I. Guarissez les âmes nées p^ès d'Enfer, etc. Édit. i5oo

i86 L'Inteknelib

riger, et tout quant que j'ay ; car il vault mieulx estre corrigé en ceste vie que estre pugny en l'autre. Voussçavez, Sire, tout, et en commun et en particulier, et rien n'est en la conscience de l'homme qui peult estre mucié ou caché de vous. Vous sçavez qui est à advenir devant qu'il soit fait , et il ne vous est point besoing ou mestier qu'on vous enseigne rien, ou qu'on vous faice souvenir des choses qui sont faictes en terre. Vous sçavez ce qui m'est expédient et prouffitable, et combien m'est besoing de tribulacion pour oster et purger l'ordure de mes péchez. Faictes à moy et de moy selon vostre plaisir et désir, et n'ayez pas en despit ma vie orde et paresseuse, qui n'est à quelque autre mieulx congneue ou sceue que à vous seul.

Donnez-moi, Sire, sçavoir ce que me fault sçavoir, aymer ce qui est à aymer, loer ce qu'il • vous plaist souverainement, et aprecier ce qui vous est précieux , et mespriser et blasmer ce qui devant voz yeux est ord et mesprisé. Ne vueiUez pas que je juge selon la vanité des yeulx du corps tantseullement, ou que je donne la sentence selon le rapport des folz hommes de ce monde , mais que je puisse vraiement discerner, et en vray jugement, des choses visibles et invisibles, et sur toutes choses enquérir le bon plaisir de vostre voulenté.

Car souvent les sens des hommes sont deceuz en leurs jugemens; ceulx aussi qui mettent leur

I. Qu'il pour qui ; se rencontre fréquemment, et s'explique logiquement : ce que il vous plaist.

amour et affection es choses de ce monde sont deceuz en aymant tant seullement les choses visibles. Comment est aulcun meilleur ou plusgrant pource que ung aultre le repute ou juge tel ! Ung trompeur deçoyt ung aultre trompeur se il l'exaulce ou loue ; aussi ung orgueilleux ung autre orgueilleux , ung aveugle ung aultre aveugle, ung malade ung aultre malade, ung boyteux ung autre boyteux; et véritablement de tant plus le deçoyt et le confond , c'est à dire lui fait plus deshonneur, que il le loe follement. Car comme dit l'humble sainct Françoys, aussi grant est la personne, et non plus, que il est devant Dieu.

Que on se doibt tousjours en humbles œuvres

occuper quant en deffault de grans, c'est

à dire que se une personne ne se sent

pas la grâce de Dieu défaire grans

œuvres^ pour cela ne doibt pas

laisser à bien faire selon

la grâce que Dieu luy

donne.

LP Chapitre.

eau filz , tu ne peuz pas tousjours estre en grant ferveur d'esperit ne en grant désir de vertu , ou en hault degré de contemplacion ; mais nécessité t'est que aulcunesfoyz tu descendes en bas pour la nature de la corruption humaine, et que tu sentes et portes, vueilles ou non, l'ennuy et charge de ceste vie

i$3 L'Internelle

corruptible. Tant longuement que tu es en ce corps mortel, tu sentiras ennuy et grieveté de cueur. Il fault doncques que souventesfoyz tu recongnoisses en ceste chair empeschement, etayes desplaisir et douleur de ce que tu ne peuz ainsi continuellement vaguer aux occupacions et meditacions espirituelles que tu vouldroys et que besoing te seroit.

11 fault doncques que lors tu te occupes et excercites en humbles et exteriores bonnes œuvres , et en prennes pour lors aulcune recreacion en attendant humblement mon advenement et la visitacion de la grâce divine en ferme confiance et espérance , en portant paciemment ton exil, c'est à dire ceste vie et l'arridité ou durté de cueur, jusques à ce que de rechief je te visiteray et je te delivreray de toutes ces anxietez. Car lors je te feray oublier tous labours, et estre en vray repos de cueur, et te espandray les prez de la saincteEscripture, c'est à dire la * te feray clère et manifeste sans quelques doubles ou scrupulositez, tellement que tu gousteras la doulceur espirituelle qui est dedens ; par iansi de cueur joyeux et dilaté en parfaicte amour et vraye charité tu courras les voyes des comraandemens de Dieu , c'est à dire qu'ilz te sembleront si legiers et raisonnables que tu prendras grant plaisir à les accomplir, et diras que les tribulacions, peines et labeurs de ceste vie présente ne sont pas dignes à la gloire et retribucion que nous attendons en l'autre monde.

