Chapitre XVII

LiNE, en vne Epistre qu'il escrit à Fabate, dict que Pyrrhe, Roy des Epirotes, demanda à vn Philosophe qu'il mesnoit auec luy, quelle estoit la meilleure Cité du ' monde. Le Philosophe respondit, la meilleure Cité du monde, c'est Maserde, vn lieu de deux cens feux en Achaye, pour ce que tous les murs sont de pierres noires, et tous ceux qui la gouuernent ont les testes blanches. Ce Philosophe n^a rien dit (en cela) de luy-mesme : car tous les anciens, après le Sage Salomon, ont dit qu'aux vieillards se trouuoit la sagesse : et en effect, on voit souuent la ieunesse d'ans, estrè accompagnée de celle de l'esprit.

Les Capitaines entre nos Sauuages, sont ordinairement plustost vieux que ieunes^ et viennent par succession, ainsi que la Royauté par deçà^ ce qui s'entend, si le || fils d'vn Capitaine ensuit la vertu du 197 père; car autrement ils font comme aux vieux siècles, lors que premièrement ces peuples esleurent des Roys : mais ce Capitaine n'a point entr'eux authorité absolue, bien qu'on luy ait quelque respect, et conduisent le peuple plustost par prières, exhortations, et par exemple, que par commandement.

Le gouuernement qui est entr'eux est tel, que les anciens et principaux de la ville ou du bourg s'assemblent en vn conseil auec le Capitaine, oCi ils de-

cident et proposent tout ce qui est des afifaires de leur Republique, non par vn commandement absolu, comme i'ay dict; ains par supplications et remonstrances, et par la pluralité des voix qu'ils coUigent, auec de petits fétus de joncs. Il y auoit à Quieunonascaran le grand Capitaine et chef de la Prouince des Ours, qu'ils appelloient Garihoùa andionxra^ pour le distinguer des ordinaires de guerre, qu'ils appellent Ganhoàa doutaguéîa, Iceluy grand Capitaine de Prouince auoit encore d'autres Capitaines sous luy, tant de guerre que de police, par tous les autres bourgs et villages de sa lurisdiction , lesquels en chose de 198 II conséquence le mandoient et aduertissoientpour le bien du public, ou de la Prouince : et en nostre bourg, qui estoit le lieu de sa résidence ordinaire, il y auoit encore trois autres Capitaines, qui assistoient tousiours aux conseils auec les anciens du lieu, outre son Assesseur et Lieutenant, qui en son absence, ou quand il n'y pouuoit vacquer, faisoit les cris et publications par la ville des choses nécessaires et ordonnées. Et ce Garihoùa andionxra n'auoit pas si petite estime de luy-mesme, qu'il ne se voulust dire frçre et cousin du Roy, et de mesme égalité, comme les deux doigts démonstratifs des mains qu'il nous monstroit ioints ensemble, en nous faisant cette ridicule et inepte comparaison.

Or quand ils veulent tenir conseil, c'est ordinairement dans la Cabane du Capitaine, chef et principal du lieu, sinon que pour quelque raison particulière il soit trouué autrement expédient. Le cry et la publication du conseil ayant estéfaicts, on dispose dans la Cabane, ou au lieu ordonné, vn grand feu, à

Pentour duquel s'assizent sur les nattes tous les Conseillers, en suite du grand Capitaine qui tient le premier rang, assis en tel endroict, que || de sa place 199 il peut voir tous ses Conseillers et assistans en face. Les femmes, filles et ieunes hommes n*y assistent point, si ce n*est en vn conseil gênerai, où les ieunes hommes de vingt-cinq à trente ans peuuent assister, ce qu'ils cognoissent par vn cry particulier qui en est faict. Que si c'est vn conseil secret, ou pour machiner quelque trahison ou surprise, en guerre, ils le tiennent seulement la nuict entre les principaux Conseillers, et n'en descouurent rien que la chose proiettée ne soit mise en effect, s'ils peuuent.

Estans donc tous assemblez, et la Cabane fermée, ils font tous vne longue pose auant que de parler, pour ne se précipiter point, tenans cependant tousiours leur Calumet en bouche , puis le Capitaine commence à haranguer en terme et parole hauts et intelligibles vn assez longtemps, sur la matière qu'ils ont à traiter en ce conseil : ayant finy son discours, ceux qui ont à dire quelque chose, les vns après les autres sans s'interrompre et en peu de mots, opinent et disent leurs raisons et aduis, qui sont par après, colligez auec des pailles ou petits ioncs, et là dessus est conclud ce qui est iugé expédient.

