Chapitre XVIII
icERON a dict, parlant de la nature des Dieux, qu'il n'y agent si sauuage, si brutale ny si barbare, qui ne soit imbuë de quelque opinion d'iceux. Or comme il y a diuerses Nations et Prouinces barbares , aussi y a-il diuersité d'opinions et.de croyance, pour ce que chacune se forge vn Dieu à sa poste. Ceux qui habitent vers Miskou et le port Royal, croyent en vn certain esprit» qu'ils appellent Cudoùagni^ et disent qu'il parle souuent à eux, et leur dict le temps qu'il doit faire. Ils disent que quand il se courrouce contr'eux, il leur iette de la terre aux yeux. Ils croyent aussi quand ils trespassent, qu'ils vont es Estoilles, puis vont en de beaux champs verts, pleins || de beaux arbres, fleurs 226 et fruicts tres-somptueux.
Les Souriquois (à ce que i'ay appris) crqycnt véritablement qu'il y a vn Dieu qui a tout créé, et disent qu'après qu'il eut faict toutes choses, qu'il prit quantité de flescbes , et les mit en terre , d'oti sortirent hommes et femmes^ qui ont muliplié au monde jusqu'à présent. En suitte de quoy, vn François demanda à vn Sagamo, s'il ne croyoit point qu'il y eust vn autre qu'vn seul Dieu : il respondit, que leur croyance estoit, qu'il y auoit vn seul Dieu , vn Fils, vne Mère, et le Soleil, qui estoient quatre ; néant-
moins que Dieu estoit par dessus tous : mais que le Fils estoit bon, et le Soleil, à cause du bien qu'ils en receuoient : mais la Mère ne valoit rien, et les mangeoity et que le Père n'estoit pas trop bon.
Puis dict : Anciennement, il y eut cinq hommes qui s'en allèrent vers le Soleil couchant, lesquels rencontrèrent Dieu , qui leur demanda : Où allezvous ? Us respondirent : Nous allons chercher nostre vie. Dieu leur dit : Vous la trouuerez ici. Ils passèrent plus outre, sans faire estât de ce que Dieu leur auoit 227 dit, lequel prit vne pier- 1| re et en toucha deux, qui furent transmuez en pierre. Et il demanda derechef aux trois autres : Où allez-vous? et ils respondirent comme à la première fois ; et Dieu leur dit derechef : Ne passez plus outre, vous la trouuerez icy ; et voyans qu'il ne leur venoit rien, ils passèrent outre, et Dieu prit deux bastons, et il en toucha les deux premiers, qui furent transmuez en bastons, et le cinquiesme s'arresta, ne voulant passer plus outre. Et Dieu luy demanda derechef: Où vas-tu.*^ le vay chercher ma vie. Demeure, et tu la trouueras. Il s'arresta, sans passer plus outre, et Dieu luy donna de la viande, et en mangea. Apres auoir faict bonne chère, il r^' tourna auec les autres Saunages, et leur raconta tout ce que dessus.
Ce Sagamo dit et raconta encore à ce François cet autre plaisant discours. Qu'vne autre-fois il y auoit vn homme qui auoit quantité de Tabac, et que Dieu dist à cet homme, et luy demanda où estoit son petunoir, l'homme le prit, et le donna à Dieu, qui petuna beaucoup, et après auoir bien petuné, il 1^ rompit en plusieurs pièces; et l'homme luy demanda:
— iSg — '
Pourquoy as-tu rompu mon petunoîr, tu || vois bien 228 que ie n'en ay point d'autre ? Et Dieu en prit vn qu'il auoit et le luy donna, luy disant : En voilà vn que'ie te donne, porte-le à ton grand Sagamo, qu'il le garde, et s'il le garde bien, il ne manquera point de chose quelconque, ny tous ses compagnons. Cet homme prit le petunoir qu'il donna à son grand Sagamo, et durant tout le temps qu'il l'eut, les Sauuages ne manquèrent de rien du monde : mais que du depuis ledit Sagamo auoit perdu ce petunoir, qui est l'occasion de la grande famine qu'ils ont quelquesfois parmy-eux. Voylà pourquoy ils disent que Dieu n'est pas trop bon, et ils ont raison, puisque ce Démon qui leur apparoist en guise d'vn Dieu, est vn esprit de malice, qui ne s'estudie qu'à leur ruyne et perdition.
La croyance en gênerai de nos Hurons ( bien que très mal entendue par eux-mesmes, et en parlent fort diuersement;) c'est que le Créateur qui a faict tout ce monde, s'appelle Yoscaha.tX en Canadien i4/âouâCâ/i, lequel a encore sa Mere-grand', nommée Ataensiq : leur dire qu'il n'y a point d'apparence qu'vn Dieu aye vne Mère grand', et que cela se contrarie, ils demeurent sans réplique, comme || à tout le reste. Ils 229 disent qu ils demeurent fort loin, n'en ayans neantmoins autre marque ou preuue, que le récit qu'ils allèguent leur en auoir esté fait par vn Aîtiuoindaroriy qui leur a faict croire l'auoir veu , et la marque de ses pieds imprimée sur vne roche au bordd'vne riuiere, et que sa maison ou cabane est faicte comme les leurs, y ayant abondance de bled, et de toute autre chose nécessaire à l'entretien de la vie humaine.
Qu'il semé du bled, trauaille, boit, fflange et dôft comme les autres. Que tous les animaux de la terre sont à luy et comme ses domestiques. Que dé sa nature il est tres-bon, et donne accroissement à tout, et que tout ce qu*il faict est bien faict , et nous donne le beau temps, et toute autre chose bonne et prospère. Mais à Topposite, que sa Mere-grand' est meschante , et qu'elle gaste souuent tout ce que son petit Fils a faict de bien. Que quand Yoscaha est vieil, qu'il r'ajeunit tout à vn instant, et dénient comme vn ieune homme de vingt-cinq à trente ans ^ et par ainsi quMl ne meurt iamais, et demeure immortel, bien qu'il soit vn peu suiect aux nécessitez corporelles, comme nous autres.
