Chapitre XX

ES anciens Egyptiens auoient accoustumé d'vser de vomitifs pour guérir les maladies du corps, et de sobriété pour se conseruer en santé : car ils tenoient pour maxime indubitable, que les maladies corporelles ne procedoient que d'vne trop grande abondance et superâuité d'humeurs, et par conséquent qu'il n'y auoit aucun 264 re- Il mede meilleur que le vomissement et la sobriété. Nos Saunages ont bien la dance et la sobriété, auec les vomitifs, qui leur sont vtiles à la conseruation de la santé; mais ils ont encore d'autres preseruatifs desquels ils vsent souuent : c'est à sçauoir, les estuues et sueries, par lesquelles ils s'allègent, et preuiennent les maladies : mais ce qui ayde encore grandement à leur santé, est la concorde qu'ils ont entr^eux, qu'ils n'ont point de procez, et le peu de soin qu'ils prennent pour acquérir les commoditez de cette vie, pour lesquelles nous nous tourmentons tant nous autres Cbrestiens, qui sommes iustement et à bon droict repris de nostre trop grande cupidité et insatiabilité d'en auoir, par leur vie douce, et la tranquilité de leur esprit.

Il n'y a neantmoins corps si bien composé, ny naturel si bien morigéné , qu'il ne vienne à la fin à se débiliter ou succomber par des diuers accidens aus-

quels l'homme est suiet. C'est pourquoy nos pauures Sauuages, pour remédier aux maladies ou blesseures qui leur peuuent arriuer, ont des Médecins et maistres des cérémonies , qu'ils appellent Oki , ausquels ils croyent || fort, pour autant qu'ils sont grands Magi- 265 ciens, grands Deuins et Inuocateurs de Diables : Ils leur seruent de Médecins et Chirurgiens , et portent tousiours auec eux vn plein sac d'herbes et de drogues pour medeciner les malades : ils ont aussi vn Apothicaire à la douzaine , qui les suit en queue auec ses drogues, et la Tortue qui sert à la chanterie, et ne sont point si simples qu'ils n'en sçachent bien faire accroire au menu peuple par leurs impostures, pour se mettre en crédit, et auoir meilleure part aux festins et aux présents.

S'il y a quelque malade dans vn village , on l'enuoye aussi tost quérir. Il faict des inuocations à son Démon, il souf&e la partie dolente, il y faict des incisions, en succe le mauuais sang, et faict tout le reste de ses inuentions, n'oubliant iamais, s'il le peut honnestement, d'ordonner tousiours des festins et récréations pour premier appareil , afin de participer luymesme à la feste, puis s'en retourne auec ses presens. S'il est question d'auoir nouuelle des choses absentes, après auoir interrogé son Démon, il rend des oracles; mais ordinairement douteux , et bien souuent faux , Il mais aussi quelques-fois véritables : car le Diable 266 parmy ses mensonges, leur dict quelque vérité.

Vn honneste Gentil-homme de nos amis, nommé le sieur du Vernet, qui a demeuré auec nous au pays des Hurons, nous dist vn iour, que comme il estoit dans la Cabane d'vne Sauuagesse vers le Brésil, qu'vn

Démon vint frapper trois grands coups sur la couuerture de la Cabane, et que la Sauuagesse qui cogneut que c'estoitson Démon, entra aussi-tost dans sa petite tour d*escorce, oîi elle auoit accoustumé de receuoir ses oracles^ et entendre les discours de ce malin esprit. Ce bon Gentil-homme preste Toreille, et esccute le Colloque, et entendit le Diable qui se plaignoit grandement à elle , qu'il estoit fort las et fatigué , et qu'il venoit de fort loin guérir des malades, et que l'amitié particulière qu'il auoit pour elle, l'auoit obligé de la venir voir ainsi lassé, puis pour l'aduertir qu'il y auoit trois Nauires François en mer qui arriueroient bien-tost, ce qui fut trouué véritable : car à trois ou quatre iours de là , les Nauires arriuerent , et après que la Sauuagesse l'eut remercié, et faict ses demandes, le Démon s'en retourna.

267 II Vn de nos François estant tombé malade en la Nation du Petun , ses compagnons qui s'en alloient à la Nation Neutre, le laissèrent là , en la garde d'vn Saunage, auquel ils dirent : Si cettuy nostre compagnon meurt, tu n'as qu'à le despoûiller de sa robbe, faire vne fosse, et l'enterrer dedans. Ce bon Saunage demeura tellement scandalisé du peu d'estat que ces François faisoient de leur compatriote, qu'il s'en plaignit par tout , disant qu'ils estoient des chiens , de laisser et abandoner ainsi leur compagnon malade, et de conseiller encore qu'on l'enterrast nud, s'il venoit à mourir. le ne feray iamais cette iniure à vn corps mort, bien qu'estranger, disoit-il; et me despoûillerois plustost de ma robbe pour le couurir, que de luy oster la sienne.

