DE HASPLER SEROIT SA MAISTRIE , OU DE SA VIE N’AVROIT CURE

Quant Nabons eut tous ces neuf vers leüs, Plus que devant fu en aïr meüs;

289 Lors garde aval, la quenouille a veüe,

Lin et fuseaus a par delés veüs :

Or peut filer, car bien est pourveüs;

292 Mais sa pance ert encore pourveüe.

Et la meschine au guichet est venue,

Qui dit lui a : « La sentence iert tenue : 295 Filés tantost, ou ne serés peüs. »

Nabons respont, qui d’angoisse tressue :

« Tés neantés n’iert ja en moi seüe,

298 Ne tés blasmes ne fu onques seüs En ceus de ma lignie. »

A iceus mos la femme s’en tourna.

Nabons s’assist, qui outre retourna,

302 Flamans d’anoi quant ne peut retourner; Mais grans famine en tel point l’atourna Que pour la honte en un coing se tourna 305 La comença sa chose a atourner; Nécessités lui aprist a tourner Si le fusel que bien seut aourner 308 Le sien filé, et si bien l’aourna

Que son vivre on ne lui peut destourner Mais ne vit nus si orgueil bestourner 3 1 1 Corne famine en lui le bestourna,

Car d’orgueil n’eut demie.

Cis chevaliers sancha son mautalent, Car famine lui en donoit talent,

315 Si qu’au filer grandement entendoit;

Et la femme l’en rendoit paiement,

Car a mangier lui donoit doucement.

318 Mais Meleans d’angoisse s’estendoit,

Qui en Bretaigne en cel point l’atendoit, Pour Margon qui a Dieu grâces rendoit 321 De sa rose, qui se tenoit en joing;

Et quant cil vit ou la chose tendoit,

De chevauchier roidement n’atendoit ; 324 Car il dit que ses chevaus n’ira loing S’iert la rose sechie.

Li chevaliers adreça son cheval Droit au chastel de la dame leal;

328 Tant pourchaça qu’il fu bien hostelés;

A son hoste se fist home leal :

« Hoste, » dist il, « un peu vous ferai mal, 331 Car il faut que au chastel me menés A vo dame, de cüi terre tenés;

Pour la trouver me sui forment penés. »

334 Dont firent tant qu’il vindrent au portai : Uns escuiers qui estoit tous sénés Lour dist : « Seignour, un peu seoir venés; 337 Car ma dame vendra tantost aval Qu’ele iert apareillie. »

La bone dame assés tost descendi,

Qui son salu a Melean rendi.

341 « Dame, » dist il, « au roi sui de Bretaigne. »

Et la dame, sachiés, plus n’atendi,

Au chevalier ainçois la main tendi,

344 Et si lui dist : « Ci avés bone ensaigne;

Car li lieus est tous siens, se tant l’adaigne,

Et a sa gent; nus ja ne s’en restraigne.

347 Preus est li rois quant sa grâce estendi Au bon Margon que il sentoit estraigne.

Or doinst Dieus que nus n’ait sour lui engaigne, 350 Car cil par foi au bon saint se rendi Qui jamais ne varie. »

« Dame, » dist il, « vous estes moût courtoise Nature vous forma de noble espoise,

354 Quant ce ofrés au roi et a sa gent.

Margon conois, car en court les fais poise : Juges il est, a chascun rent sa toise;

357 Ne se brise pour or ne pour argent.

Chascuns l’aime, tant son parler a gent ;

De chevaliers en court a plus de cent 360 Qui dient bien qu’avra terre a duchoise. »

La dame a dit : « S’il est de tel assent Et par son sens si haut honour atent,

363 Bien le sachiés, de rien il ne m’en poise,

Car plus serai proisie. »

Grandement fu Meleans festoiés,

Pour le seignour de cui s’ertavoiés; 367 Et il aussi savoit bien festoier;

Mais en la fin il fu tous desvoiés,

Car le venin qui estoit estoiés 370 Dedens son cueur n’osoit hors destoier; Et nonpourquant ne fist fors tastoier Cornent pourrait la dame desvoier.