23o II Or il fout noter, que quand on vient à leur contredire ou contester là-dessus , les vns s'excusent d'ignorance, et les autres s*enfuyent de honte, et d'autres qui pensent tenir bon s'embrouillent incontinent, et n'y a aucun accord ny apparence à ce qu'ils en disent, comme nous auons souuent veu et sceu par expérience, qui faict cognoistre en effect qu'ils ne recognoissent et n'adorent vrayement aucune Diuinité ny Dieu, duquel ils puissent rendre quelque raison, et que nous puissions sçauoir : car encore que plusieurs parlent en la louange de leur Yoscaha ^ nous en auons oûy d'autres en parler auec mespris et irreuerence.
Ils ont bien quelque respect à ces esprits, qu'ils appellent Oki; mais ce mot Oki signifie aussi bien vn grand Diable, comme vn grand Ange, vn esprit furieux et demoniacle, comme vn grand esprit, sage, sçauant ou inuentif, qui foict ou sçait quelque chose
par-dessus le commun ; ainsi nous y appelIoient>îls souuent, pour ce que nous sçauions et leur enseignions des choses qui surpassoient leur esprit, à ce qu'ils disoient. Ils appellent aussi Oki leurs Médecins et Magiciens, voire mesmes || leurs fols, furieux 23 1 et endiablez. Nos Canadiens et Montagnets appellent aussi les leurs Pirotois et Manitous , qui signifie la mesme chose que Oki en Huron.
Ils croyent aussi qu'il y a de certains esprits qui dominent en vn lieu, et d'autres en vn autre : les vus aux riuieres, les autres aux voyages, aux traites, aux guerres, aux festins et maladies, et en plusieurs autres choses , ausquels ils offrent du petun , et font quelques sortes de prières et cérémonies, pour obtenir d'eux ce qu'ils désirent. Ils m'ont aussi monstre plu* sieurs puissans rochers sur le chemin de Kebec, ausquels ils croyoient résider et présider vn esprit , et entre les autres ils m'en monstrerent vn à quelque cent cinquante lièuds de là, qui auoit comme vne teste, et les deux brasesleuez en l'air, et au ventre ou milieu de ce puissant rocher, il y auoit vne profonde cauerne de très-difficile accez. Ils me vouloient persuader et faire croire à toute force, aiiec eux, que ce rocher aupit esté vn homme mor^ comme nous, et qu'esleuant les bras et les mains en haut, il s'estoit métamorphosé en cette pierre, et deuenu à succession de temps, vn si puissant rocher, lequel ils ont en vénération. Il et luy offrent du petun en passant par 232 deuant auec leurs Canots, non toutes les fois, mais quand ils doutent que leur voyage doiue réussir, et luy offrant ce petun, qu'ils iettent dans l'eau contre la roche mesme, ils luy disent : Tiens, prends cou-
rage, et fay que nous fassions bon voyage, auec quelqu^autre parole que ie n'entends point : et le Truchement , duquel nous auons parlé au chapitre précèdent, nous a asseuré d'auoir fait vne fois vne pareille offrande auec eux (dequoy nous le tançasmes fort) et que son voyage luy fut plus profitable qu'aucun autre qu'il ait iamais faict en ces pays -là. C'est ainsi que le Diable les amuse, les maintient et conserue dans ses filets, et en des superstitions estranges, en leur prestans ayde et faueur, selon la croyance qu^ils luy ont en cecy, comme aux autres cérémonies et sorceleries que leur Oki obserue, et leur faict obseruer, pour la guerison de leurs maladies, et autres nécessitez, n'offrans neantmoins aucune prière ny offrande à leur Yoscaha (au moins que nous ayons sceu), ains seulement à ces esprits particuliers, que ie viens de dire, selon les occasions.
233 Ils croyent les aines immortelles : et|| partans de ce corps, qu'elles s'en vont aussi tost dancer et se resiouyr en la présence d^Yoscaha^et de sa Mere-grand' Ataensi(], tenans la route et le chemin des Estoilles, qu'ils appellent Atiskein andahaiey^ le chemin des âmes, que nous appelons la voye lactée, ou Tescharpe estoilée, et les simples gens le chemin de sainct lacques. Ils disent que les âmes des ch'ens y vont aussi, tenans la route de certaines estoilles, qui sont proches voysines du chemin des âmes, qu'ils appellent Gagnenon andahatey, c'est à dire, le chemin des chiens, et nous disoient que ces âmes, bien qu'immortelles, ont encore en l'autre vie les mcsmes nécessitez du boire et du manger, de se vestir et labourer les terres, qu'elles auoient lors qu'elles estoient encore reues-
tues de ce corps mortel. C'est poùrquoy ils enterrent ou enferment auec les corps des deffuncts, de la galette, de rhuile, des peaux, haches, chaudières et autres outils ; pour à celle fin que les âmes de leurs perents, à faute de tels instrumens, ne demeurent panures et nécessiteuses en Tautre vie : car ils s'imaginent et croyent que lestâmes de ces chaudières, haches, cousteaux, et tout ce qu'ils leur de- 1| dient, 234 particulièrement à la grande feste des Morts, s'en vent en l'autre vie seruir les âmes des deffuncts, bien que le corps de ces peaux, haches, chaudières, et de toutes les autres choses dédiées et offertes, demeurent et restent dans les fosses et les bières, auec les os des trespassez, c'estoit leur ordinaire response, lors que nous leur disions que les souris mangeoient l'huile et la galette, et la rouille et pourriture les peaux, haches et autres instruments qu'ils enseuelissoient et mettoient auec les corps de leurs parens et amis dans le tombeau.