L'hoste de ce pauure garçon sçachant sa' maladie,

CCQEJ

espri %ù

ùt-

îe.

part aussîtost de Quieuindohain, d'où il êstoît, pour l'aller quérir, et assisté de ce Sauuage qui l'aucit en garde, l'apportèrent sur leur dos iusques dans sa Cabane, oh enfin il mourut, après auoir esté confessé par le Père loseph, et fut enterré en vn lieu particulier le plus honorablement, et auec le plus de cérémonies Il Ecclésiastiques qu'il nous fut possible, de- 268 quoy les Saunages restèrent fort édifiez, et assistèrent eux mesmes au conuoy avec nos François , qui s'y estoient trouués auec leurs armes. Les femmes et filles ne manquèrent pas non plus en leurs pleurs accoustumez, suyuant l'ordonnance du Capitaine, et du Médecin ou Magicien des malades, lequel neantmoins on ne souffrit point approcher de ce panure garçon pour faire ses inuentions et follies ordinaires : bien n'eust-on pas refusé quelque bon rémede naturel, s'il en eust eu de propre à la maladie.

Je me suis informé d'eux, des principales plantes et racines desquelles ils se seruent pour guérir leurs maladies; mais entre toutes les autres ils font estât de celle appele'e Oscar, qui faict merueille contre toutes sortes de playes, vlceres, et autres incommoditez. Ils en ont aussi d'autres très -venimeuses, qu'ils appellent Ondachiera, c'est pourquoy qu'il s'en faut donner garde, et ne se point bazarder d'y manger d'aucune sorte de racine, que Ton ne les cognoisse, et qu'on ne sçache leurs effects et leurs vertus, de peur des accidents inopinez.

Il Nous eusmes vn iour vne grande appréhension 269 d'vn François, qui pour en auoir mangé d'vne, deuint tout en vn instant grandement malade^ et pasle comme la mort, il fut neantmoins guery par des vo*

mitirs que les Sauuages luy firent aualler. Il nous arriua encore une autre seconde appréhension, qui se tourna par après en risée : ce fut que certains petits Sauuages ayansdes racines nommées Ooxraty qui ressemblent à vn petit naueau, ou à vne chastaigne pelée, qu'ils venoient d'arracher pour porter en leurs Cabanes : vn ieune garçon François qui demeuroit auec nous, leur en ayant demandé, et mangé vne ou deux, et trouué au commencement dVn goust assez agréable, il sentit peu après tant de douleur dans la bouche, comme d'vn feu tres-cuisant et picquant, auec grande quantité d'humeurs et de phlegmes qui luy distilloient continuellement de la bouche , qu'il en pensoit estre à mourir : et en effect , nous n'en sçauions que penser, ignorans la cause de cet accident, et craignions qu'il eust mangé de quelque racine venimeuse : mais en ayant communiqué, et demandé Taduis des Sauuages, ils se firent apporter le 270 reste des racines pour |1 voir que c'estoit, et les ayans veties et recogneûes, ils se prirent à rire, disans qu'il n'y auoit aucun danger ny crainte de mal; mais plustost du bien, n'estoient ces poignantes et par trop cuisantes douleurs de la bouche. Ils se seruent de ces racines pour purger les phlegmes et humiditez du cerueau des vieilles gens , et pour esclaircir la face : mais pour euiter ce cuisant mal, ils les font premièrement cuire sous les cendres chaudes, puis les mangent, sans en ressentir après aucune douleur, et cela leur fàict tous les biens du monde, et suis marry de n'en auoir apporté par-deçà, pour Testât que ie croy qu'on en eustfaict. Ondict aussi que nos Montagnais et Canadiens ont un arbre appelé Annedda, d'vne ad-

— rSç —

mirable vertu; ils pillent l'escorce et les feuilles de cet arbre, puis font bouillir le tout en eauë, etlaboiuent de deus iours l'vn, et mettent le marc sur les jambes enflées et malades, et s'en trouuent bien tost guéris, comme de toutes autres sortes de maladies intérieures et extérieures.

