DU VILLAIN SERMENT

Philippe, par la grâce de Dieu roy de France, au prévost de Paris, salut. Pour ce que piéça il est venu à nostre congnoissance que plusieurs de nostre royaulme et aultres conversans et habitans en iceluy, non ayans Dieu devant eulx, mais esmeus de mauvais couraige, et comme mescongnoissans leur créateur et ses œuvres, ont dit par plusieurs fois, et dient chascun jour plusieurs parolles injurieuses et blasphèmes contre (1) Dieu nostre créateur, et de la glorieuse vierge Marie, sa mère, et de tous saincts et sainctes, et jurent villain(2) serment en très grant(3) desplaisance de nous; aussi doit-il estre de tous bons chrestiens. Et combien que plusieurs foys nous vous ayons mandé et commandé moult estroictement que punition fut faicte de tous tels maulvais chrestiens ainsi mescongnoissant nostredict créateur, et en ceste matière vous ayés esté remis et négligent, et encores estes, de ladicte punition faire, dont nous vous reprenons de négligence, nous, qui de tout nostre cueur désirons que griefve punition et vengeance soit faicte de tous ceux qui ainsi font, voulons ladicte punition estre faicte en telle manière : c'est assavoir que celuy ou celle qui de Dieu ou de la vierge Marie dira mal ou jurera le villain serment sera

(1) A.B. : blasphèmes de Dieu.

(2) B. : jurent de villain.

(5) A. : liès-grande.