Entre les choses que nos Hurons ont le plus admiré, en les instruisant, estoit qu'il y eust vn Paradis au dessus de nous, oU fussent tous les bien-heureux auec Dieu, et vn Enfer sousterrain, où estoient tourmentées auec les Diables en vn abysme de feu, toutes les âmes des meschants, et celles de leurs parens et amis deffuncts, ensemblement auec celles de leurs ennemis, pour n'auoir cogneu ny adoré Dieu nostre Créateur, et pour auoir meiné vne vie si mauuaise et vescu auec tant de dissolution et de vices. Ils admiroient aussi grandement l'Escriture, par laquelle, ab- Il sent, on se faîct entendre où Ton veut; et te- 235 nans volontiers nos liures, après les auoir bien con-
tonpIesE, et admiré les images et les lettres, ils s'amusoient à en compter les fueillets.
Ces pauures gens ayans par plusieurs fois expérimenté le secours et Tassistance que nous leur promettions de la part de Dieu, lors qu'il viuroient en gens de bien, et dans les termes que leur prescriuions : Us auoient souuent recours à nos prières, soit, ou pour les malades, ou pour les iniures du temps, et aduoûoient franchement qu'elles auoient plus d'efficace que leurs cérémonies, coniurations et tous les tintamarres de leurs Médecins, et se resiouyssoient de nous oûir chanter des Hymnes et Pseaumes à leur intention, pendant lesquels (s'ils s'y trouuoient presens) ils gardoient estroictement le silence, et se rendoient attentifs, pour le moins au son et à la voix, qui les contentoit fort. S'ils se presentoient à la porte de nostre Cabane, nos prières commencées, ils auoient patience, ou s'en retournoient en paix, sçachans desîa que nous ne dénions pas estre diuertis d'vne si bonne action, et que d'entrer par importu- 236 nité estoit chose estimée || inciuile, mesme entr'eux, et vn obstacle aux bons effects de la prière, tellement qu'ils nous donnoient du temps pour prier Dieu, et pour vacquer en paix à nos offices diuins. Nous aydant en cela la coustume qu'ils ont de n'admettre aucun dans leurs Cabanes lors qu'ils chantent les malades, ou que les mots d'vn festin ont été prononcez.
Auoîndaon, grand Capitaine de Quimnonascaran^ auoit tant d'affection pour nous, qu'il nous seruoit comme de Père Syndîq dans le pays, et nous voyoit aussi souuent qu'il croyoit ne nous estre point importun.
et nous trouuatis par-fois à genôtiils prians Dku , sans dîre mot, il s'agenoûilloit auprès de nous, ioignoit les mains, et ne pouuant d'auantage, il taschoit sérieusement de contrefaire nos gestes et postures, remuant les leures, et esleuant les mains et les yeux au Ciel, et y perseueroit iusques à la fin de nos Offices, qui estoient assez longues, et luy aagé d*enuiron soixante et quinze ans. O mon Dieu, que cet exemple deuroit confondre de Chrestiens ! et que nous dira ce bon vieillard Sauuage, non encore baptisé, au iour du jugement, de nous || voir plus negligens d'aymer 237 et seruir vn Dieu, que nous cognoissons, et duquel nous receuons tant de grâces tous les iours, que luy, qui n'auoit iamais esté instruit que dans Tescole de la Gentilité, et ne le cognoissoii encore qu'au trauers les espaisses ténèbres de son ignorance r* Mon Dieu, resueillez nos tiédeurs, et nous eschauffez de vostre diuin amour. Ce bon vieillard, plein d'amitié et de bonne volonté, s'offrit encore de venir coucher auec moy dans nostre Cabane, lors qu'en l'absence de mes Confrères i'y restois seul la nuict. le luy demandois la raison, et s'il croyoit m'obliger en cela, il me disoit qu'il apprehendoit quelque accident pour moy, particulièrement en ce temps que les Yroquois estoient entrez dans leurs pays, et qu'ils me pourroient aysement prendre, ou me tuer dans nostre Cabane, sans pouuoir estre secouru de personne, et que de plus les esprits malins qui les inquietoient me pourroient aussi donner de la frayeur, s'ils venoient à s'apparoistre à moy, ou à me faire entendre de leurs voix. le le remerciois de sa bonne volonté, et l'asseurois que ie n'auois aucune appréhension, ny des Yrg-i
238 quois, ny des es- || prits malins, et que ie voulois demeurer seul la nuict dans nostre Cabane, en silence, prières et oraisons. Il me repliquoit : Mon Nepueu, ie ne parleray point, et prieray lEsvsauec toy, laissemoy seulement en ta compagnie pour cette nuict, car tu nous es cher, et crains qu'il ne t'arriue du mal, ou en effect, ou d'appréhension. le le remerciois derechef, et le renuoyois au bourg, et moy ie demeurois seul en paix et tranquillité.