Pour se rendre plus souples et dispos à la course, et pour purger les mauuaises humeurs des parties enflées, nos Hurons || s'incisent. et decouppent le 271 gras des iambes, auec de petites pierres trenchantes, desquelles ils tirent enco e du sang de leurs bras, pour reioindre et coler leurs pippes ou petunoirs de terre rompus, qui est vne très-bonne inuention , et vn secret d'autant plus admirable, que les pièces recolées de ce sang sont après plus fortes qu'elles n'estoient auparavant. l'admirois aussi de les voir euxmesmes brusler par plaisir de la moelle de sureau sur leurs bras nuds, et l'y laissoient consommer et esteindre : de sorte que les playes, marques et cicatrices y demeuroient imprimées pour tousiours.

Quand quelqu'vn veut faire suerie, qui est le remède le plus propre et le plus commun qu'ils ayent, pour se conseruer en santé, preuenir les maladies, et leur coupper chemin, il appelle plusieurs de ses amis pour suer avec luy : car luy seul ne le pourroit pas aysement faire. Il font donc rougir quantité de cailloux dans vn grand feu, puis les en. retirent et mettent en vn mionceau au milieu de la Cabane , ou la part qu'ils désirent dresser leur suerie, (car estans par les champs en voyage, ils en vsent quelques-fois) puis dressent tout à || l'entour des bastons fichez en terre, 272 à la hauteur de la ceinture, et plus, repliez, par des-

— igo —

SUS, en fa^n d'vne table ronde, laissans entre les pierres et les bastons une espace suffisante pour contenir les hommes nuds qui doivent suer, les vns ioignans les autres, bien serrez et pressez tout à Tentour du monceau de pierres assis contre terre, et les genoûils esleucz au deuant de leur estomach : y estans on couure toute la suerie par dessus et à l'en* tour, auec de leurs grandes escorces, et des peaux en quantité : de sorte qu'il ne peut sortir aucune chaleur ny air de Testuue; et pour s'eschaufTer encore d'auantage, et s'exciter à suer, Pvn d'eux chante, et les autres disent et répètent continuellement avec force et véhémence (comme en leurs dances,) Het, het, het, et n'en pouuans plus de chaleur, ils se font donner vn peu d*air, en ostant quelque peau de dessus, et par-fois ils boiuent encore de grandes potées d'eau froide, et puis se font recouurir, et ayans sué suffisamment, ils sortent, et se vont ieter à l'eau, s'ils sont proches de quelque riuiere; sinon, ils se lauent d'eau froide , et puis festinent : car pendant qu'ils 273 suent, la chaudière est sur le feu, et pour||auoir bonne suerie, ils y bruslent par-fois du petun, comme en sacrifice et offrande ; i'ay veu quelques- vns de nos François en de ces sueries auec les Saunages, et m'estonnoîs comme ils la vouloient et pouuoient supporter, et que Thonnesteté ne gaignoit sur eux de s'en abstenir.

Il arriue aucunes-fois que le Médecin ordonne à quelqu'vn de leurs malades de sortir du bourg, et de s'aller cabaner dans les bois, ou en quelqu'autre lieu escarté, pour luy obseruer là, pendant la nuict, ses diaboliques inuentions , et ne sçay pour quel autre

suiet il le feroit, puis que pour l'ordinaire cela ne se practique point qu2 pour ceux qui sont entachez de maladie sale ou dangereuse, lesquels on contrainct seuls , et non les autres , de se séparer du commun iusques à entière guerison, qui est vne coustume et ordonnance louable et très-bonne, et qui mesme deuroit estre obseruée en tout pays.

A ce propos et pour confirmation, ie diray, que comme ie me promenois vn iour seul, dans les bois de la petite Nation des Quieunontateronons, i'apperceu vn peu de fumée, et désireux de voir que c'estoit, i'aduançay, et tiray celle part, où || ie trouuay vne 274 Cabane ronde, faicte en façon d'vne Tourelle ou Pyramide haute esleuée , ayant au faiste vn trou ou souspiral par oîi sortoit la fumée : non content, i'ouuris doucement la petite porte de la Cabane pour sçauoir ce qui estoit dedans, et trouuay vn homme seul estendu de son long auprès d'vn petit feu : ie m'informay de luy pourquoy il estoit ainsi séquestré du village, et de la cause qu'il se deliilloit; il me respondit, moitié en Huron et moitié en Algoumequin, que c'estoit pour vn mal qu'il avoit aux parties naturelles, qui le tourmentoit fort, et duquel il n'esperoit que la mort, et que pour de semblables maladies ils auoient accoustumé entr'eux, de séparer et esloigner du commun ceux qui en estoient attaincts, de peur de gaster les autres par la fréquentation , et neantmoins qu^on luy apportoit ses petites nécessitez et partie de ce qui luy faisoit besoin, ses parens et amis, ne pouuans pas d'auantage pour lors, à cause de leur pauureté. l'avois beaucoup de compassion pour luy; mais cela ne luy seruoit que d'vn peu de [diuertisse-

ment et de consolation en ce petit espace de temps que ie fus auprès de luy : car de luy donner quel-

275 II que nourriture ou rafraischissement, il estoit hors de mon pouuoir, puis que i'estois moy-mesme dans vne grande nécessité.