Car n’est femme tant soit forte a ploier 376 (Que sans proier est bien hom aploiés) En fin ne soit ploie. »

Et quant ce vint, sachiés, au fort estraindre,

A la dame s’en vint tendrement plaindre :

380 « Dame, » dist il, « je meur pour vostre amour.

De jour en jour je ne fais fors estaindre;

Ma grant doulour je ne puis plus estraindre.

383 Pour Dieu vous pri que oués ma clamour;

Mais vo beautés si m’est de tel savour,

Corne deesse esteut que vous aour ;

386 Or me veuilliés de vostre amour ataindre. »

« Sire, » dist el, « vous perdés vo labour ;

Car se saviés tout ce que je savour,

389 Aillours iriés vo maladie feindre :

N’en iere conchiie. »

« Dame, » dist il, « ne vous veuil conchiier; Ainçois me veuil a vostre amour Hier 393 Sans ja nul jour a fainderie tendre;

Et si veuil si mon cors adeliier Et mon cueur si vers vous humiliier 396 Que n’i puissiés nule fausseté prendre. »

La dame a lui ne se vout plus defendre,

Puis qu’a raison ne se vouloit descendre,

399 Si dist : « Sire, ne vous esteut proier;

De vostre amour vous veuil guerredon rendre ; Mais pour ma gent me convendra atendre.

402 En nostre tour vous ferai convoier :

La ne serai gaitie. »

La chamberiere adonc tant se pena Que Melean dedens la tour mena,

406 Et après lui a fait l’uis refermer ;

Et Meleans a tous lés remira,

Voit Nabon qui les trais des fis tira, 409 N’onques pour lui ne laissa le tirer; Adonques prist de deuil a souspirer, Et dist : « Nabon, trop me faites irer. 412 Mal de celui qui si vous atira! »

« Sire, » dist il, « ci vous poués mirer Pour bien haspler or de vous atirer, 415 Ou vo besoigne a tel meschief ira Qu’i meterés la vie. »

« Melean, » dist Nabons, « or escoutés : Vo grant orgueil je lo que jus metés,

419 Et aprenés belement a filer. »

« Nabon, » dist il, « ne sui pas si menés De mon viaire ainçois oster mon nés 422 Verrès vous tout et mes membres couper. » « Sire, » dist il, « j’ai bien veü vo per, Que de son dit je vi puis acouper.

425 Lisés ces vers, qui si fier vous tenés. »

« Leüs les ai, » dist il : « ja pour souper A tel mestier ne me veuil occuper 428 Que je fusse de tel vilté retés :

Ce seroit desverie. »

Dementiers qu'il firent lour parlement,

La meschine s'en vint tout belement 432 A la treille, si dist : « Sire Nabon,

Il vous convient filer apertement,

Et Melean haspler legierement,

43 5 Et vous avrés a mangier bon lardon :

Filer faut a la toile que faison

Pour envoier linges au preu Margon. »

438 Meleans l’ot, a peu d'ire ne fent :

« J'aim mieus, » dist il, « si ja aie pardon, Mon cors on ardëen un feu de charbon.

441 Trop somes ore atourné laidement Et par lour sorcerie. »

Quant Meleans la meschine entendi,

A peu ses cueurs de despit ne fendi.

445 « Cornent ! » dist il, « nous veut on si muer

Pour celui que a honir je tendi,

Qui nos pourfis vers le roi alenti ?

548 Or nous veut on ses dras faire filer!

C’est trop pis que nous faire aus piés piler. Mais ainçois le ferai tel atirer 45 1 Qu’onques loier si cruel ne rendi Corne fera. Or de l’assavourer !

Son cors ferai par pièces deschirer.

454 Cuide il pour tant se je m’i assenti Avoir ma seignourie ? »

Deus jours entiers Meleans jeûna; Adonc famine entour lui s’aüna,

Qui de haspler doucement lui prioit.

Tout mal gré lui en fin s’i adona, Car famine si grant coup lui dona Que le mangier a haute vois crioit.

De ce Nabons secrètement rioit, Quant famine si fort le maistrioit ;

« Car aïrés ert quant se detrioit; Nabon aussi a filer aigrioit,

Car qui plus fait, ce dit, plus grant don Au faintifla boulie. »

Paisiblement firent lour labourage Li chevalier qui furent si ramage.

