DE L'ACTEUR AU PRÉSENT LIVRE
A tous ceulx qui ce petit et très exquis traictié vouldront estudier, lire, et revolver, salut et dilection.
Vueillez sçavoir que pour ce que ou temps passé j'ay usé et consumé mon temps et ma jeunesse en plusieurs vaines choses qui me ont peu prouffité, parquoy j'ay a présent mémoire et souvenance de l'escripture qui dit telles paroUes en effet et substance : Qui querit invenit^ etc. j'ay faict et compillé ce petit traictié, pour instruire et doctriner les jeunes hommes qui vouldront avoir congnoissance du faict et instruction de pratique, affin qu'ils puissent cueillir aucun fruict et entendre à la vérité que c'est de praticque, et comment elle peult cstre juste le plus que faire se peult^ et en icelle vivre honnestement en ceste vallée de misère sans mendier, et sans faire tort à aultruy, par tant et si long temps qu'il plaira à Dieu que nous y soyons ; car qui ainsi vit, il acquiert bon nom et paradis en la fin. Et si ne peult ou doit selon raison avoir povreté ou indigence, selon ce que le prophète le nous tesmoingne en disant telles ou semblables parolles : Nunqxiam vidi justum derelictuniy aut semen ejus querens panem. Lequel traictié j'ay prins et assemblé dès longtems sur plusieurs aultres livres et opinions des saiges praticiens, et sur plusieurs aultres choses concernans et regardans le faict de ladicte praticque, selon ma possibihté,
PHOLOGUE l\E l'aCIKUK AU PRÉSENT LIVRE. S
faculté et puissance, laquelle j'ay réputé estre petite et foible. Si vous requiers à tous que prenez en gré ; car ce que je fais, je le fais pour le bien et prouffit de ceulx qui lire le vouldront, et de moy semblablement qui ay bon besoing de congnoistre clerement plusieurs choses qui sont touchées audict traictié. Et ne veuillez pas penser que je me veuille réputer ne tenir pour le plus excellent en science que n'ont pas esté mes prédécesseurs, docteurs et praticiens, car à la vérité se je pouvoie ressembler le moindre d'eulx, il me devroit bien souffire. Si supplie qu'il n'y soit aucunement regardé, mais seuUement à l'amour, utilité etprouffit des choses cy dedans contenues, et aux biens qui pour et occasion de ce en pourront advenir à ceulx qui ce présent traicté liront et estudier vouldront ; car il est tout notoire que premier, et avant que povoir venir aux grandes et haultes sciences, il est expédient premièrement apprendre et estre enseigné en 1'^. b. c. si comme est et sera le contenu de ce présent traictié, qui n'est à proprement parler que ung a. b. c. au regard des aultres sciences, faisans mention du faict de practique et de tout ce qui en despend. Et en vérité j'ay commencé cedict livre tant pour la cause desusdicte que aussi pour deux aultres causes qui cy après seront desduictes et déclarées. Dont la première est pour ester et obvier à oisiveté qui est maistresse de tous vices, et aussi pour et affin de moy employer à quelque chose faire, et aussi pour mon plaisir, quant j'eus considéré la matière et l'efFect dudict traictié, qui à ce faire me persuadoit parfaictement. Et aussi par l'instigation d'aucuns de mes compaignons et amis, ainsi que plusieurs aultres personnes qui estoient très expérimentés audit faict de pratique.
La seconde cause qui à ce faire m'a meu et incité, c'est
affin que vous tous y puissiez prendre aucun plaisir et délectation, si vous vous y voulez applicquer à l'entendre parfaictement; mesmement considéré qu'il y a assez commencement pour vous endoctriner. Car le don du sens naturel que vous avez, vous pourra donner et parfaire la congnoissance, moyennant cedit traictié, d'aultres plus grandes sciences et doctrines oudit faict de pratique, si entendre et congnoistre les voulez. Mais quant l'on ignore de tout le commencement et les termes des sciences, ce est trop fort et quasi impossible d'avoir vraye congnoissance des sciences et de tout ce qui en despend. Si vous supplie de rechief que ce dit traictié vueillez prendre en gré, en priant pour moy s'il vous plaist.
LE
