DE LE QUATRO COMARE

Lour migié lour pan blan, lour rafla lour muguet; Tou lou meillou parti son pe le ze'trangére,

Lo mondo eit entêta qu’elle son ménagère;

L’on aura biau prechierque faut se chateni,

Si dure coma iquien, porrat-on le teni !

Guia mei de la méta qu'enragirion san mordre, Et din le famillie, tôt serat en désordre.

FRANQUETA

Per mi, je vo zu diot, sarat ce que sarat,

J’amarin mei garda dou plin panié de rat,

Que d’avei lo prifat de veillé la conduita De la moindra filli qu’a tan se pou de suita : Combian en a t’on veu qu’on ne quittave pa,

Et que, maugré celei, se son laissa trompa L’yasovindin lo jourquoqueméchen quartd’heura.

PISSISEN

Faut s’écarta du flot si l’on craint la bruleura ; Quan on a de fillie, faut le tenir de cour,

Et ne faut pas soffri de tro longue zamour;

Din le comencimin lou meino le careisson ;

Mais lo rat lou prin to, lou zinconstan le leisson. J’en connaisso que font le sainte mitouclie,

Que le volon choisi joëne, jouillie, riche,

Que siéson de bon sen, vertuose, bien faite,

Pe tôt dire, en un mot, u le volon parfaite.

JA PPETA

Porri lou zariva coma à Patagolliat,

Que n’en trovave point per leu d’assé joulliat.

JAQUETI

Et qu’a prei per qui lei un visageo de platro,

Una giena san dent, un fatrat, un emplâtro. Remarqua que celou que fon lou dificilou, N’aménon per ici que de groin mau-graciou,

Que grosse maupatei que fon tojour la boba,

Que semblon de fagot véti din una roba,

De pollallie empiagé, de vache, de cabat,

Plu pingue qu’un lutin, plu neire qu’un corbat, Qu’on soven jusqu’u eu mei de dou deigt de crota Pe cachié tôt iquien u l’on plu grossa dota.

FALIBEN

Contra le zétrangiére éte-vo si facha ï Cele poure fene, que vo zont-eillie fa ?

Si gnia de malbati, gnia pro de graciouse,

Que ne son coquete, gromande ni glouriouse ;

J’en savon bien avoué que son bona raison,

Et qu’on veit raramen sorti de lour maison .

FRANQUETA

Regarda la Fleuria, n’eit-ei pas biar> aimablaf N’ei-vo din la villa que li siet comparabla ?

Depeu qui l’eit maria, la veye-vo changea J Son air eit enchanta, sa marchi dégagea ;

Son cor eit fat u tour, la nei n’eit pas plu blanchi Le Liaude, le Babet ne l’i von qu’à la manchi ; Vo n’en trovari point de si bella que lei :

Sou zieu son plu brillan qu’eitéla ni solei ;

Dessu son tein uni, le grâce officiouse Deblousson jour et not, et de lis et de rouse ;