Il Plus, ils font des assemblées générales, sçauoir20o des régions loingtaines, d'oti il vient chacun an vn Ambassadeur de chaque Prouince, au lieu destiné pour l'assemblée, où il se faict de grands festins et dances, et des presens mutuels qu'ils se font les vns les autres^ et parmy toutes ces caresses, ces resiouyssances et ces accolades ils contractent amitié de nou-

ueau, et aduisent entr'eux du moyen de leur conseruation, et par quelle manière ils pourront perdre et ruyner tous leurs ennemis communs : tout estant faicty et les conclusions prises, ils prennent congé, et chacun se retire en son quartier auec tout son train et équipage, qui est à la Lacedemonienne, vn à vn, deux à deux, trois à trois, ou gueres d'auantage.

Quant aux guerres qu'ils entreprennent, ou pour aller dans le pays des ennemis, ce seront deux ou trois des anciens, ou vaillans Capitaines, qui entreprendront cette conduite pour cette fois, et vont de village en village faire entendre leur volonté, donnant des presens à ceux desdits villages, pour les induire et tirer d'eux de Tayde et du secours en leurs guerres, et par ainsi sont comme Généraux d'armées. 201 II II en vint vn en nostre bourg, qui estoit vn grand vieillard, fort dispos, qui incitoit et encourageoit les ieunes hommes et les Capitaines de s'armer, et d'entreprendre la guerre contre la Nation des Aîtiuoïndarons ; mais nous l'en blasmasmes fort, et dissuadasmes le peuple d'y entendre, pour le desastre et mal-heur ineuitable que cette guerre eustpeu apporter en nos quartiers, et à l'aduancement de la gloire de Dieu.

Ces Capitaines ou Généraux d'armées ont le pouuoir, non seulement de designer les lieux, de donner quartier, et de ranger les bataillons; mais aussi de disposer des prisonniers en guerre, et de toute autre chose de plus grande conséquence : il est vray qu'ils ne sont pas tousiours bien obeys de leurs soldats, en tant qu'eux-mesmes manquent souuent dans la bonne conduite, et celuy qui conduit mal, est sou-

uent mal suîuy. Car la fidèle obeyssance des suiects dépend de la suffisance de bien commander, du bon Prince, disoit Theopompus Roy de Sparte.

Pendant que nous estions là, le temps d'aller en guerre arriuant, vn ieune homme de nostre bourg, désireux d'honneur, || voulut luy seul, faire le festin 202 de guerre, et deffrayer tous ses compagnons au iour de l'assemblée générale, ce qui luy fut de grand coust et despence, aussi en fut-il grandement loué et estimé : car le festin estoit de six grandes chaudières, auec quantité de grands poissons boucanez, sans les farines et les huiles pour les graisser.

On les mit sur le feu auant iour, en l'vne des plus grandes Cabanes du lieu , puis le conseil estant acheué, et les resolutions de guerre prises, ils entrèrent tous au festin, commencèrent à festiner, et firent les mesmes exercices militaires, les vns après les autres, comme ils ont accoustumé, pendant le festin, et après auoir vuidé les chaudières, et les complimens et remerciemens rendus, ils partirent, et s'en allèrent au rendez- vous sur la frontière, pour entrer es terres ennemies, sur lesquelles ils prindrent enuiron soixante de leurs ennemis, la pluspart desquels furent tuez sur les lieux, et les autre amenez en vie, et faits mourir aux Hurons, puis mangez en festin.

Leurs guerres ne sont proprement que des surprises et déceptions ; car tous les {| ans au renouueau, 2o3 et pendant tout Testé, cinq ou six cens ieunes hommes Hurons, ou plus, s'en vont s'espandre dans vne contrée des V roquois, se départent cinq ou six en vn endroict, cinq ou six en vn autre et autant en vn

autre, et se couchent sur le ventre par les champs et forests, et à costé des grands chemins et sentiers, et la nuict venue ils rodent par tout, et entrent iusques dans les bourgs et villages, pour tascher d'atraper quelqu'vn, soit homme, femme ou enfant, et s'ils en prennent en vie^ les emmènent en leur pays pour les faire mourir à petit feu, sinon après leur auoir donné vn coup de massue, ou tué à coups de flesches, ils en emportent la teste ; que s'ils en estoient trop chargez, ils se contentent d'en emporter la peau auec sa cheuelure, qu'ils appellent Onontsira, les passent et les serrent pour en faire des trophées, et mettre en temps de guerre sur les pallissades ou murailles de leur ville, attachées au bout d'vne longue perche.

