TROISIÈME PARTIE

S^ensuit le prologue de la tierce et derrenière partie de ce présent livre ^ qui traicte de politique avec un g traicté de combatre pour querelle.

La seconde partie de ce présent livre terminée et expédiée, en laquelle est touché le gouvernement du Jouvencel en Testât moyen, nommé iconomique, reste la tierce et derrenière partie, en laquelle sera traictée le gouvernement du Jouvencel ou plus hault estât nommé politique, auquel il aura le régime et administracion^ de tout le royaume d'Amydoine. Et n'est pas de merveille se le dit Jouvencel est parvenu à icellui hault estât de politique, veu qu'il a eu si bon commencement et si bon moyen, comme il appert es deulx premiers livres qui touchent sa conduitte es deux premiers estas, c'est assavoir, monostique et yconomique. Car, selon le dit du phillosophe*, cellui qui a bon commencement d'aucune chose, a desja plus de la moitlié d'icelle, et, en quelque chose que ce soit, la meilleure et principalle partie est bon commencement. Par plus forte raison, cellui qui a bon commencement et bon moyen peut legièrement