Nous baptizasmes vne femme malade en nostre bourg, qui ressentit et tesmoigna sensiblement de grands effects du sainct Baptesme : il y auoit plusieurs iours qu'elle n'auoit mangé, estant baptizée aussi tost Tappetit luy reuint, comme en pleine santé, par l'espace de plusieurs iours, après lesquels elle rendit son ame à Dieu, comme pieusement nous pouuons croire; elle repetoit souuent à son mary, que lors qu'on la baptisoit, qu'elle ressentoit en son ame vne si douce et suaue consolation, qu'elle ne pouuoit s'empescher d'auoir continuellement les yeux esleuez au Ciel, et eust bien voulu qu'on eust peu lui réitérer encore vne autre fois le sainct Baptesme, pour pouuoir res-
289 sentir derechef cette || consolation intérieure, et la grande grâce et faueur que ce Sacrement luy auoit communiquée. Son mary, nommé Ongyata^ tres-content et ioyeux, nous en a tousiours esté du depuis fort affectionné, et desiroit encore estre faict Chrestien, auec beaucoup d'autres ; mais il falloit encore vn peu temporiser, et attendre qu'ils fussent mieux fondez en la cognoîssance et croyance d'vn lesus-Christ crucifié pour nous, et à vne vraye résignation, renonciation, abandonnement et mespris de toutes leurs
folles cérémonies , et en la hayne de tous leurs vices et mauuaises habitudes : pource que ce n'est pas assez d'estre baptizé pour aller en Paradis ; mais il faut deplusviure Chrestiennement, et dans les termes et les loix que Dieu et son Eglise nous ont prescrites : autrement il n'y a qu'vn Enfer pour les mauuais, et non point vn Paradis. Et puis ie diray auec vérité, que si on n'establit des Colonies de bons et vertueux Catholiques dans tous ces pays Saunages, que iamais le Christianisme n'y sera bien affermy, encore que des Religieux s'y donnassent toutes les peines du monde : car autre chose est d'auoir affaire à des peu- Il pies policez, et autre chose est de traiter auec 240 des peuples Saunages, qui ont plus besoin d'exemple dVne bonne vie, pour s'y mirer, que de grand' Théologie pour s'instruire, quoy que l'vn et l'autre soit nécessaire. Et par ainsi nos Pères ont faict beaucoup d'en auoir baptizé plusieurs, et d'en auoir disposé vn grand nombre à la foy et au Christianisme. Et puis que nous sommes sur le suiet du sainct Baptesme, ie ne passeray sous silence, qu'entre plusieurs Saunages Canadiens, que nos Pères y ont baptisez, soit de ceux qu'ils ont fait conduire en France, ou d'autres qu'ils ont baptisez et retenus sur les lieux, les deux derniers méritent de vous en dire quelque chose. Le Père loseph le Caron, Supérieur de nostre Conuent de sainct Charles, nourrissoit et esleuoit, pour Dieu, deux petits Saunages Canadiens, l'vn desquels, fils du Canadien que nous sur-nommons le Cadet, après avoir esté bien instruit en la foy et doctrine Chresiienne, se résolut de viureà l'aduenir, suyuant la loi que nos Pères lui auoient enseignée , et auec ins-
tance demancia [le sainct Bapte^me ; mais à mesme
241 temps qu'il eut consenty et résolu de se || faire baptizer, le Diable commença deletourmenter, et s'apparoistre à luy en diuerses rencontres : de sorte qu'il le pensa vne fois estouffer , si par prières à Dieu, Reliquaires, et par eau beniste on ne luy eust bridé son pouuoir : et comme on luy iettoit de cet* eau , ce pauure petit garçon voyoit ce malin esprit s'enfuyr d'vn autre costé et monstroit à nos Pères l'endroict et le lieu où il estoit, et disoit asseurement que ce malin auoit bien peur de cet' eau : tant y a, que depuis le iour de Pasques , que le Diable Tassaillit pour la première fois, iusques à la Pentecoste qu'il fut baptizé,ce pauure petit Sauuage fut en continuelle peme et appréhension, et auec larmes supplioit tousiours nos Pères de le vouloir baptizer, et le faire quitte de ce meschant ennemy, duquel ilreceuoit tant d'ennuys et d'efirois.
Le iour de son Baptesme , nos Religieux firent vn festin à tous les parens du petit garçon de quantité de pois, de prunes, et de queiqu'autre menestre, bouillies et cuites ensemble dans vne grande chaudière. Et comme le Père Joseph leur eut faict vne harangue sur la cérémonie , vertu et nécessité du
242 sainct Baptesme , il || arriva à quelques iours de là, qu'vn d'eux venant à tomber malade , il eut si peur de mourir sans estre baptizé, qu'il le demanda maintes-fois, et auec très-grande instance : si que se voyant pressé du mal, il disoit que s'il n'estoit baptizé^ qu'il en imputeroit la faute à ceux qui luy refusoient, tellement quVn de nos Religieux, nommé Frère Geruais, auec Taduis de tous les François qui se trouue^ rent là presens, luy conféra le sainct Baptesme , et le
mit en repos. Il s'est monstre du depuis si feruent obseruateur de ce qui iuy a esté enseigné, qu'il s'est librement faict quitte de toutes les bagatelles et superstitions dont le Diable les amuse, et mesme n'a permis .qu'aucun de leurs Pirotois fist plus aucune diablerie autour de Iuy comme ils auoient accoustumé.
Enuiron les mois d'Auril et de May , les pluyes furent très-grandes, et presque continuelles (au con» traire de la France, qui fut fort seiche cette année-là) de sorte que les Saunages croyoient asseurement que tous leuc^ bleds deussent estre perdus et pourris , et dans cette af&iction ne scauoient plus à qui auoir recours, sinon à nous : car desia toutes leurs cérémonies et II superstitions auoient esté faictes etobseruées sans 248 aucun profit. Ils tindrent donc conseil entre tous les plus anciens , pour aduiser à vn dernier et salutaire remède, qui n'estoit pas vrayement saunage; mais digne d'vn très-grand esprit , et esclairé d'vne nouuelle lumière du Ciel, qui estoit de faire apporter Vn tonneau d'escorce de médiocre grandeur, au milieu de la Cabane du grand Capitaine où se tenoit le conseil, et d'arrester entr eux que tous ceux du bourg , qui auoient vn champ de bled ensemencé , en apporteroient là une escuellée de leur Cabane, et ceux qui auroient deux champs, en apporteroient deuxescuellées , et ainsi des autres , puis l'offriroient et dedieroient à l' vn de nous trois, pour l'obliger auec les deux autres Confrères, de prier Dieu pour eux. Cela estant faict, ils me choisissent, et m*envoyent prier par un nommé Gienole, d'aller au conseil, pour me communiquer quelque affaire d'importance, et aussi pour recevoir vn tonneau de bled qu'ils m'auoient dédié. Auec