Quand ils vont ainsi en guerre et en pays d'ennemis, pour leur viure ordinaire ils portent quant-eteux, chacun derrière son dos , vn sac plein de farine 204 de bled || rosty et grillé dans les cendres, qu'ils mangent crue, et sans estre trempée, ou bien destrempée auec vn peu d'eau chaude ou froide, et n'ont par ce moyen à faire de feu pour apprester leur manger, quoy qu'ils en fassent par-fois la nuict au fond des bois pour n'estre apperceus, et font durer cette farine iusqu'à leur retour, qui est enuiron de six semaines ou deux mois de temps : car après ils viennent se rafraischir au pays, finissent la guerre pour ce coup, ou s'y en retournent encore auec d'autres prouisions. Que si les Chrestiens vsoient de telle sobriété, ils pourroient entretenir de très -puissantes armées auec peu de fraiz, et faire la guerre aux ennemis de l'Église, et du nom Chrestien, sans la foule du peuple, ny la ruyne du pays, et Dieu n'y seroit point

tant ofiencé, comme il est grandement, par la pluspart de nos soldats , qui semblent plustost (chez le bon homme) gens sans Dieu, que Chrestîens naiz pour le Ciel. Ces panures Saunages (à nostre confusion) se comportent ainsi modestement en guerre, sans incommoder personne, et s'entretiennent de leur propre et particulier moyen, sans autre gage ou espérance de recompense, que || de l'honneur et 2o5 louange qu'ils estiment plus que tout l'or du monde. Il seroit aussi bien à désirer que l'on semast de ce bled d'Inde par toutes les Prouinces de la France, pour l'entretien et nourriture des panures qui y sont en abondance : car auec vn peu de ce bled ils se pourroient aussi facilement nourrir et entretenir que les Saunages, qui sont de mesme nature que nous, et par ainsi ils ne souffriroient de disette, et ne seroient non plus contrains de courir mendians par les villes, bourgs et villages, comme ils font iournellement pource qu'outre que ce bled liourrist et rassasie grandement , il porte presque toute sa sauce quant-etsoy, sans qu'il y soit besoin de viande, poisson, beurre, sel ou espice, si on ne veut.

Pour leurs armes, ils ont la Massue et l'Arc, auec la Flesche empennée de plumes d'Aigles, comme les meilleures de toutes, et à faute d'i celles ils en prennent d'autres. Ils y appliquent aussi fort proprement des pierres trenchantes collées au bois, auec vne colle de poisson tres-forte, et de ces Flesches i!s en emplissent leur Carquois, qui est faict d'vne peau de chien passée, qu'ils portent en escharpe. Ils por- || tent 206 aussi de certaines armures et cuirasses, qu'ils appelent Aqaientory sur leur dos, et contre les jambes, et

autres parties du corps, pour se pouuoir défendre des coups de Flesches : car elles sont faîctes à l'espreuue de ces pierres aiguës; et non toutefois de nos fers de Kebec, quand la Flesche qui en est accommodée sort d'vn bras roide et puissant, comme est celuy d'vn Saunage : ces cuirasses sont faictes auec des baguettes blanches, coupées de mesure, et serrées Pvne contre l'autre, tissuës et entrelassées de cordelettes, fort durement et proprement^ puis la rondache ou pauois , et l'enseigne ou drappeau, qui est (pour le moins ceux que i'ay veus) vn morceau d'escorce rond, sur lequel les armoiries de leur ville ou prouince sont dépeintes et attachées au bout d'une longue baguette, comme vne Cornette de caualerie. Nostre Chasuble à dire la saincte Messe^ leur agreoit fort, et Teussent bien désiré traiter de nous, pour le porter en guerre en guise d'enseigne, ou pour mettre au haut de leurs murailles, attachée à vne longue perche, afin d'espouuenter leurs ennemis, disoient-ils.

