Var. : c discrutacion. > B^; « discucion. • G

LE JOUYENGEL.

c Quant au premier point je vous asseure que, se ainsi le faictes, tout ce que vous a dit nostre compaignon vous aviendra, c'est assavoir : mocquerie, perdicion de temps et de peine mal employée. S y pourrez bien despendre tout le vostre, avant que on vous y donne. Et par ce serez frustré de vostre intencion et vous en retournerez sans rien faire. Et, se ainsi est que y veuillez demourer de tous poins, je dy que vous estes mal conseillié et bien abusé. Car ce n'est pas vostre fait et n'estes pas honmie à cela.

c Et, pour vous desmouvoir, se aucune vouUenté en avez, vous vueil dire et touchier en présence aucunes des imperfections, doubtes et corrupcions qui se font à la court, et meismement des envyes, merencollies et desplaisirs qu'on y prent, et les causes pourquoy ; et lesquelles choses seront pour le premier point de ma proposition. Secondement ay entencion de dcclairer et magnifester les haultes vertus, les grans triumphes, la loyauté et le grant courage des gens de guerre, quant ilz sont bons, avecques les plaisirs, locnges, honneurs et bonne renommée qu'ilz acquièrent en exerçant les armes. Tiercement ay entencion de comparer l'un à l'autre, et de monstrer que l'un puet sans l'autre et non au contraire. Et, ces choses oyes, je croy * qu'il ne vous tendra ja d'y aller et que vous demourrés vouUentiers à vostre premier estât.

< Premièrement de dire au long les imperfections, doubtes et corrupcions de la court, pas ne le vueil entrepi^ndre ; car ung jour n'y sufBroit pas. Hais