Paduis de mes Confrères ie m'y enallay, et m'assis au conseil auprès du grand Capitaine , lequel me dit :
244 Mon Nepueu, nous fauons en- 1| uoyé quérir, pour t'aduiser que si les pluyes ne cessent bien-tost , nos bleds seront tous perdus , et toy et tes Confrères avec nous, mourrons tous de faim ; mais comme vous estes gens de grand esprit, nous auons eu recours à vous , et espérons que vous obtiendrez de vostre Père qui est au Ciel, quelque remède et assistance à la nécessité qui nous menace. Vous nous auez tousiours annoncé qu'il estoit tres-bon , et qu'il estoit le Créateur , et auoit tout pouuoir au Ciel et en la terre ; si ainsi est qu'il soit tout-puissant et tres-bon , et qu'il peut ce qu'il veut , il peut donc nous retirer de nos misères , et nous donner vn temps propre et bon : prie-le donc, auec tes deux autres Confrères , de faire cesser les pluyes, et lemauuais temps, qui nous conduit infailliblement dans la famine , s'il continue encore quelque temps, et nous ne te serons pas ingrats : car voylà desia vn tonneau de blei que nous t'auons dédié , en attendant mieux. Son discours finy , et ses raisons déduites, ie luy remonstray que tout ce que nous leur auions dit et enseigné estoit tres-veritabïe , mais qu'il estoit à la liberté d'vnpere d'exaucer ou reietter
245 les prières de son enfant, || et que pour chastier, ou faire grâce et miséricorde , il estoit tousiours la mesme bonté, y ayant autant d'amour au refus qu'à Toctroy; et luy dis pour exemple : Voilà deux de tes petits enîaLïis, Andaracouy eX. Arousseriy quelques fois tu leur donnes ce qu'ils te demandent, et d'autres fois non 3 que si tu les refuses et les laisses contristez , ce n'est pas pour hayne que tu leur portes, ny pour mal que
— lyi —
tu leur vueilles; ains pour ce que tu iuges mieux qu'eux que cela ne leur est pas propre, ou que ce chastiment leur est nécessaire. Ainsi en vse Dieu nostre Père tres-sage, enuers nous ses petits enfans et seruiteurs. Ce Capitaine vn peu grossier, en matière spirituelle, me répliqua , et dist : Mon Nepueu , il n'y a point de comparaison de vous à ces petits enfans : car n'ayans point d'esprit, ils font souuent de folles demandes, et moi qui suis père sage, et de beaucoup d'esprit, ie les exauce ou refuse avec raison. Mais pour vous , qui estes grandement sages , et ne demandez rien inconsidérément, et qui ne soit tres-bon et équitable , vostre Père qui est au Ciel , n'a garde de vous esconduire : que s'il ne vous exauce, et que nos bleds viennent à pourrir, || nous croyrons que vous n'estes 246 pas véritables, et que Jésus n'est point si bon ny si puissant que vous dites. le luy repliquay tout ce qui estoit nécessaire là-dessus , et luy remis en mémoire que desia en plusieurs occasions ils auoient expérimenté le secours d'vn Dieu et d'vn Créateur, si bon et pitoyable, et qu'il les assisteroit encore à cette présente et pressante nécessité, et leur donneroit du bled plus que suffisamment, pourueu qu'ils nous voulussent croire, et quittassent leurs vices , et que si Dieu les chastioit par-fois, c'estoit parce qu'ils estoient toùsiours vicieux, et ne sortoient point de leurs mauuaises habitudes, et que s'ils se corrigeoient, ils luy seroient agréables, et les traiteroit après commises enfants.
Ce bon homme prenant goust à tout ce que ie luy disois, me dist : O mon Nepueu ! ie veux donc estre
— lyi —
enfieint de Dieu , comme toy. le luy respondis , tu n'en es point encore capable. O mon Oncle I il faut encore vn peu attendreque tu tesois corrigé : car Dieu ne veut point d'enfant s'il ne renonce aux superstitionsy et qu'il ne se contente de sa propre femme sans
247 aller aux autres, et si tu le fais nous || te baptizerons, et après ta mort ton ame s*en ira bien- heureuse auec luy. Le conseil acheué, le bled fut porté en nostre Cabane, et m'y en retournay, oti i*aduertis mes Confrères de tout ce qui s'estoit passé, et qu'il falloit sérieusement et instamment prier Dieu pour ce pauure peuple, à ce qu*il daignast les regarder de son œil de miséricorde, et leur donnast un temps propre et ne* cessaire à leurs bleds , pour de là les faire admirer ses merueilles. Mais à peine eusmes-nous commencé nos petites prières, et esté processionnellement à Tentour de nostre petite Cabane, en disans les Litanies, et autres prières et deuotions , que nostre Seigneur trèsbon et miséricordieux fist à mesme temps cesser les pluyes : tellement que le Ciel , qui auparauant estoit par tout couuert de nuées obscures, se fist serain , et toutes ces nuées se ramassèrent comme vn globe au dessus de la ville, et puis tout à coup cela se fondit derrière les bois, sans qu'on en aperceust iamai s tomber vne seule goutte d'eau ; et ce beau temps dura enuiron trois sepmaines, au grand contentement, et estonnement et admiration des Saunages, qui sa-
248 tisfaits d'vne telle faueur céleste, nous || en restèrent fort affectionnez, auec délibération de faire passer en conseil, que delà enauant,ilsnousappelleroient leurs Pères spirituels, qui estoit beaucoup gaigné sur eux,
et âuiet à nous dç rendre infinies grâces à Dieu , qùr daigne faire voir ses merueiiles quand il luy plaist, et est expédient à sa gloire.
Du depuis les Saunages nous eurent vne telle croyan-^ ce, et auoient tant d'opinions de nous, qoie cela nous estoit à peine, pour ce qu'ils inferoient delà et s'imaginoient que Dieu ne nous esconduiroit iamais d'aucune chose que luy demandassions, et que nous pouuions tourner le Ciel et la terre à nostre volonté (par manière de dire;) c'est pourquoy qu'il leur en falloit faire rabattre de beaucoup , et les aduiser que Dieu ne fait pas tousiours miracle, et que nous n'estions pas dignes d'estre tousiours exaucez.