207 Les Saunages de Tlsle l'eussent encore 1 1 bien voulu traiter au Cap de Massacre, ayans desia à cet effect, amassé sur le commun , enuiron quatre-vingts Castors : car ils le trouuoient non seulement très-beau, pour estre d'vn excellent Damas incarnat, enrichy d'vn passement d'or (digne présent de la Reyne), mais aussi pour la croyance qu'ils auoient qu'il leur causeroit du bon-heur et de la prospérité en toutes leurs entreprises et machines de guerre.

Comme Ton a de coustume sur mer, pour signe de guerre, ou de chastiment, mettre dehors en euidence le Pauillon rouge : Aussi nos Saunages, non seulement es iours solennels et de resiouyssance , mais

principalement quand ils vont à la guerre, ils portent pour la plus-part à Tentour de la teste de certains pennaches en couronnes, et d'autres en moustaches, faicts de longs poils d'Eslan, peints en rouge comme escarlatte, et collez, ou autrement attachez à vne bande de cuir large de trois doigts. Depuis que nos François ont porté des lames d'espées en Canada, les Montagnets et Canadiens s'en seruent, tant à la chasse de l'Eslan, qu'aux guerres contre leurs ennemis, qu'ils sça-||uent droictement et roidement darder, 208 emmanchées en de longs bois, comme demyespicques.

Quand la guerre est déclarée en vn pays on destruit tous les bourgs, hameaux, villes et villages frontières, incapables d'arrester Tennemy, sinon on les fortifie, et chacun se range dans les villes et lieux fortifiez de sa lurisdiction , où ils bastissent de nouuelles Cabanes pour leur demeure, à ce aydés par les habitans du lieu. Les Capitaines assistés de leurs Conseillers, trauai lient continuellement à ce qui est de lepr conseruation, regardent s'il y a rien à adiouster à leurs fortifications pour s'y employer, font balayer et nettoyer les suyes et araignées de toutes les Cabanes, depeur du feu que Pennemy y pourroit ietter par certains artifices qu'ils ont appris de ie ne sçay quelle autre Nation que l'on m'a autresfois nommée. Ils font porter sur les guérites des pierres et de l'eau pour s'en seruir dans l'occasion. Plusieurs font des trous , dans lesquels ils enferment ce qu'ils ont de meilleur, et peur de surprise les Capitaines enuoyent des soldats pour descouurir l'ennemy, pendant qu'ils encouragent les autres de faire des armes, || de se tenir 209

prestSy et d'enfler leur courage, pour vaillamment et généreusement combattre, résister et se deffendre, si l'ennemy vient à paroistre. Le.mesme ordre s*6bserue en toutes les autres villes et bourgs, iusqu'à ce qu'ils voyent lennemy s'estre attaché à quelques-vns, et alors la nuict à petit bruit vne quantité de soldats de toutes les villes voysines, s'il n'y a nécessité d'vne plus grande armée, vont au secours, et s'enferment au dedans de celle qui est assiégée, la deffendent, font des sorties, dressent des embusches, s'attachent aux escarmouches, et combattent de toute leur puissance, pour le salut de la patrie, surmonter l'ennemy, et le deffaire du tout s'ils pcuuent.

Pendant que nous estions à Quieunonascaran, nous vismes faire toutes les diligences susdites, tant en la fortification des places, apprests des armes, assemblées des gens de guerre, prouision de viures, qu'en toute autre chose nécessaire pour soustenir vne grande guerre qui leur alloit tomber sur les bras de la p^rt des Neutres, si le bon Dieu n'eust diuerty cet orage, et empesché ce mal-heur qui alloit mena- 210 çant nostrebourg d'vn premier || choc, et pout n'y estre pas pris des premiers, toutes les nuicts nous bar ricadions nostre porte auec des grosses bùsches de bois de trauers, arrestées les vues sur les autres, par le moyen de deux paux fichez en terre.

Or pour ce qu'vne telle guerre pouuoit grandement nuyre et empescher la conuersion et le salut de ce pauure peuple, et que les Neutres sont plus forts et en. plus grand nombre que nos Hurons, qui ne peuuent faire qu'enuiron deux mille hommes de guerre, ou quelque peu d'auantage, et les autres cinq

