MONSEIGNEVR FRANÇOYS DE GAOVT
SEIGNEVR DE SAVLT
HONNEVR ET FÉLICITÉ
Je ioue icy la guerre mémorable,
Qu'on jugeroit à peu pres veritable,
Des Roys de Bouys et de leurs bandes sainctes, Comment deux camps s’entredonnent attainctes : Dont blanches l'vn, l’autre ha rouges ses armes.
Muses, à coup, chantez leurs grandz allarmes, Car de ce jeu souuenir vous deués :
Veu qu'autresfois enseigné vous l’aués
En Italie au grand Cremonnois Vide,
Pour honorer vostre sœur Echequide.
© monseigneur de Sault, dont les merites
Sont trop plus grandz que le monde où habites, À qui doit-il estre ce jeu voué
Fors qu’à toy seul? Qui si bien l’as joué
LE IEV DES ESCHECZ.
Sur ton printemps, qu'il pleut et feit paroistre Ton grand esprit au roy Henry ton maistre.
Dont puis apres, quand tu fus plus meur d'aage, Tu monstras bien en l’Escossois passage,
Et en tout autre effort que tu as faict, Combien tu es guerrier preux et parfaict.
Si bien qu'en tous combas chascun estime Sault tres-vaillant, prudent et magnanime.
Or maintenant que Mars plus ne nous fasche, Au moins un peu prens repos et relasche, Pour daigner veoir l’honneste passe-teinps, Qu'’en ton hault nom descrire ie pretens.
Un iour estoit Jupiter allé voir
L'Étiopie et Memnon le Roy noir,
Ou de luy faire honneur, feste, et grand chere S’essaya fort l'Ocean son compere,
Qui conuié l’auoit au mariage,
Qu'il faisoit lors auec Terre la sage.
Là assistoient toutes les courts des Dieux,
Là retentir des sons melodieux
Eussiez oùy les maritimes places.
Doncques apres disner qu'on eust dit graces, Tcut resiouy se trouua Jupiter :
Et fit sur table vn Tablier apporter,
Painct par bel art et engin dedalique,
Qui conuenoit à ce jeu magnifique,
Car de tout quarre huit quarreaux il auoit, Fouges et blancs, que l'vn l’autre suiuoit :
Tant qu'ilz estoient en tout soixante-quatre Quarreaux esgaux propres lieux pour combatre. Puis appella Phebus aux cheueux longs,
Et le neueu d’Atlas, qu'aux courts talons Mais conceut par vn coup desruhé.
LE IEV DES ESCHECZ. 5
Ces deux estoient loing de leur temps courbé, Frais, jeunes, beaux, sans barbe, et en fleur d’aage. Mercure encor’ n'auoit onc eu l'vsage
De se sçauoir aux piedz vestir des alles, Encor’ n’auoit Phebus conduit les belles Roues du char du soleil par le ciel :
Ains d’vn carquois estoit riche et sans fiel,
À ces deux cy Jupiter donna charge
Se chamailler et de long et de large.
Lors Ocean commanda aux humides
Tritons marins, et nymphes nereides
Que disposer vinsent par les quarreaux
Ces Bouys ouurez, et les champions beaux, Rouges et blancz, et differens d’vsage,
Et de pouuoir d’habit et de corsage,
Gent roide et braue, au tour faicte et forgée.
Or est desia la brigade rengée,
Front contre front instruicte, et camp ouuert. Chacun pour soy ha choisy comme expert
Son rang ét lieu, pour dedans se tenir,
Et pour au choc aller et reuenir.
Les deux grands Roys premièrement sont mis Chacun au hault de deux camps ennemis, ,
L'un droit à l’autre à la derniere ligne,
Lans le quarreau quatriesme. Mais pour signe Qu’à chercher guerre vn Roy prompt ne doit estre, De six quarreaux ilz se sont voulus mettre
Loing l’vn de l’autre, et de là veoir qui bouge
Le rouge en blanc, et le blanc est en rouge : Ayant chacun pres soy sa Royne aymée,
L'un à main dexire, et l’autre à gauche armée. Et sont icy ces dames en leurs thrones
De front aussi comme deux amazones.
La blanche en blanc, la rouge en rouge est mise : Chacune tient le lieu de sa deuise.
Puis aux deux Roys et Roynes toutes deux
LE IEV DES ESCHEZC.
Sont çà et là leurs folz au costé d'eux.
Deux rouges Folz et deux blancz sont icy Pour resiouir et pour combatre aussy, N'aymant rien plus qu’eau beniste de court. - Deux Cheualiers apres vestus de court
Ha chacun host, auec crestes dorées, Pennaches grands, cazaques bigarrées,
Fortz et luisans, qui à l'assault s’apprestent. Puis les deux Rocz de chacun costé mettent Bornes au camp, comme grands platesformes.