. Il m*arriua un iour qu'estant allé visiter vn Sau* uage de nos meilleurs amis, grandement bon homme^ et d'vn naturel qui sentoit plustostson bon Chrestien, que non pas son Sauvage : Comme ie discourois auec luy, et pensois monstrer nostre cachet, pour luy en faire admirer ri mage, |I qui estoit de la saincte Vierge, 249 vne fille subtilement s'en saisit , et le ietta de costé dans les cendres, pensant par après le ramasser pour elle, l'estois marry que ce cachet m'auoit esté ainsi pris et desrobé, et dis à cette fille que ie soupçonnois : Tu te ris et te mocques à présent de mon cachet que tu as desrobé; mais sçache, que s'il ne m'est rendu, que tu pleureras demain , et mourras bien-tost : car Dieu n'ayme point les larrons, et les chastie; ce que ie disois simplement, et pour l'intimider et faire rendre son larrecin, comme elle fist à la fin, l'ayant moy-mesme ramassé du lieu oîi elle l'auoit ietté. Le lendemain à heure de dix heures, estant retourné voir mon Saunage, ie trouuay cette fille toute esplo-
rée et malade ^ auec de grands vomissemens qui la tourméntoient : estonné et marry de la voir en cet estât, ie m'informay de la cause de son mal, et de ses pleurs, l'on me dist que c'estoit le mal que ie luy auois prédit, et qu'elle estoit sur le poinct de se faire reconduire à la Nation du Petun, d'où elle estoit, pour ne point mourir hors de son pays : ie la consolày alors, et luy dis qu'elle n'eust plus de peur, et qu elle
2 5o ne mourroit point pour ce coup, il ny n'en seroit pas d'auantage malade, puis que ce cachet auoit esté retrouué ; mais qu'elle aduisast vne autre fois de n'estre plus meschante, et de ne plus desrober, puis que cela desplaisoit au bon Iesvs; et alors elle me demanda derechef si elle n'en mourroit point, et après que ie l'en eus asseurée, elle resta entièrement guérie et consolée, et ne parla plus de s'en retourner en son pays, comme elle faisoit auparauant, et vescut plus sagement à l'aduenir.
Commie ils estimoient que les plus grands Capitaines de France estoient douez d'vn plus grand esprit, et qu'ayans vn si grand esprit, eux seuls pouuoient faire les choses les plus difficiles : comme haches, cousteaux, chaudières, etc., ils inferoient de là, que le Roy (comme le plus grand Capitaine et le chef de tous) faisoit les plus grandes chaudières , et nous tenans en cette qualité de Capitaines, ils nous en presentoient quelques-fois à r*accommoder, et nous supplioient aussi de faire pencher en bas les oreilles droictes de leurs chiens, et de les rendre comme celles de ceux de France qu'ils auoient
2 5i veus à Kebec : mais ils se mesprenoient, et || nous supplioient en vain, comme de nous estre impor-^
tuns d'aller tuer le Tonnerre, qu'ils pensoient estre vn oyseau, nous demandans si les François en mangeoient, et s'il auoit bien de la graisse, et pourquoy il faisoit tant de bruit : mais ie leur donnay à entendre (selon ma petite capacité) comme et en quoy ils se trompoient, et qu'ils ne deuoient penser si bassement des choses ; dequoy ils restèrent fort contents et aduotioient auec vn peu de honte leur trop grande simplicité et ignorance.
Les Saunages, non plus que beaucoup de «simples gens, ne s'estoient iamaîs imaginé que la terre fust ronde et suspendue, et que Ton voyageast à l'entour du monde, et qu'il y eust des Nations au dessous de nous, ny mesme que le Soleil fist son cours à l'entour : mais pensoient que la terre fust percée, et que le Soleil entroit par ce trou quand il se couchoit, et y demeuroit caché iusqu'au lendemain matin qu'il sortoit par l'autre extrémité, et neantmoins ils comprenoient bien qu'il estoit plustost nuict en quelques pays, et plustost iour en d'autres : car vn Huron ve* nant d'vn long voyage, nous dist en nostre Cabane, qu'il estoit desia nuict en la con- 1| trée d'oCi il venoit, 252 et neantmoins il estoit plein Esté aux Hurons, et pour lors enuiron les quatre ou cinq heures après midy seulement.
Des cérémonies qu'ils obserueni à la f esche. Chapitre XIX.
EsiREUx de voir les cérémonies et façons ridicules qu'ils obseruent à ]a pesche du grand poisson, qu^ils appellent Assihendo^ qui est vn poisson gros comme les plus grandes moluës, mais beaucoup meilleur, je partis de Quieunonascaran, auec le Capitaine Auoindaorty au mois d'Octobre, et nous embarquasmes sur la mer douce dans vn petit Canot, moy cinquiesme, et prismes la route du costé du Nord, oîi, après auoir long temps nauigé et aduancé dans la mer, nous nous arrestasmes et prismes terre dans vne Isle commode pour la pesche, et y cabanasmes proche de plusieurs mesnages qui s'y estoient desia accommodez pour le 2 53 mes- 1| me suiet de la pesche. Dés le soir de nostre arriuée, on iist festin de deux grands poissons, qui nous auoient esté donnez par vn des amis de nostre Saunage, en passant deuantTIsle où il peschoit : car la cpustume est entr'eux, que les amis se visitans les vns les autres au temps de la pesche, de se faire des presens mutuels de quelques poissons. Nostre Cabane estant dressée à l'Algoumequine, chacun y choisit sa place, aux quatre coins estoient les quatre principaux, et les autres en suite, arrangez, les vns ioignans les autres, assez pressez. On m'auoit donné vn coin dés le commencement ; mais au mois de Nouembre, qu'il commence à faire vn peu de froid, ic
me mis plus au milieu, pour pouuoir participer à la chaleur des deux feux que nous auions, et ceday mon coin à vn autre. Tous les soirs on portoit les rets enuiron demye-lieuë, ou vne lieuë auant dans le Lac, et le matin à la poincte du iour on les alloit leuer, et rapportoit-on tousiours quantité de bons gros poissons; comme Assihendos, Truites, Esturgeons, et autres qu*ils esuentroient , et leur ouuroient le ventre comme l'on faict aux Moluës, puis les estendoient sur des rat- teliers de perches dressez exprez, 254 pour les faire seicher au Soleil : que si le temps incommode, et les pluyes empeschent et nuysent à la seicheresse de la viaiide ou du poisson, on les faict boucaner à la fumée sur des clayes ou sur des perches, puis on serre le tout dans des tonneaux, de peur des chiens et des souris, et cela leur sert pour festiner, et pour donner goust à leur potage, principalement en temps d'hyuer.
