I. AherdisI, édit

des sens. Mais Grâce veult seullement se delicter et consoler en Dieu tout seul, et prent plusgrant plaisir et delectacion en Dieu que en chose qui soit au monde.

Nature fait tout ce qu'elle fait pour son proffit et gaing temporel , et ne peult rien faire sans aul- CUn profSt, mais tousjours veult avoir et consequir • aussi grant bien que elle fait ou plusgrant, ou aumoins a espérance d'avoir louenge et faveur des hommes pour ce qu'elle fait, ou désire* que ses euvres soyent louées et grandement appréciées du monde. Mais Grâce ne désire quelque chose temporelle ou aultre loyer fors Dieu qu'elle ayme, et lequel pour toute retribucion elle demande, ne en toutes choses temporelles ne demande fors que ce qui luy est bien nécessaire, sinon en tant que luy pevent desservir à parvenir aux biens pardurables avoir et obtenir.

Nature se esjouyst d'avoir plusieurs amys et parens, et se glorifie d'estre de noble lignaige, ou estre en grant estât, lieu, et office ; elle rit avec les grans maistres et puissans, et flate les riches , et se joue avec ses semblables. Mais Grâce ayme ses ennemys, elle ne se esliève point de la multitude de ses amys, ne prise point le lieu ou commencement de son lignaige, sinon qu'il y ayt eu gens plus seurs ou vertueux en bien; elle favorise plus au povre que au riche, elle a plusgrant compassion de