Le Truchement des Honqueronons me dist vn iour, que comme ils furent vn long temps pendant l'hyuer, sans auoir de quoy manger autre chose que du petun, et quelque escorce d'arbre, qu'il en deuint tellement foible et débile, qu'il en pensa estre au mourir, et que ses Saunages le voyans en cet estât, touchez et esmeus de compassion , luy demandèrent s'il vouloit qu'on Tacheuast, pour le deliurer des peines et langueurs qu'il souffroit, puis qu'aussi bien faudroit-il qu'il mourust misérablement par les champs, ne pouuant plus suyure les troupes : mais il fut d'aduis qu'il valoit mieux languir et espérer en nostre Seigneur, que de se précipiter à la mort, aussi auoit il raison : car à quelques iours de là Dieu permist qu'ils prindrent trois Ours qui les remirent tous sus pieds, et en leurs premières forces, après auoir esté quatorze ou quinze iours en ieusnes continuels.

Il ne faut pas s'estonner ou trouuer estrange qu'ils

276 ayent (touchez et esmeus || de compassion) présenté et offert de si bonne grâce la mort à ce Truchement ^ puis qu'ils ont cette coustume entr'eux (i'entends les Nations errantes, et non Sédentaires) de tuer et faire mourir leurs pères et mères , et plus proches parens desia trop vieux , et qui ne peuuent plus suyure les autres, pensans en cela leur rendre de bons seruices.

l'ay quelques-fois esté curieux d'entrer au lieu où l'on chantoit et souflBoit les malades, pour en voir

toutes les cérémonies; mais les Sauuages n'en estoient pas contens , et m'y souffraient auec peine , pour ce qu'ils ne veulent point estre veus en semblables actions : et pour cet effect, à mon aduis, ou pour autre suiet à moy incogneu , ils rendent aussi le lieu oîi cela se faict, le plus obscur et ténébreux qu'ils peuuent, et bouchent toutes les ouuertures qui peuuent donner quelque lumière d'en haut, et ne laissent entrer là dedans que ceux qui y sont nécessaires et appeliez. Pendant qu'on chante il y a des pierres qui rougissent au feu, lesquelles le Médecin empoigne et manie auec ses mains, puis masche des charbons ardans, faict du Diable deschaisné, et de ses mains ainsi Il eschauffées , frotte et souffle les parties malades du 277 patient, ou crache sur le mal de son charbon masché. Ils ont aussi entr'eux des obsédez ou malades de maladies de furies, ausquels il prendra J)ien enuie de faire dancer les femmes et filles toutes ensemble, auec l'ordonnance de Loki ; mais ce n'est pas tout : car luy et le Médecin, accompagnez de quelqu'autre, feront des singeries et des coniurations, et se tourneront tant qu'ils demeureront le plus souuenthorsd'eux-mesmes : puis il paroist tout furieux, les yeux estincelans et effroyables, quelques -fois debout, et quelques- fois assis, ainsi que la fantasie luy en prend : aussi-tost vne quinte luy reprendra , et fera tout du pis qu'il pourra , puis il se couche , où il s'endort quelque espace de temps , et se resueillant en sur-saut r'entre dans ses premières furies, renuerse, brise et iette tout ce qu'il rencontre en son chemin, auec du bruit, du dommage et des insolences non-pareilles : cette furie se passe par le sommeil qui luy reprend. Apres il

faict suerie auec quelqu'vn de ses amis qu'il y appelle^ d'où il arriue que quelques-vns de ces malades se

278 trouuent guéris, et c'est ce qui les en- 1| tretient dans l'estime de CCS diaboliques cérémonies. Car il est bien croyable que ces malades ne sont pas tellement endiablez qu'ils ne voyent bien le mal qu'ils font; mais c*est vne opinion qu'ils ont qu'il faut faire du démo niacle pour guérir les fantasies ou troubles de l'esprit, et par vne iuste permission diuine, il arriue le plus souuent qu'au lieu de guérir, ils tombent de fièvre en chaud mal, comme on dict, et que ce qui n'estoit auparauant qu'vne fantasie d'esprit , causée d'vne humeur hypocondre, ou d'vne opération de Tesprit malin, se conuertit en vne maladie corporelle auec celle de l'esprit, et c'est ce qui estoit en partie cause que nous estions souuent suppliez de la part des Maistres de la cérémonie, et de Messieurs du Conseil, de prier Dieu pour eux, et de leur enseigner quelque bon remède pour ses maladies , confessans ingenuëment que toutes leurs cérémonies, dances, chansons, festins et autres singeries, n'y seruoient du tout rien.