Puis d’vn costé et d'autre vont conformes
A leur liurée huit gens de pieds qu'il fault Au premier reng, pour commencer l'assault.
Voyla comment sont les deux camps rengés L'vn contre l’autre, et bien encouragés.
Ne plus ne moins que quand la blanche croix Dessus la rouge aspire à donner loix :
Ou que la rouge auec vouloir contraire
Par le Piedmont veult la blanche deffaire.
Dont plus grand bien sera vn jour les voir D'vn bon accord bander tout leur pouuoir, Pour le gros chien chasser de leur maison.
Or estoit donc Phebus en oraison
Deuant les pieds de son pere : et le prie De luy donner la blanche fanterie.
De l'autre part le supplie Mercure
Du peuple rouge auoir le soing et cure.
Ce qu'il octroye. Alors ces deux regens Front contre front s’assirent diligens,
Et aiguisant à choquer tout leur cœur, Jupiter mist grand guerdon au vainqueur.
Les autres Dieux grandz et petis attens Tous à l’entour demeuroient, et contens Garder la loy qu'entre eux on desia mise :
LE IEV DES ESCHECZ.
Que nul par voix ne par signe n'aduise
Les deux vaillans combatans de leurs coups.
Puis ont donné loy géneralle à tous ; Les francez guerriers, qu’autrement bouger n'osent.
Premierement les deux Regens disposent L'vn aprez l’autre à marcher qui leur semble. Mais on ne peult enuoyer deux ensemble.
Les vns auant, les autres vont arrière :
Qui ca qui là frappe, puis prend quarriére.
Les autres n’ont nul regret de mourir, Pour leur bon Roy, ains pere. secourir.
Car qui vn coup ha vers vn lieu tiré,
De là ne doit estre auant retiré,
Que l’ennemy n'ait faict vn coup aussy.
Alors reult-il reculer sans soucy
(Fors de m’esprendre) ou fuir çà et là.
Mais bon soldat jamais ne recula.
Aussi ne font ces compaignons petis, Quand d’vn lieu sont (peu de perte) sortis.
Or le dessaing de tous eux est de faire Rendre le Roy de la bande contraire :
Ou pour le moins l'assaillir de si prez, Que sans mourir bouger ne puisse aprez, Et lors prend fin ce jeu plus qu'héroïque.
Mais si quelqu'vn des autres prend la picque Pour reuancher le Roy : garde son bien,.
Car en bataille on ne regarde rien :
Ains tant qu’on peult on tue, pour pouuoir Au Roy contraire oster vie et pouuoir.
Dont enraris de l’vne à l’autre bande
Sont tost les camps, pour l’occision grande.
L'yn faict defuncts, l’autre est esuertué Pour tel trespas : puis qui tue est tué.
Mais le vainqueur est attenu se rendre
Au lieu du mort : et là vn coup attendre De l’ennemy, s’il s'en vouloit venger.
LE IEV DES ESCHECZ.
Dont s'il eschappe, il peult tost desloger, Sans tant songer qu'on luy ferme la porte.
Or tous ces gens ne marchent d’yne sorte
Au fier combat, ne donnent mesme assault.
Car les soldatz droict auant font vn sault
Tant seulement pour chacun coup : hors mis Qu'’au premier coup deux saultz leur sont permis, Et quand de prez leur ennemvys attrappent,
Aux flancz tout coy, et de costé les frappent. Mais ces gros Rocz quand meuuent leurs combas, D'vn chacun bout, çà et là, haut et bas, [triers: Font maintz grandz maux comme horribles meur- Vray est qu'ilz vont tousiours par droicts sentiers : Non à costé: car les Folz larronneaux
Seulz vont courans à pointes de quarreaux
D'un bout en autre en grand haste et audace.
Mais qui d’entr'eux ha prins la blanche place, Ou rouge vn coup, changer plus ne la peult :
Là va le fol et court droict tant qu’il veult.
Le Cheualier auec sa teste haute
Ne court pas droict : ains à trauers sursaute, . Faisant en l’air contours comme vn croissant : Rue et hennit, frein n’ha assez puissant
Et doit bondir trois quarreaux quand il bouge, Du rouge au blanc, et du blanc saulte au rouge. Et peu souuent tient le pied ferme en terre.
La Royne aprez le plus fort de la guerre, Va çà et là, puis avant, puis arrière, Puis à costé, au fort droicte quarriere :
Non en contour comme le cheualier.
Rien ne pourroit cette dame plier, Marche partout où luy dit son courage :
Mais que nully ne ferme le passage.
Car ne peult-on en ce ieu surpasser,