L^.i .y"^"^ ►*'»'^!*!^-!-:i-«aaB™BaM«i*

à six mille combâttans, nous fismes nostre possible, et contribuasmes tout ce qui estoit de nostre pouuoir pour les mettre d'accord, et empescher que nos gens, desia tous prests de se mettre en campagne , n'entreprissent (trop légèrement) vne guerre à l'encontre d'une nation plus puissante que la leur. A la fin, assistés de la grâce de nostre Seigneur /nous gaignasmes quelque chose sur leur esprit : car approuuans nos raisons ils nous dirent qu'ils se tiendroient en paix, et que ce en quoy ils auoient auparauant fondé l'espérance de leur salut , estoit en nostre grand esprit , et au secours que || quelques François (mal ad- 211 uisez) leur auoient promis : Outre vne très-bonne inuention qu'ils auoient conceuë en leur esprit , par le moyen de laquelle ils esperoient tirer un grand secours de la Nation de Feu , ennemis iurez des Neutres. L'inuehtion estoit telle ; qu'au plustost ils s'efforceroient de prendre quelqu'vn de leurs ennemis, et que du sang de cet ennemy, ils en b^boûilleroient la face et tout le corps de trois ou quatre d'entr'eux , lesquels ainsi ensanglantez seroient par après enuoyez en Ambassade à cette Nation dé Feu , pour obtenir d'eux quelque secours et assistance à l'encontre de si puissans ennemis, et que pour plus facilement les esmouuoirà leur donner ce secours, ils leur montreroient leur face, et tout leur corps desia teinct et ensanglanté du sang propre de leurs ennemis communs.

Puis que nous auons parlé de la Nation Neutre , contre lesquels nos Huronsont pensé entrer en guerre, ie vous diray aussi vn petit mot de leur pays. Il est à quatre ou cinq journées de nos Hurons tirant au Sud, au delà de la Nation des Quieunontateronons. Cette Pro-

uince contient prez de cent lieues d^estenduê, où il se 212 fait grande 1 1 quantité de très-bon petun, quMls traitent à leurs voysins. Ils assistent les Cheueuz Releuez contre la Nation de Feu , desquels ils sont ennemis mortels : mais entre les Yroquois et les nostres, auant cette esmeute, ils auoient paix, etdemeuroient neutres entre les deux , et chacune des deux Nations y estoit la bien venue, et n'osoient s'entre-dire ny faire aucun desplaisir, et mesmes y mangoient souuent ensemble, comme s'ils eussent esté amis; mais hors du pays s'ils se rencontroient , il n'y auoit plus d'amitié, et s'entre-faisoient cruellement la guerre, et la continuent à toute outrance : l'on n'a sceu encor trouuer moyen de les reconcilier et mettre en paix, leur inimitié estant de trop longue main enracinée, et fomentée entre les ieunes hommes de l'vne et l'autre Nation , qui ne demandent autre exercice que celuy des armes et de le guerre.

Quand nos Hurons ont pris en guerre quelqu'vn de leurs ennemis, ils luy font une harangue des cruautez que luy et les siens exercent à leur endroict, et qu'au semblable il deuoit se résoudre d'en endu- 2i3 rer autant, et luy commandent (s'il a du || courage assez) de chanter tout le long du chemin, ce qu'il faict; mais souvent avec un chant fort triste et lugubre, et ainsi l'emmènent en leur pays pour le faire mourir , et en attendant l'heure de sa mort, ils luy font continuellement festin de ce qu'ils peuuent pour l'engraisser, et le rendre plus fort et robuste à supporter de plus griefs et longs tourmens , et non par charité et compassion, excepté aux femmes, filles et enfans, lesquels ils font rarement mourir; ains les conseruent et

retiennent pour eux , ou pour en faire des presens à d'autres, qui en auroient auparavant perdu des leurs en guerre , et font estât de ces subrogez , autant que s'ils estoient de leurs propres enfans , lesquels estans paruenus en aage, vont aussi courageusement en guerre contre leurs propres parens, et ceux de leur Nation, que s'ils estoient naiz ennemis de leur propre patrie, ce qui tesmoigne le peu d'amour des enfans enuers leurs parens, et qu'ils ne font estât que des bien-faicts presens, et non des passez, qui est vn signe de mauuais naturel : et de cecy i'en ay veu l'expérience en plusieurs. Que s'ils ne peuuent emmener les femmes et enfans qu'ils || prennent sur les ennemis, ils les as- 214 somment, et font mourir sur les lieux mesmes , et en emportent les testes ou la peau, auec la cheuelure, et encore s'est-il veu (mais peu souuent) qu'ayans amené de ces femmes et filles dans leur pays , ils en ont faict mourir quelques-vnes par les tourments , sans que les larmes de ce pauvre sexe, qu'il a pour toute deffence, les ayent pu esmouuoir à compassion : car elles seules pleurent, et non les hommes, pour aucun tourment qu'on leur fasse endurer, depeur d'estre estimez eSeminez , et de peu de courage , bien qu'ils soient souvent contraincts deietter de hauts cris, que la force des tourments arrache du profond de leur estomach. Il est quelques-fois arrivé qu'aucuns de leurs ennemis estans poursuyuisde prés, se sont neantmoins eschappez : car pour amuser celuy qui les poursuit, et se donner du temps pour fuyr et le deuancer, ilsiettent leurs colliers de Pourceleines bien loin arrière d'eux, a* fin que si l'avarice commande à ses poursuyvans de les aller ramasser, ils peussenttousiours gaigner le de*

