PROCÉDURES EN MATIÈRES CRIMINELLES
Comme tel jour de tel an, il fust venu à nostre congnoissance que telz et telz avoient batu et navré de plusieurs plaies mortelles à grande effusion de sang, de nuit et par aguet, tel qui en estoit en péril de mort, et pour ce fussions allez devers ledict navré qui nous dist, sur le péril de la mort qu'il atendoit, que ce avoient faict les dessus nommez qui ainsi l' avoient batu, et s'en plaignoit en tant comme plus povoit en requérant que raison et justice en fust faicte.
Ausquelles dénonciation et requeste pour lesquelles nous eussions faict appeler par adjournement ledit tel ou tels, par-devant nous à trois briefs jours, c'est assavoir samedy, lundi et mardy, par tel sergent, pour respondre au procureur de Monseigneur sur faict de corps et sur peine de bannissement souffisant à leurs domiciles, c'est assavoir ledict tel à la personne de sa femme, et ledict tel à la personne de son maistre, à sa femme ou à ses gens, ausquels trois jours ne à aulcun d'iceulx ils ne vindrent, ne pour eux envoyèrent contre ledit procureur, qui à cbascun d'iceulx jours vint et comparut souflisam-
SECONJi DEFFAULT. 808
mont, et pour ce furent mis en dellault appelé par tel sergent. Et pour ce le faict dessusdict, si comme nous le veismes plus à plain cstre contenu par la teneur desdits delFaulx qui cy-après s'ensuyt.
L'an de grâce, etc., à tel jour, etc., à nous tel juge rapporta, tesmoigna par son serment, que par tel sergent de nostre commandement à luy faict, adjourna tels en la présence de tels et tels à leur domicilies, pour ce que leurs personnes ne peuvent trouver à comparoir par-devant nous à tels briefs jours, c'est assavoir le samedy, lundy, le mardy, à l' encontre du procureur de Monsieur, et pour répondre à luy sur faict de corps et en peine de bannissement, et sur ce procéder et aller avant comme il appartiendra par raison. Auquel jour de samedy le procureur de Monseigneur vint et comparut par-devant nous souffisamment à l'heure accoustumée à tenir nos plaits, et depuis par grand espace contre les dessus nommés et chascun d'eulx qui [ne] vindrent ne aultres pour eulx envoyèrent, et pour ce furent tenus et réputés pour deffaillans, attendans et appeliez souffisamment par tel sergent en et par la manière que dict est. Donné, etc.