Il y a aussi des femmes qui entrent en ces furies, mais elles ne sont si insolentes que les hommes, qui sont d'ordinaire plus tempestatifs : elles marchent à

279 quatre || pieds comme bestes, et font mille grimasses et gestes de personnes insensées : ce que voyant le Ma* gicien, il commence à chanter, puis auec quelque mine la soufflera, luy ordonnant de certaines eauës à boire, et qu'aussi tost elle fasse vn festin, soit de chair ou de poisson qu'il faut trouuer, encore qu'il soit rare pour lors, neantmoins il est aussi tost faict.

Le cry faict, et le banquet finy, chacun s'en retourne en sa maison, iusques à vne autre fois qu'il la reuiendra voir, la soufflera, et chantera derechef, auec plusieurs autres à ce appeliez, et luy ordonnera encore de plus trois ou quatre festins tout de suite, et s'il luy vient en fantasie commandera des Mascarades, et qu'ainsi accommodez ils aillent chanter prés du lictde la malade, puis aillent courir par toute la ville pendant que le festin se prépare; et après leurs courses ils reuiennent pour le festin; mais souuent bien las et affamez.

Lors que tous les remèdes et inuentions ordinaires n'ont de rien seruy, et qu'il y a quantité de malades en vn bourg ou village, ou du moins que quelqu'vn des principaux d'entr'eux est détenu d'vne griesue maladie, ils tiennent conseil, || et ordonnent, Lonouoyroya 280 qui est l'inuention principale, et le moyen plus propre (à ce qu'ils disent) pour chasser les D:ables et malins esprits de leur ville ou village, qui leur causent, procurent et apportent toutes les maladies et infirmitez qu'ils endurent et souffrent au corps et en l'esprit. Le soir donc, les hommes commencent à casser, renuerser et bouluerser tout ce qu'ils rencontrent par les Cabanes , comme gens forcenez , iettent le feu et les tisons allumez par les rues : crient, hurlent, chantent et courent toute la nuict par les rues, et à l'entour des murailles ou palissades du bourg, sans se donner aucun relasche : après ils songent en leur esprit quelque chose qui leur vient premier en la fantasie (i'entends tous ceux et celles qui veulent estre de la feste), puis le matin venu ils vont de Cabane en Cabane, de feu en feu, et s'arrestent à chacun vn petit espace de

temps y chantans doucement (ces mots :) Vn tel m'a donné cecy, vn tel m'a donné cela , et telles et semblables paroles en la louange de ceux qui leur ont donné , et en beaucoup de mesnages on leur offre librement : qui vn cousteau , qui vn petunoir, qui vn

a8i chien, qui vne peau, vn canot, ou || autre chose, qu'ils prennent sans en faire autre semblant , iusques à ce qu'on vient à leur donner la chose qu'ils auoient songée, et celuy qui la reçoit fait alors vn cry en signe de joye, et s'encourt en grand' haste de la Cabane, et tous ceux du logis en luy congratulant, font vn long frappement de mains contre terre , auec cette exclamation ordinaire , hé é é é é , et ce présent est pour luy : mais pour les autres choses qu'il a eues, et qui ne sont point de songe, il les doit rendre après la feste, à ceux qui les luy ont baillées. Mais s'ils voyent qu'on ne leur donne rien ils se faschent, et prendra tel humeur à l'vn d'eux, qu'il sortira hors la porte, prendra vne pierre, et la mettra auprès de celuy ou celle qui ne luy aura rien donné, et sans dire mot s'en retournera chantant, qui est vne marque d'iniure, reproche et de mauuaise volonté.

Cette feste dure ordinairement trois iours entiers, et ceux qui pendant ce temps-là n'ont peu trouuer ce qu'ils auoient songé, s'en affligent, s'en estiment misérables, et croyent qu'ils mourront bien-tost. Il y a mesme des panures malades qui s'y font porter, sous

182 espérance d'y rencontrer || leur songe, et par conséquent leur santé et guerison.

Des deffuncts^ et comme ils pleurent et enscuelissent les morts.