I. Seurement. Éd

pource, moy meschant, combatz contre moy-mesmes, et suys fait griefet desplaisant à moy-mesmes, en tant que l'esperit désire estre sus et la chair le trait à terre.

0 comme je seuffre dedens, car du cueur je vueil penser aux choses divines, et tantost à mon orayson se oppose et \ient au devant la cure et soing des charnelles! 0 mon Dieu, mon Seigneur, ne vous esloignez pas de moy, ne vous départez pas de vostre serf en ire. Mais dissipez les * en fulgures et corruscacions, c'est à dire espoventez par vostre puissance rnes ennemys et les destournez de moy. Envoyez voz sajettes , affin que toutes les fantasies de l'Ennemy soyent destourbées, c'est à dire faictesmoy entendre tellement les parolles sainctes de vostre Escripture et de voz commandemens , que je puysse ses * fantasies et evagacions de cueur surmonter ; recoligez, c'est à dire donnez-moy grâce de me recoliger et oster mes sens des affections terriennes, que je puisse oublier toutes choses mondaines. Donnez-moy grâce que je puisse tantost regicter' et mespriser les fantasies des vices. Secourez-moy, pardurable Vérité, tellement que en moy ne soit point demeuré de vanité. Venez, 0 céleste Suavité, et se départe et fuye toute impurité ; et me pardonnez , Sire, certainement et piteusement toutes les foyz que je penseray en orayson aultre chose