I. Ne pas être en sa propre francliise ou n'en pas user

196 L'Internelle

blés, et ne refuse point les aspres, ne estre vestu de vieulx et gros draps.

Nature regarde aux biens temporelz, et s'esjouyst de gaing terrien, et est contristée du dommaige, et pour une petite paroUe injurieuse tantost est irritée ou esmeue. Mais Grâce a son regard aux biens pardurables ; elle ne adhère ' point par affection aux biens temporelz et mondains, et ne se trouble pas de la perdicion d'iceulx; elle ne se courrouce point de dures paroUes si on les luy dit, car elle constitue et colloque son trésor, c'est assavoir son amour, son espérance et sa joye, en Paradis, auquel lieu elle ne peult rien perdre.

Nature est convoiteuse et prent plus voulentiers qu'elle ne donne, et ayme son propre et approprié à soy. Grâce est piteuse et commune; elle eschève singularité et est contente et appaisée de peu , et juge que c'est plusgrant bien de donner que de prendre.

Nature s'encline aux choses qui pevent cheoir et faillir, à sa propre charnalité, à vanitez et vagïicions. Mais Grâce trait à Dieu et aux vertus, et renonce aux choses qui pevent faillir et périr; elle fuyt le monde, et hait les désirs de la chair, et restraint ses evagacions; elle a honte de apparoir en publicque.

Nature prent voulentiers aulcun soûlas et esbatemens par dehors, pour la consolacion et plaisir