' Elle, cette saincte Escriptitre.

Que l'homme ne se doit pas reputer digne de

quelque consolacion ou réconfort^ mais plus

de pugnicion et ajfliction,

LIP Chapitre.

on Dieu et mon Seigneur, je ne suis pas de vostre consolacion digne ou visitacion espirituelle, etpource, Sire, vous faictes tresjustement quand vous me laissez povre et désolé. Car se je fondoye tout en larmes comme la mer est pleine d'eaue, encores ne seroysje pas de vostre consolacion digne. Car je ne suis digne que de flagellacion et de pugnicion, car je vous ay tant de foiz et si griefvement offendu , et en tant de choses et de manières de péchez ; et pource par vraye raison et consideracion je ne suis pas digne de la plus petite de voz consolacions. Mais vous, Sire, doulx, piteux et misericors, qui ne voulez point que nulles de voz créatures périssent, en demonstrant l'abondance des richesses de vostre bonté es vaisseaulx de miséricorde, c'est à dire en ceulx qui de vous sont esleuz à avoir miséricorde, oultre mon propre mérite avez daigné conforter et consoler vostre serviteur plus que on ne pourroit penser. Et certes voz consolacions ne sont pas comme les fabulacions ou flateries des hommes.

Que ay-je. Sire, fait ou desservy pour quoy me deussez donner ceste consolacion céleste et espirituelle! Je ne me recorde point, Sire, que je feisse

igo L'Internelle

oncques quelque bien ; mais ay esté tousjours enclin en mal et paresseux à moy amender. Il est vray, Sire, et ne le puis denyer, et si aultrement disoye, vous seriez contre moy comme vérité, et n'y auroit aulcun qui me deffendist. Que ay-je desservy avec ce, fors Enfer et le feu pardurable ! En vérité, Sire , je confesse que je suis digne de toute honte et de toute deshonneur, et n'appartient pas que je soye nombre ou demourant avec voz amyz et devotz. Etjaçoit ce que je oye ou racompte cecypar ennuy *, c'est à dire qu'il me fait mal de le racompter ou remembrer, toutesfois contre moy et pour vérité je arguray, et reprendray mes péchez, affin que je puisse plus legierement impetrer vostre miséricorde.

Que diray-je moy, pécheur et plain de toute honte et confusion? Je n'ay bouche qui puisse dignement quelque chose dire fors tantseullement ceste parolle : j'ay péché, Sire , j'ay péché, ayez pitié de moy et me pardonnez ; attendez-moy ung peu et laissez, à ce que j'aye plouré mes péchez et fait pénitence devant que j'aille à la Terre ténébreuse et obscure, et couverte des ténèbres de la Mort ! Que demandez-vous, Sire , à ce grant et meschant pécheur, fors qu'il se repente et aye contriction, et se humilie pour ses péchez. Car en vraye contriction, repentance et humiliacion de cueur est engendrée espérance de pardon , et la conscience perturbée appaisée et reconciliée, la grâce perdue reparée et

' Envis, édit. de 1498.

CONSOLACION. II. igi

recouvrée, l'homme est deffendu et gardé de l'ire qui est ad venir, c'est à dire de dampnacion perpétuelle ; et s'entrerencontrent ensemble, en saincte amour, Dieu et l'ame repentant.

L'humble contriction et repentance du pécheur vous est trop plus plaisant et aggreable sacrifice, et plus souef flairant ' en vostre présence , que quelconque thurificacion d'encens. C'est aussi le sainct oyngnement que vous avez voulu estre respandu sur voz sainctz piedz ; car oncques vous ne mesprisastes cueur contrict et humilié par pénitence. En ce est le lieu de reffuge , et seurté de la paour de l'Ennemy ; icy est amendé et nectoyé ce qui par avant avoit esté ordoyé , et mesprins, et mal fait.

Que la grâce de Dieu n'est point donnée ou

octroyée à ceux qui sont sages selon le

monde tantseullement.

LUI* Chapitre.

fT^a^:^ eau filz, c'est précieuse chose que ma lÉ ^J^ grâce ; elle ne seuffre point estre meslée ^ ïwli °" comparée aux choses estranges ou i^irrvs^ mondaines et consolacions terriennes. Se doncques tu desires recepvoir l'infusion et consolacion d'icelle grâce, il convient que tu ostes et chaces hors de toy toutes choses qui la pevent empescher. Quiers lieux secretzpour toy, désire habiter