Cest Végôce qui parle

56 LE JOUYENGEL.

ciel où mariniers prennent leur regart et qui les adressent. Aussi les signes doivent congnoistre qui demonstrent fortune de mer à venir prochaine, qui appeirent tant au soleil comme en la lune, es vens, es oyseaulx, et meismement es poissons. Soient tous maistres de gouverner leurs voilles, tirer cordes à point et lascher, ancrer et desancrer, si que le besoing est ; que mainteffoys se soient trouvez en batailles de mer, en divers perilz et aultres adventures. Item, faictes les pourveances devant, si qu'il appartient, à très bien armer nefz ou telz vaisseaulx, comme on a, fournyes de bonnes gens d*armes et de traicb. Dit que ceulx qui vont pour eulx combatre doivent estre mieulx et plus fort armez que ceulx qui sur terre se combatent; car ilz ne se meuvent mye tant. Si doivent mener de petiz vaisseaulx coursaires avant eulx, èsquelz doivent de toutes pars envoyer espies pour savoir de la convine des ennemiz. Et, quant de prez les viennent requerrc, adoncques les doit-on saluer de bonnes bombardes et pierres lancées de divers engins, de fortes arbalestes à tour. Et, les nefz approuchées^, les vaillans hommes d'armes qui en leurs vertuz se fient, joinctes les nefz ensemble, avalent les ponts et passent es nefs adversaires et là, à bonnes espées, haches et dagues, se combattent main à main. Et es greigneurs vaisseaulx de guerre fait-on à la foys tours et barbacanes, affin que, ainsi que on fait des haulx murs, on puisse getter contreval et navrer et occire. Si est cruelle chose telle bataille où les