Quelques foison reseruoit des plus gros et gras Assihendos, qu'ils faisoient fort bouillir et consommer en de grandes chaudières pour en tirer Thuile, qu'ils amassoient auec vne cueillier par-dessus le bouillon, et la serroient en des bouteilles qui ressembloient à nos calbasses : cette huile est aussi douce et agréable que beurre fraiz, aussi est-elle tirée d'vn tres-bon poisson, qui est incogneu aux Canadiens, et encore plus icy. Quand la pesche est bonne, et qu'il y a nombre de Cabanes, on ne voit que festins et banquets mutuels et réciproques, qu'ils se font les vns aux autres, et se resioûissent de fort-bonne grâce par ensemble, sans dissolution. Les festins qui se font dans les villages et les bourgs sont par-fois bons;
255 mais ceux qui \\ se font à la pesche et à la chasse sont les meilleirs de tous.
Ils prennent sur tout garde de ne ietter aucune arreste de poissson dans le feu, et y en ayant ietté ils m*en tancèrent fort, et les en retirèrent promptement, disans que ie ne faisoîs pas bien, et que ie serois cause qu'ils ne prendroient plus rien ; pour ce qu'il y auoit de certains esprits, ou les esprits des poissons mesmes, desquels on brusloit les os, qui aduertiroient les autres poissons de ne se pas laisser prendre, puis qu'on brusloit leurs os. Ils ont la mesme superstition à la chasse du Cerf, de TEslan, et des autres animaux^ croyans que s^il en tomboit de la graisse dans le feu, ou que quelques os y fussent iettez, qu'ils n'en pourroiént plus prendre. Les Canadiens ont aussi cette coustume de tuer tous les Eslans qu'ils peuuent attraper à la chasse, craignans qu'en en espargnant ou en hissant aller quelqu^vn, il n'allast aduertir les autres de fuyr et se cacher au loin, et ainsi en laissent par-fois pourrir et gaster sur la terre, quand ils en ont desia assez pour leur prouision, qui leur feroient bon besoin en autre temps, pour les grandes
2 56 disettes qu'ils souffrent souuent , particu- 1| lierement quand les neiges sont basses auquel temps ils ne peuuent, que très-difficilement, attraper la beste, et encore en danger d'en estre enfoncé.
Vn iour, comme ie pensois brusler au feu le poil d'vn Escureux, qu'vn Saunage m'auoit donné, ils ne le voulurent point souffrir, et me l'enuoyerent brubler dehors, à cause des rets qui estoient pour lors dans la Cabane : disans qu'autrement elles le diroient aux poissons. le leur dis que les rets ne
voyoîent goutte ; îJsmerespondirentque si, etmesme qu'elles entendoient et mangeoient. Donne-leur donc de ta Sagamité, leur dis-je. Vn autre me répliqua : Ce sont les poissons qui leur donnant à manger, et non point nous. le tançay vne fois les enfans de la Cabane, pour quelques vilains et impertinents discours qu'ils tenoient : il arriua que le lendemain matin ils prindrent fort peu de poisson, ils Tattribuerent à cette réprimandé qui auoit esté rapportée par les rets aux poissons.
Vn soir, que nous discourions des animaux du pays , voulans leur faire entendre que nous auions en France des lapins et levraux , qu'ils appellent Quieutonmallsia ^ ||ie leur en fis voir la figure par le 257 moyen de mes doigts, en la clairté du feu qui en faisoit donner Tombrage contre la Cabane : d'auenture et par hazard on prit le lendemain matin, du poisson beaucoup plus qu'à l'ordinaire, ils creurent que ces figures en auoient esté la cause, tant ils sont simples, me priant au reste de prendre courage, et d*en faire tous les soirs de mesme, et de leur apprendre, ce que ie ne voulus point faire, pour n'estre cause de cette superstition, et pour n'adhérer à leur folie.
En chacune des Cabanes de la Pesche, il y a ordinairement vn Prédicateur de poisson, qui a accoustumé de faire vn sermon aux poissons, s'ils sont habiles gens ils sont fort recherchez, pource qu'ils croyent que les exhortations d'vn habile homme ont vn grand pouuoir d'attirer les poissons dans leurs rets. Celuy que nous auions s'estimoit vn des premiers , aussi le faisoit-il beau voir se démener, et de la langue et des mams quand il preschoit, comme il
fatacùt tous les iours après souper, après auoir imposé silence, et faict ranger vn chacun en sa place, couché
a 58 de leur long sur le dos, et le ventre || en haut comme luy. Son Thème estoit : Que les Hurons ne bruslent point les os des poissons, puis il poursuyuoit en suite auec des affections non*pareilles , exhortoit les pois sons, les coniuroit, les inuitoit et les supplioit de Tenir, de se laisser prendre, et d*auoir bon courage ^ et de ne rien craindre, puis que c*estoit pour seniir à de leurs amis, qui les honorent, et ne bruslent point leurs os. Il en fit aussi vn particulier à mon intention, par le commandement du Capitaine, lequel me disoit après. Hé bien! mon Nepueu, voylà-il pas qui est bien ? Ouy, mon Oncle, à ce que tu dis, luy respondis-ie ; mais toy, et tous vous autres Hurons, auez bien peu de iugement, de penser que les poissons entendent et ont l'intelligence de vos sermons et de vos discours.
