LA MANIÈRE DE PROPOSER APPELLATION

Quant aucun advocat a à plaidoyer une cause d'appel, laquelle il peult secourir et ayder par aucune coustume, pour ce que par adventure le jugement a esté donné contre aucune coustume du pays, il doit dire ainsi : « A celle fin que la sentence donnée et prononcée par tel soit dicte estre nulle, et si elle est aucune, qu'elle soit faulce et mauvaise, et que telle soit prononcée par le jugement de la court, etc., je présuppose premièrement aucunes coustumcs , lesquelles ma partie m'a donné à entendre estre notoires au pais où le procès a esté fait et la sentence donnée qui sont telles, » et lors les doit dire bien à trait et ordonnéement, et après ce, dire ainsi : « Les choses présupposées, je viens à ma cause et à mon fait qui est tel, » et lors doit réciter le procès seriatim; et, le procès récité, doit dire les raisons pourquoy il dit la sentence estre nulle, et puis les autres raisons pourquoy, si elle est aucune, elle est faulse, mauvaise et inique ou injuste, ce et ce que j'ay proposé est vray, et dis que par vous doit estre ladite sentence déclarée nulle, et se aucune estoit, etc. Et par conséquent bien appelle et mal jugé. Et se amende y eschiet, soit adjugé au roy, et soit condempné es despens, etc. Et se il le nye, etc. » Et s'il est appelle en deifaut de droit, ou pour aucun grief, il doit dire ainsi : « Affm qu'il soit dit et prononcé tel seigneur avoir grevé injustement et indeuement, et avoir fait grief et injure à tel son subject qui par plusieurs fois