N'éviter personne plus que

car qui se peult tenir en subjection soubz soymesmes, et que la sensualité soit subjecte à raison, et que raison en toutes choses me obéisse, ung tel est vray maistre de soy, et seigneur du monde .

Et se tu désires à venir et monter en ceste haultesse, il te fault commencer fort et de bon cueur et grant, et mettre la coygnie à la racine, et que tu arraches et destruises toute desordonnée inclinacion et affection à toymesmes et à tout aultre privé ou propre bien mondain. Car de ce meschant vice, que l'homme se ayme soymesmes trop desordonnement, vient et pent près que tout ce que homme si a à vaincre en soy ; lequel vice ou mal quant il est vaincu et surmonté, tantost vient après la grant paix et continuelle transquilité en l'ame. Mais pou de gens sont qui parfaictement se esforcent de mourir à soy et qui plainement tendent à eulx eslever hors soy ; et pource demeurent-ilz impliqués et empeschez en soy, et ne se pevent eslever en esperit sur soy. Mais celluy qui veult venir franchement et estre avec moy , il convient et est nécessité qu'il mortifie en soy toute maulvaistié et desordonnées affections, et qu'il ne désire adhérer ou estre affiché à quelque créature pour amour privée ou especialle fors à moy.

194 L'Intep.nelle

Des divers mouvemens ou inclinacions de Grâce et de Nature.

LIIIP Chapitre.

eau filz, entens et considère diligemment les esmouvemens ou inclinacions de Nature, et de Grâce, car elles sont trescontraires, et subtillement se esmouvent, et à grant peine les peut-on bien discerner ou congnoistre et distinguer, sinon d'ung homme bien enluminé dedans et espirituel. Il est vray que toutes les deux appôtent et désirent bien ou bonne chose, et demonstrent aulcune chose de bien en leurs paroUes et euvres ; et pource plusieurs y sont deceuz soubz espèce de bien.

Nature est caute et malicieuse, et attrait à soy plusieurs et les enlace et déçoit , et tousjours est la fin de ses euvres, c'est à dire qu'elle faict pour soy ses euvres finablement. Mais Grâce va simplement avant et se garde tousjours de toute maulvaise intencion ; elle n'a nulles fallaces ou déceptions , et tout ce qu'elle fait est pour l'amour de Dieu purement, ou quel ' elle se repose finablement.

Nature envis ^ se mortifie et ne veult point estre subjecte ou subjuguée de son gré. Mais Grâce, c'est

Auquel.

Malgré soi.

à dire l'inclinacion qui vient de Grâce, se estudie à se mortifier et résister à sa propre sensualité ; elle quiert estre subjecte, désire estre vaincue, ne estre ou user de sa propre franchise et liberté '; elle ayme estre tenue en discipline , elle ne convoite point dominer à aullruy, mais tousjours veult estre et vivre soubz aultruy, et est appareillée soy encliner humblement à toute créature humaine pour l'amour de Dieu.

Nature, ou la voulenté et désir qui vient de Nature, laboure pour son propre proffit , et regarde soigneusement quel bien ou proffit luy peut venir d'aultruy. Grâce ne considère pas ce qui luy est proffitable et utile, mais plustost advise comment elle pourra proffiter aux aultres.

Nature prent voulentiers honneur et révérence se on luy fait. Grâce attribue loyaulment à Dieu toute la gloire et honneur.

Nature craint et doubte et fuyt honte et mesprisement ou confusion. Grâce se esjouyst à souffrir et porter honte et deshonneur pour l'amour de Jesuchrist.

Nature ayme occiositez et repos corporel. Gi'ace ne peut estre oyseuse, mais voulentiers laboure, et prent peine et travail.

Nature veult avoir choses curieuses, belles et plaisantes, et refuse les grosses et viles. Grâce se delicte et prent plaisir en choses simples et hum-