Pour auoir bonne pesche ils bruslent aussi parfois du petun, en prononçans de certains mots que ie n'entends pas. Ils en iettent aussi à mesme mtention dans l'eau à de certains esprits qu'ils croyent y présider, ou plustost à Tame de l'eau (car ils croyent que toute chose matérielle et insensible a vne ame qui entend) et la prient à leur manière accoustumée,
259 d'auoîr bon courage, et || faire en sorte qu'ils prennent bien du poisson.
Nous trouuasmes dans le ventre de plusieurs poissons, des ains faits d'vn morceau de bois, accommodez auec vn os qui seruoit de crochet, lié fort proprement auec de leur chanvre ; mais la corde trop foible pour tirer à bord de si gros poissons, auoit faict perdre
et la peine et les ains de ceux qui les auoient iettez en mer : car véritablement il y a dans cette mer douce des Esturgeons, Assihendos, Truites et Brochets si monstrueusement grands, qu'il ne s*en voit point ailleurs de plus gros, non plus que de plusieurs autres espèces de poissons qui nous sont icy incogneus. Et cela ne nous doit estre tiré en doute, puis que ce grand Lac, ou mer douce des Hurons, est estimé auoir trois ou quatre cens lieues de longueur, de l'Orient à l'Occident, et enuiron cinquante de large, contenant vne infinité d'Isles, ausquelles les Saunages cabanent quand ils vont à la pesche, ou en voyage aux autres Nations qui bordent cette mer douce. Nous iettasmes la sonde vers nostre bourg, as* sez proche de teiTe en vn cul-de-sac, et trouuasmes quarante-huict || brasses d'eau; mais il n'est pas d'vne 260 égale profondeur par tout : car il l'est plus en quelque lieu, et moins de beaucoup en d'autre.
Lors qu'il faisoit grand vent, nos Sauuages ne portoient point leurs, rets en l'eau, par ce qu'elle s'esleuoit et s*enfloit alors trop puissamment, et en temps d'vn vent médiocre, ils estoient encore tellement agitez, que c'estoit assez pour me faire admirer, et grandement louer Dieu que ces panures gens ne pe^ rissoient point, et sortoient auec de si petits Canots du milieu de tant d'ondes et de vagues furieuses, que ie conlemplois à dessein du haut d'vn rocher, oîi ie me retirois seul tous les iours , ou dans l'espaisseur de la forest pour dire mon Office, et faire mes prières en paix.
Cette Isle estoit assez abondante en gibier, Outardes, Canards, et autres oyseaux de riuiere : pour
des Escureux il y en auoit telle quantité, de Suisses, et autres communs, qu'ils endommageoient grandement la seicherie du poisson, bien qu'on taschast de les en chasser par la voix , le bruit des mains , et à coups de fiesches, et estans saouls ils ne faisoient que
261 ioûer et || courir les vns après les autres, soir et matin. Il y auoit aussi des Perdrix, vne desquelles s'en vint vn iojLir tout contre moy en vn coin où ie disois mon Office, et m'ayant regardé en face s'en retourna à petit pas comme elle estoit venue , faisant la roue comme vn petit coq d'Inde , et tournant continuellement la teste en arrière , me regardoit et contemploit doucement sans crainte, aussi ne voulus-ie point l'espouuenter ny mettre la main dessus , comme ie pouuois faire, et la laissay aller.
Vn mois et plus s'estant escoulé , et le grand poisson changeant de contrée, il fut question de trousser bagage, et retourner chacun en son village : vn matin que l'on pensoit partir, la mer se trouua fort haute , et les Sauuages timides n'osans se hazarder dessus, me vindrent trouucr, et me supplièrent de sortir de la Cabane pour voir la mer, et leur dire ce qu'il m'en sembloit, et ce qu'il estoit question de faire; pour ce que tous les Sauuages ensemble s'estoient résolus de faire en cela tout ce que ie leur dirois et conseilierois. l'auois desia veu la mer; mais pour les contenter il me fallut derechef sortir dehors , pour considérer s'il
162 y auoit péril de s'embarquer i| ou non. O bonté infinie de nostre Seigneur, il me semble que i'auois la foy au double que ie n'en ay pas icy ! le leur dis : Il est vray qu'il y a à présent grand danger sur mer ; mais que personne pourtant ne laisse de frétter ses Canots
et s'embarquer : car en peu de temps les vents cesseront, et la mer calmera : aussi-tost dit, aussi-tost faîct, ma voix se porte par toutes les Cabanes de risle, qu'il falloit s'embarquer, et que ie les auois asseurez de la bonace prochaine. Ce qui les fist tellement diligenter, qu'ils nous deuancerent tous, et fusmes les derniers à desmarer. A peine les Canots furent-ils en mer, que les vents cessèrent, et la mer calma comme vn plancher, iusques à nostre desembarquement et arriuée à nostre ville de Quieunonascaran.
Le soir que nous arriuasmes au port de cette ville, il estoit près de trois quarts d'heure de nuict, et faisoit fort obscur, c'est pourquoy mes Saunages y cabanerent : mais pour moy i'aimay mieux m'en aller seul au trauers des champs et des bois en nostre Cabane, qui en estoit à demye lieuë loin, pour y voir promptement mes Confrères, de la santé desquels Il les Saunages m'auoientfaict fort douter : maisie les 263 trouuay en très-bonne disposition. Dieu mercy, de quoy ie fus fort consolé, et eux au réciproque furent fort ayses de mon retour et de ma santé, et me firent festin de trois petites Citrouilles cuittes sous la cendre chaude , et d'vne bonne Sagamité , que ie mangeay dVn grand appétit , pour n^'auoir pris de toute la îournée qu'vn bien peu de bouillon fort clair, le matin auant partir.
De la santé et maladie des Saunages, et de leurs Médecins,
