I. Exhalant plus suaye odeur

192 L'Internelle

seul avec toy, ne demande point gengleries * d'aultruy, maisfaiz dévotes prières et oraisons à Dieu à ce que tu ayes compunction de cueur et conscience pure et necte. Ne prise tout le monde estre riens, mais sur toutes choses ayme à vacquer à Dieu ; car tu ne pourroys vacquer à moy et avoir avec ce delectacions es choses transitoires. II te fault esloigner et séparer de tous tes parens et amys, et tenir ton cueur privé de toute consolacion temporelle. Ainsi prie saint Pierre en sa Canonique * : que les Crestiens se contiennent en ce monde comme estranges et pèlerins des charnelz désirs qui combatent contre l'ame.

0 ! comme te sera grant fiance à l'heure que vouldras mourir, se nul désir ou affection ne te tient en ce monde! Mais avoir ainsi de tous pointz le cueur ne sent pas bien' à celluy qui est encore enferme, ne à l'homme bestial, c'est à dire qui n'est pas encore espirituel ; car il ne congnoist point bien la liberté de l'homme de dedans, c'est assavoir de l'esperit. Toutesfois, qui veult bien estre espirituel, et apparcevoir ce qui est dit, il convient qu'il renonce à toutes personnes, aussi bien prouchains comme estranges, et encore ne eschever plus aultre'' que soymesmes. Se tu te povoys vaincre toymesmes, tu surmonteroys plus legierement les aultres. Parfaicte victoire est vaincre soymesmes et triumpher ;

I, Caquetage.

a. Beati Pétri Apost. Epist. Prima.