict et propose, etc. Aucunesfois le demandeur dict, et se ledict Y. aucun faict propose qui de droict feist à recepvoir, ou que ledict B. n'eust souffisamment respondu, et par droiet il soit tenu de respondre, affin que sa dicte demande feist à recepvoir tant seullement quant à présent, et non à aultre, il le mect en ny, comme il luy pourroit estre préjudiciable et contraire au sien.

(1) Manque dans B.

(2) B. : est et faict.