uant, et se mettre en sauueté, ce qui a réussi à plu-

21 5 sieurs : ieme persuade et crois || que c'est en partie pourquoy ils portent ordinairement tous leurs plus beaux colliers et matachias en guerre.

Lorsqu'ils ioignent vn ennemy , et qu'ils n'ont qu'à mettre la main dessus , comme nous disons entrenous : Rends-toy, eux disent Sakien , c'est-à-dire, assied-toy, ce qu'il faict, s'il n*ayme mieux se faire assommer sur la place, ou se deffendreiusqu'à la mort, ce qu'ils ne font pas souuent en ces extremitez, sous espérance de se sauner, et d'eschapper avec le temps par quelque ruze. Or comme il y a de Tambition àqui aura des prisonniers , cette mesme ambition ou l'enuie est aussi cause quelques-fois que ces prisonniers se mettent en liberté et se saunent, comme l'exemple suyuant le monstre.

Deux ou trois Hurons se voulans attribuer chacun un prisonnier Yroquois , et ne se pouuans accorder, ils en firent iuge leur propre prisonnier, lequel bien aduisé se seruit de Toccasion et dit : Vn tel m'a pris, et suis son prisonnier, ce qu'il disoit contre la vérité et exprez , pour donner un iuste mescontentement à celuy de qui il estoit vray prisonnier : et de faict in-

216 digne qu'vn autre auroit iniustement l'honneur || qui luy estoit deu , parla en secret la nuict suyuante au prisonnier, et luy dit : Tu t'es donné et adiugé à vn autre qu'à moy , qui t'auois pris , c'est pourquoy i'ayme mieux te donner liberté , qu'il aye l'honneur qui m'est deu, et ainsi le deslians le fit euader etfuyr secrettement.

Arriuez que sont les prisonniers en leur ville ou village, ils leur font endurer plusieurs et diuers tour-

mens, aux vns plus, et aux autres moins, selon qu'il leur plaist : et tous ces genres de tourments et de morts sont si cruels, qu'il ne se trouue rien de plus inhumain : car premièrement ils leur arrachent les ongles, et leur coupent les trois principaux doigts, qui servent à tirer de l'arc , et puis leur leuent ttute la peau de la teste avec la cheuelure, et après y mettent du feu et des cendres chaudes, ou y font dégoutter d'une certaine gomme fondue, ou bien se contentent de les faire marcher tous nuds de corps et des pieds, au trauers d'vn grand nombre de feux faicts exprez, d'vn bout à l'autre d'vne grande Cabane , oti tout le monde qui y est bordé des deux costez, tenans en main chacun vn tison allumé, luy en donnent dessus le corps en passant, || puis après auec des fers 217 chauds luy donnent encore de jartieres à Tentour des jambes, et auec des haches rouges ils luy frottent les cuisses du haut-en-bas, et ainsi peu à peu brusient ce pauure misérable : et pour luy augmenter ses trescuisantes douleurs, luyiettent par-fois de l'eau sur le dos, et luy mettent du feu sur les extremitez des doigts, et de sa partie naturelle , puis leur percent les bras prés des poignets , et auec des bastons en tirent les nerfs, et les arrachent à force, et nelespouuans auoir les couppent, ce qu'ils endurent auec vne constance incroyable, chantans cependant auec vn chant neantmoins fort triste et lugubre , comme i'ay dict, mille menaces contre ces Bourreaux et contre toute cette Nation, et estant prest de rendre l'ame, ils le mènent hors de la Cabane finir sa vie, sur un eschaufTaut dressé exprez, là où on lui couppe la teste, puis on luy ouure le ventre, et là tous les enfans se trouuent pour

auoir quelque petit bout de boyau qu'ils pendent au bout dVne baguette , et le portent ainsi en triomphe par toute la ville ou village en signe de victoire. Le

2 18 corps ainsi esuentré et accommodé, on le faict || cuire dans une grande chaudière, puis on le mange en festin, auec liesse et resiouyssance, comme i'ay dict cydeuant.

