Var. : t qui est entendu de pluralité. • B

7. Var. : « nud, très povre. » B. E. — - « mais très povre estoit. » Éd. Vérard.

quelz pourra venir le dessus dit traictié, qu'il leur plaise le recepvoir benignement et l'interpréter au sens meilleur. Requiers aussi pareillement à tous ceulx qui sieuvent de présent ou sont disposez de sieuvyr les armes et la guerre, que, s'ilz voient qu'il y ait aucune chose qui leur soit prouffi table, qu'ilz le vueillent prendre en gré ; et , s'il y a chose ennuyeuse et qui leur desplaise, vueillent supplier* aux faultes et pardonner à l'acteur.

Et, s'aucuns voulloient arguer que je vueil faire ^ de vieil bois nouvelle maison, pour ce que de longtemps ceulx qui ont escript les faiz des Rommains, les Gronicques de France et les autres batailles ^ du temps passé, ont mys suffisamment la manière en escript et la façon de soy gouverner à la guerre , par quoy ne seroit aucun besoing que j'en feisse mention, je respons à cest argument que qui ne cesseroit jamais de renouveller les sciences, si trouveroit-on tousjours quelque chose de nouveau ; respons en oultre que, de jour en jour et de plus en plus, croissent^ les engins des hommes et renouvellent les manières de faire; (car, ainsi que le temps se renouvelle, ainsi viennent les nouvelletez ;) et sont trouvés de présent plusieurs choses et engins subtilz, desquelz les autres n'avoient point d'usaige ne de congnoissance ^, par quoy me semble mon œuvre estre aucunement prouffitable. Et