47 1 Mais Margons fu grandement en esmai

Pour sa moullier, dont n’avoit nul message Adonc dist il en son secret courage 474 Que ja estoit passés li jours de mai

Que cil deurent avoir mené lour glai.

Et si trouvoit en bon point son essai.

477 « Bon seroit que feïsse mon voiage

Vers ma moullier; car trop je foliai Quant tel afaire a li consenti ai.

480 Or est cil fous qui son bon mariage D’essai nul contralie. »

Margons tantost sourson cheval monta;

Au chevauchier grandement s’arouta 484 Tant qu’a un soir jut lés une fontaine.

De sa moullier grandement se douta,

Car jalousie en ce point le bouta 487 Qu’ele avec ces chevaliers joie maine.

Adonc se plaint, adonc grant deuil demaine, Car de confort n’a ne voie ne vaine;

490 Mais pas ne seut adonc qui l’escouta :

Troi chevalier Fouirent, qui grant paine Ont du taisir pour sa plainte vilaine ;

493 Mais quant jours fu, que chascuns veü a, Margons Fist chiere lie.

Li chevalier erent du Franc Palais,

Qui de Margon voussissent bien la pais ;

497 Je meïsmes très bien les conoissoie :

Lionel vi, des autres je me tais.

« Sire, » dist il, « aidiés me de mon fais. »

500 Lors lui conte cornent il lui estoit,

Et Lioneaus forment le confortoit :

« Margon, » dist il, « cornent que grief vous soit, 503 En desespoir ne vous metés jamais :

Vo rose est fresche, et chascuns bien le voit; Seche ele fust se rien mesfait avoit 506 Vostre moullier ou n’avés point de pais,

Mais c’est par jalousie. »

Quant Margons fu du tout réconfortés,

Les chevaliers a puis tant enortés 510 Qu’a son chastel sont au soir descendu.

La fu adonc mains tortis aportés.

De Lisane fu ses maus déportés 513 Quant de Margon a le son entendu;

A lui s’en vint tantost bras estendu :

« Sire, » dist ele, « après vous ai tendu,

5 16 Car mes cueurs est forment desconfortés

Vers vous, pour que mon cors avés vendu A ceus qui ont a l’avoir entendu ;

519 Et quant ainsi envers moi vous portés,

J’en sui moût courroucie. »

« Seur, » dist Margons, « ce sachiés, moût m’en poise, Mais dites moi comment li fais apoise. »

523 « Sire, » dist el, « vous le vendrés veoir. »

Les chevaliers a pris corne courtoise,

Et son mari, qui a l’aler s’atoise,

526 Jusqu’à la tour, mieus ne peuent cheoir,

Ou il virent les chevaliers seoir :

Ne sai s’a tous pouoit li fais seoir,

529 Car Meleans hasploit a longue toise,

Et du filer fist Nabons son devoir.

« Seignour, » dist Lioneaus, « sachiés de voir,

532 Fous est cil qui dame de bone espoise Pourchace vilenie. »

Lionêaus dist, qui moût le cors a gent :

« Par foi, je croi qu’en cest païs n’a gent 53 6 Qu’aient veü, non cil qui par mer nagent, Chevalier nul qui filast pour argent.

Or en voi un filer de dous attent. »

539 Donc dist la dame : « Or veuil bien que jus macent Cestui mestier, puis au vouloir se macent De mon seignour, et plus tés tours ne facent ;

542 Car des femmes en ce païs a cent

Qui d’estrangler a lour mains les menacent.

Pour ce le di que bien veuil qu’il le sachent ;

545 Car a home moût grans honte s’apent Qui a tel fait s’alie. »

Margons ce fait tantost lour pardona, Et d’aler en bon congié lour dona ; 549 - Et si firent : puis ne furent veü.

Et l’endemain au chemin s’atourna, * Et sa moullier aveques lui mena.

552 Liés fu li rois quant le fait a seü :

De tous les biens que cil eurent eü En a Margon fievé et pourveü ;

555 Et d’un chastel Lisane feoda La roïne, car trop lui a pleü Qu’ainsi sont li traïtour deceü.

558 Ceste matière en lai Paustons mua, Qu’ele ne fust perie.