Reaeter

f^ô L'^Internelle

que vous. Car je confesse vrayement que j'ay acoustumé d'y estre trop fort distrait et vague ; car bien souvent là où je suys corporellement je ne suys pas espirituellement , c'est assavoir de cueur et de pensée , mais suys aultre part où ma pensée me porte, et elle est souvent là où est ce que j'ayme et désire, et où est mon affection. Tantost me vient au devant ce qui me plaist naturellement, ou ce en quoy j'ay acoustumé de prendre ma plaisance.

Et pource, Sire, qui estes vérité et ne povez mentir, dictes véritablement que le cueur de l'homme si est là où est son trésor, c'est à dire son amour et son affection. Se j'ayme le ciel et choses divines, je pense voulentiers et parle des choses celestielles et espirituelles ; se j'ayme le monde, je parle du monde et m'esjouys de la félicité du monde, et me contriste et courrouce de l'adversité d'icelluy. Se j'ayme la chair, je ymagine et demande choses plaisantes à la chair; se j'ayme l'esperit, je me delicte et prens plaisir aux choses de l'esperit; car quelconque chose que j'ayme, je prens plaisir à en parler et ouyr parler, et porter voulentiers en mon cueur ymaginacions et pensées de telles choses. Mais bien heureux est celluy homme qui pour l'amour de vous. Sire, à toutes créatures a donné licence et congié de son cueur, c'est à dire a bouté hors les affections, et qui fait force et violence à sa nature, et par ferveur d'esperit et amour à vous crucifie toutes les concupiscences charnelles, à ce qu'il vous puisse offrir et faire pures et nettes oraysons de

cueur et de conscience paisible et pacifiée. Tel est digne d'estre avec les angelz, toutes affections et plaisances mondaines et terriennes hors myses et boutées.

Du désir de la vie pardurahle, et que grans biens

sont promys à ceulx qui bien contre

VEnnemy se combatent.

XXXXVIIIP Chapitre.

eau filz, quant tu sens le saint désir de la vie pardurable estre respandu en toy, c'est assavoir en ton cueur, et tu vouldroys bien yssir hors, c'est à dire ton arae, du tabernacle de ton corps pour contempler et savourer mieulx ceste beaulté et clarté, sans l'ombre de ceste vicissitude et variacion que tu seuffres maintenant, dilate fort ton cueur et ton désir, c'est à dire tien-toy le plus que tu pourras en cest estât, et te enflamme et embrase eu ceste amour en boutant et chassant hors de toy toutes cures et plaisances exteriores. Et de tout ton désir et amour arrose ceste saincte inspiracion, et la reçoys humblement en rendant grâces à Dieu , et mercy à sa bonté divine qui la t'a donnée, et par dignacion et miséricorde tout ce a fait, et piteusement et par sa debonnaireté te visite, ardamment te excite, puissamment te subliève , à ce que par ta propre fragilité et par ta pesanteur ne tombes et descendes en ces terriennetez , c'est à dire affec-

178 L'Internelle

tions terriennes. Car ce ne vient pas par ta force ou de ton industrie , mais par la seulle bonté et dignacion de la grâce de Dieu et du divin regard, afiBn que tu profEtes plusfort en vertus et en humilité, et que tu te appareilles aux assaulx qui te viendront après , et que tu te deffendes et résistes mieulx, quant tu auras ung peu gousté et assavouré le louyer et retribucion que tu en attcns, et afBn aussi que plus fervamment tu te joingnes à moy de tout le désir de ton cueur, et plus ardamment et diligemment tu te estudies à me servir.

Beau filz , ainsi comme le feu si ' art , et toutesfoyz la flambe ne monte pas en hault sans fumée , pareillement les aulcuns ont bons désirs et fervens ou enflammez , et toutesfoyz ne sont-ilz pas seurs, et délivrez des temptacions des affections charnelles et terriennes. Et de tous pointz ce qu'ilz font ne font pas purement pour l'amour de Dieu, laquelle chose toutesfoyz ilz désirent et requièrent et demandent. Tel est ton désir, lequel souvent tu te plains estre si importun : car ce n'est pas pur ne parfait désir, qui est ordoyé de propre utilité.

Et pource prie et demande non pas ce qui t'est à plaisir et proffi table, mais ce qui m'est aggreable et à mon honneur; car se tu juges bien et à droit, tu doibs préférer mon ordonnance à ton désir, ou à ce que tu desires, et la doys ensuyr et y concorder ta voulenté. Je sçay bien et congnoys ton désir, et