AULTRE ENSUYVANT

De R. contre B. à xv" à bailler par escript devers la Court, c'est assavoir de par ledict R. sa demande par manière de intendit ^ et de par ledict B. sa litiscontestation au conti^aire, s'il cuyde que bon soit^ et à aller avant sur et après les vérités i\m cependant seront dictes, etc., pardevant tel commissaire en la manière dessus escripte.

Veu ce que baillé a esté par escript devers la Court par manière de mémoire de la partie de R. d'une part, à i'encontre de B. d'aultre part; aussi ce que de par icelluy B. ou nom que dessus a esté baillé au contraire, les lins à quoy lesdictes parties tendent et concluent, et aussi le mémorial par lequel il appert lesdictes parties estre appoinctées à ouyr droit sur leur dict plaidoyé, et tout ce qui fait à veoir et considérer, et sur ce, eu conseil et délibération aux saiges, nous recepvons lesdictes parties à prouver leurs faicts aux fins oii elles tendent, les despens, et ce qui est de droit, réservé en diffinitive par notre sentence interlocutoire et par droit.

Veu le procès incident faict par-devant nous entre R. ou son procureur, demandeur, d'une part, et B., garand, deffendeur, d'autre part, les réponses faictes aux articles de chascune partie, les dépositions des tesmoings, les lettres , actes et mémoriaulx mis en forme de preuve d'icelles parties; veu le mémorial par lequel il appert que il fut par nous ordonné que la cause principalle sur ce seroit jusques à ce que déterminé fust de ce présent incident ; et le mémorial par lequel il appert icelles parties

avoir prins et accepté à ouyr droit sur iceiluy procès et incident; et tout ce qui nous peut et doit mouvoir; eu sur ce conseil et délibération aux saiges,nous disons que ledict B. est tenu de procéder et aller avant en la cause principalle, et la gagerie dont mention est faicte en ce procès, et que à ce requérir ledict R. faict à ouyr et à recepvoir ; et en déboutons ledict B. et le condemnons es despens dudict R. faictz en ce présent incident, la tauxation d'iceulx envers nous réservée par nostre sentence et par droit.