Quand les Yroquois , ou autres ennemis , peuuent attrapper de nos gens , ils leur en font de mesme , et c'est à qui fera du pis à son ennemy : et tel va pour prendre, qui est souuent pris luy-mesme. Les Yroquois ne viennent pas pour l'ordinaire guerroyer nos Hurons, que les fueiUes ne couurent les arbres, pour pouuoir plus facilement se cacher , et n*estre descouverts quand ils veulent prendre quelqu'vn au despourueu : ce qu'ils font aysement, en tant qu'il y a quantité de bois dans le pays, et proche la pluspart des villages : que s'ils nous eussent pris nous autres Religieux, les mesmes tourments nous eussent esté appliquez sinon que de plus ils nous eussent arraché la barbe la première, comme ils firent à Bruslé, le Truchement qu'ils pensoient faire mourir , et lequel fut miraculeusement deliuré par la vertu de VAgnus Dei , qu'il portoit pendu à son col : car comme ils luy pensoient arracher, le tonnerre commença adonner auec tant de furies , d'esclairs et de bruits , qu'ils en creu-

219 rent estre à leur dernière iournée, et || tous espouuentez le laissèrent aller, craignans eux-mesmes de périr, pour auoir voulu faire mourir ce Chrestien , et luy oster son Reliquaire.

Il arriue aussi que ces prisonniers s'eschappent aucunes^fois^ spécialement la nuict, au temps qu'on les

faict promener par-dessus les feux ; car en courans sur ces cuisans et tres-rigoureux brasiers , de leurs pieds ils escartent et iettent les tisons, cendres et charbons par la Cabane , qui rendent après une telle obscurité de poudre et de fumée, qu'on ne s'entre-cognoist point: de sorte que tous sont contrainctsdegaignerla porte, et de sortir dehors, et luy aussi parmy la foule, et de là il prend l'essor, et s'en va : et s'il ne peut encore pour lors, il se cache en quelque coin à l'escart , attendant l'occasion et l'opportunité de s'enfuyr, et de gaigner pays. l'en ay veu plusieurs ainsi échappez des mains de leurs ennemis , qui pour preuue nous faisoient voir les trois doigts principaux de la main droicte couppez.

Il n'y a presque aucune Nation qui n'ait guerre et débat auec queiqu'autre, non en intention d'en posséder les terres et conquérir leur pays, ains seulement pour les II exterminer s'ils pouuoient, et pour se ven- 220 ger de quelque petit tort ou desplaisir, qui n'est pas souuent grand chose; mais leur mauvais ordre , et le peu de police qui soufifre les mauuais Concitoyens impunis , est cause de tout ce mal : car si l'vn d'entr'eux aoffencé, tué ou blessé un autre de leur mesme Nation, il en est quitte pour vn présent, et n'y a point de chas timent corporel (pour ce qu'ils ne les ont point en vsage enuers ceux de leur Nation) si les parens du blessé ou decedé n'en prennent eux-mesmes la vengeance, ce qui arriue peu souuent : car ils ne se font, que fort rarement tort les vns aux autres. Mais si l'oftensé est d'vne autre Nation, alors il y a indubitablement guerre déclarée entre les deux Nations, si celle de l'homme coulpable ne se racheté par de grands

presens, qu'elle tire et exige du peuple pour la partie offencée : et ainsi il arriue le plus souuent que par la faute d'vn seul, deux peuples entiers se font vne trescruelle guerre, et qu'ils sont tousiours dans vne continuelle crainte d'estre surpris l'vn de l'autre, particulièrement sur les frontières, où les femmes mesmes ne

221 peuuent cultiuer les terres et faire les || bleds qu'elles n'ayent tousiours auec elles vn homme ayant les armes au poing, pour les conseruer et deffendre de quelque mauuaise aduenuë.

