Brisé

CONSOLACION. II. l85

prouffitaWe que confusion et honte aient couvert ma face, à ce que je retourne plustost à vous pour avoir consolacion et confort que aux hommes. Certainement, Sire, j'ay par ce apprins à doubter et craindre vostre jugement occult et inscrutable, qui affligez et pugnissez aussi bien le juste comme le pécheur, mais non pas sans grant équité et justice.

A vous rendz grâces et mercyz. Sire , que vous ne m'avez pas espargné en mes péchez et maulx, mais m'avez corrigé et pugny par amères bateures, en me donnant douleurs et m'envoyant angoisses et dehors et dedens, c'est à dire en corps et en ame. Il n'est qui me puisse consoler ou reconforter de toutes les choses qui sont soubz le ciel fors vous. Sire, mon Dieu et mon Seigneur, celeste medicin des âmes qui navrez et guarissez*, amenez près d'Enfer, c'est à dire humiliez au plus bas, et relevez. Vostre discipline, c'est à dire vostre correction est sur moy, et vostre verge, c'est à dire vostre bateure, m'a enseigné.

Veez-cy mon ame. Père et Créateur; je suys en voz mains; je m'encline soubz la verge de vostre correction ; battez et frappez sur dos et sur teste, et quelque part qu'il vous plaira, à ce que je puisse redresser ma tortuosité à vostre plaisir et voulenté. Faictes-moy vostre doulx et humble disciple ainsi que bien sçavez et avez acoustumé de faire , affin que je chemine, c'est à dire que je vive, selon vostre plaisir. A vous, Sire, je me recommande à cor-