A ce propos des ofTences et querelles, et auant finir ce discours, pour monstrer qu'ils sçauent assez bien procéder en conseil , et vser de quelque manière de satisfaction enuers la partie plaignante et lezée, ie diray ce qui nous arriua vn iour sur ce suiet. Beaucoup de Sauuages nous estans venus voir en nostre Cabane ( selon leur coustume iournaliere ) vn d'entr'eux, sans aucun suiet, voulut donner d'vn gros baston au Père loseph. le fus m'en plaindre au grand Capitaine, et luy remonstray , afin que la chose n'allast plus auant, qu'il falloit nécessairement assembler vn conseil gênerai, et remonstier à ses gens, et particulièrement à tous les ieunes hommes , que nous ne leur faisions aucun tort ny desplaisir, et qu'ils ne deuoient pas aussi nous en faire, puisque nous n'estions dans leur pays que pour leur propre bien et salut, et non pour aucune enuie de leurs Castors et Pelleteries, comme ils ne pouuoient ignorer. Il fit donc assembler vn conseil gênerai auquel tous assistèrent

222 II excepté celuy qui auoit voulu donner le coup : i'y fus aussi appelé , auec le Père Nicolas , pendant que le Père loseph gardoit nostre Cabane.

Le grand Capitaine nous fist seoir auprès de luy , puis ayant imposé silence, il s'addressaà nous, et nous dit , en sorte que toute l'assemblée le pouuoit entendre : Mes Nepueux , à vostre prière et requeste i'ay faict assembler ce conseil gênerai , afin de vous estre faict droict sur les plaintes que vous m'auez proposées ; mais d'autant que ces gens-cy sont ignorans du fait, proposez vous mesme , et déclarez hautement en leur présence ce qui est de vos griefs , et en quoy et comment vous auez esté ofFencés, et sur ce ie feray et bastiray ma harangue, et puis nous vous ferons iustice. Nous ne fusmes pas peu estonnés dés le commencement, de la prudence et sagesse de ce Capitaine, et comme il procéda en tout sagement, iusqu'à la fin de sa conclusion , qui fust fort à nostre contentement et édification.

Nous proposasmes donc nos plaintes , et comme nous auionc quitté vn tres-bon pays, ettrauersé tant de mers et de terres, auec infinis dangers et mes-aises, pour II leur venir enseigner le chemin du Paradis , et 223 retirer leurs âmes de la domination de Sathan , qui les entraisnoit tous après leur mort dans vne abysme de feu sousterrain, puis pour les rendre amis et comme parens des François , et neantmoins qu'il y en auoit plusieurs d'entreux qui nous traictoient mal , et particulièrement vn tel (que ie nommay) qui a voulu tuer nostre frère loseph. Ayant finy, le Capitaine harangua vnlong temps sur ces plaintes, leur remonstrans le tort qu'on aurpit de nous offencer, puis que nous ne leur rendions aucun desplaisir, et qu'au contraire nous leur procurions et desirions du bien , non seulement pour celte vie-j mais aussi pour l'aduenir.

Nous fusmes priez à la fin d'excuser la faute dVn particulier, lequel nousdeuions tenir seul auec eux^ pour vn chien, a la faute duquel les autres ne trempoient point, et nous dirent pour exemple, que desia depuis peu, vn des leurs auoit griefuement blessé vn Algoumequin , en ioûant auec luy, et qu'ils s'estoient accordez sans guerre, par le moyen de quelque présent, et celuy-là seul tenu pour chien et meschant qui auoit 924 faict le mal, et non les autres, i| qui sont bien marris de cet inconuenient.

Ils nous firent aussi présent ,de quelques sacs de bled , que nous acceptasmes et fusmes au reste festoyez de toute la compagnie, auec mille prières d'oublier tous le passé, et demeurer bons amys comme auparaïunt; et nous coniurerent encore fort instamment d'assister tous les iours à leurs festins et banquets, ausquels ils nous feroient manger de bonnes Sagamités diuersement préparées, et que parce moyen nous nous entretiendrions mieux par ensemble dans une bonne intelligence de bons parens et bons amys , et que de vérité ils nous trouuoient assez pauurement accommodez et nourris dans nostre Cabane, de laquelle ils eusent bien désiré nous retirer pour nous mettre mieux auec eux dans leur ville , où nous n'aurions autre soucy que de prier Dieu, les instruire^ et nous resiouyr honnestement par ensemble; et après les auoir remerciés, chacun prit congé, et se retira.

— iSy —

Il De la croyance etfoy des Saunages ^ du Créateur^ et comme 22 5 ils auoient recours à nos prières en leurs nécessitez.